АЗ ЖАРГАЛЫН ЭЗЭД

ҮГ. БЯМБАЦОГТ /н.а/

АЯ. ЭНХТАЙВАН /н.а/

Үнэлж цэгнэж үгээр тайлашгүй

Үнэн бодитой номын судсаар

Тэнгэрийн аялгуу дотоодод урсаж

Тэртээх дурсамжийг зүрхнээ шивнэнэ.

Дахилт: Аяа, бид нар гэрэл билээ

Аз жаргалын гэгээ билээ.

Сүр жавхлангаа мэдрэх гэж

Сүнсээ хөлөглөн замбуулинд буусан

Газар дэлхийгээ адислах гэж

Галав эрин бүхнийг туулсан

Дахилт: Аяа, бид нар аялгуу билээ

Амар амгалангийн эгшиг билээ.

Багш минь ирээд биднийг адислаад

Бурхан дүрийг минь мөнхлөн нээлээ

Амар амгалан эндээс эхлээд

Алтан дэлхий минь диваажин болно.

Дахилт: Аяа, бид нар хайр билээ

Ариун орны иргэд билээ

Аяа, бид нар Бурхад билээ

Агуу бүхний эзэд нь билээ.