SMCH

"Амьтад биднийг нөхцөл болзолгүйгээр ивээж байдаг "

2011-05-05T07:18:00.000-07:00

“Ойрхи Дорнодын Цагаан Хоолны Анхдугаар Чуулган"-д Их Багш хариулж байна.

Леена Аббас: Сайн байна уу, Төгс Гэгээрсэн Их Багш аа, \Сайн уу?\ Танаас асуулт асуух завшаан тохиолдож байгаа нь нэр төрийн хэрэг. Амьтад энэ дэлхий дээр амьдрах учир шалтгааныг бидэнд тайлбарлаж өгнө үү. Зөнч Мухамед, амгалан түүнтэй хамт байг, биднийг амьтадтай энэрэнгүй байхыг сургасан. Амьтад байх нь бидний бие, сэтгэл, оюуны санаанд ямар үүрэг гүйцэтгэдэг вэ? Баярлалаа!

Их Багш Чин Хай: Сайхан асуулт байна. Сайхан асуулт байна. Өчигдөр Канкунд болсон COP16-ийн хүндэт төлөөлөгч нарт өөрийн бясалгалын тэмдэглэлээсээ хуваалцсан, өнөөдөр та бүхэнтэй хуваалцаж байгаа шиг. Амьтад энд биднийг адислахын тулд байдаг. Амьтан бүр хүмүүст оюун санааны оноо өгч, оюун санааны хүчийг нэмэгдүүлж байдаг. Хэрэв чи энэ сэдвийг сонирхож байгаа бол өчигдрийн зүйл удахгүй гарах байх, өчигдөр шууд дамжуулж байсан учир удахгүй олон хэлний хадмал орчуулгатайгаар дахин нэвтрүүлэх байх. Чи давталтыг нь үзээрэй, гэхдээ би товчхон хэлье. Жишээ нь хүн өдөрт оюун санааны 100 оноо цуглууллаа гэж бодъё, харин дельфин, халим нь танд илүү 40 оноо эсвэл бүр 50 оноо ч илүү өгнө. Харин гэртээ нохой тэжээдэг бол олсон оноон дээр чинь 8 оноо нэмж өгдөг. Тэгээд оноо хураах тусам улам их үрждэг. Мөн эргэн тойронд байгаа шувууд хүртэл оуюн санааны оноо өгнө. Тэр бяцхан шувуу хүртэл, дивэн нисээд л танд 4 оноо өгдөг. Ялаа хүртэл оуюн санааны оноо өгдөг. Дэлхий дээрх бидний харж байгаа мөн харахгүй байгаа бүхэн биднийг өдрийн туршид адислаж байдаг. Амьтад биднийг нөхцөл болзолгүйгээр ивээж байдаг юм, за юу. Тэд зөвхөн өгөөд л, өгөөд л, өгч л байдаг юм. Бид тэднийг халамжилж байгаа эсэхээс үл хамааран адислаж байдаг. Үнэндээ бол амьтад биднийг адислаж байгаагүйсэн бол бид бүр аль эрт үгүй болцгоох байсан, эсвэл Дэлхий тэр аяараа сөнөчихсөн байх байсан. Амьтад амьдралд байх нь ийм л хүчирхэг байгаа юм. За юу? Баярлалаа, хайр аа!

Леена Аббас: Баярлалаа, Их Багш аа.

илүү дэлгэрэнгүй мэдээллийг www.suprememaster.mn сайтаас үзэж сонирхоно уу.

"Эрин Зууны Хайр"

2011-04-28T18:38:00.000-07:00

Төгс Гэгээрсэн Их Багш Чин Хайн "Эрин Зууны Хайр" яруу найргийн цоморлиг монгол хэл дээр орчуулагдан гарч гэгээлэг уншигч таны оюуны мэлмийд очиж байна.
Уг номны нээлтийн ажиллагаа 4-р сарын 22-ны өдөр Төгс Гэгээрсэн Их Багш Чин Хайн Монгол дахь Олон улсын нийгэмлэгийн төвийн Ловин Хат-д зохион байгуулагдсан бөгөөд номын зохиогч болох Их Багш маань шууд теле хурлаар оролцон гайхамшигт адислалыг монгол түмэнд маань түгээсэн нь үгээр хэлэхийн аргагүй байлаа.
Хязгааргүй Их хайрын далайн дусал бүрийг хүн төрлөхтөнд түгээн адислал буянаа хайрласан Хайрт Багшдаа талархъя.
Таны шүлэг бүхэн хаврын цэцэгсийн анхилам үнэр адил ялдам урсгалаар хамаг амьтны ухамсарт нэвтэрч, сүнс бүрийн нигүүлсэнгүй чанарыг сэрээн, мөнхийн хайрын эрэлд бүхнийг дагуулах бөлгөө.
Бүхий л төрөлтөн бээр Таны хязгааргүй нигүүлслээр адислагдан
Гэгээрлийн Эрэг рүү нэн даруй эргэн хүрэх болтугай.
Яруу найргийн энэхүү гайхамшигтай номыг оюунлаг уншигч та бүхэн Улаанбаатар хотын номын дэлгүүрүүд болон мөн ТГИБЧин Хайн Монгол дахь төвөөс ирж худалдан авч болно.

"Гарагаа аллагын үйлийн үрээс аварцгаая"

2011-04-20T07:32:00.000-07:00

"Дэлхийн галаваас аврагдах арга зам"

2011-04-07T08:27:00.000-07:00

Төгс Гэгээрсэн Их Багш Чин Хай 1994 оны 9-р сарын 8. Япон, Нарита нисэх онгоцны буудал.

Энэ удаад би Японд ирээд сэтгэл амарлаа. /Алга ташив/ Та бүхэн авшиг аваад нэлээд удчихлаа. Та бүхэн бас хичээнгүйлэн бясалгаж, дадлагажин, биеэ ариусгалаа. Энэ нь Япон орны уур амьсгалд нэн тустай. Ийм замаар бид дэлхийдээ туслаж байна. Тиймээс би та бүхнийг энэ дэлхийн аврагчид хэмээмээр байна. Энэ дэлхийн ах дүүсийн маань олонхи нь өөрийн үндсэн үүрэг, төрөлх Будда чанар, мөн Бурханлаг чанараа умартжээ. Оронд нь тэд дэлхий болон ертөнцөд олон хор уршигтай зүйлс хийжээ. Хэрвээ бүх хүн ийм зүйлс хийсэн бол, тэгээд үүнийг тэнцүүлэх ямар ч эсрэг арга хэмжээ авагдаагүйсэн бол, дэлхий маань асар их аюул гамшигт өртөх байв. Үй олон гамшигууд хэдийнэ тохиогоод байгаа боловч илүү их хор хөнөөлтэй нь хэзээ мөдгүй тохиолдох гээд байна. Өнөөг хүртэл эдгээр гамшгууд нь ихэнх тохиолдолд нэг улсыг буюу аль нэг улсын хэсэгхэн газрыг хамарч байв. Хүн бүр оюун санааны дадлыг урьдын адил үл ойшоосон хэвээр байж, оронд нь муу муухай зүйлс хийж, бусдын амьдрал ба зүрх сэтгэлийг уландаа гишгэн, хүмүүний эрхэнд тоомжиргүй хандвал, бүхэл бүтэн дэлхий даяныг хамрах илүү их гай зовлон ч тохиолдох болно. Бид ид шидийн хүчийг ашиглахгүйгээр, ирээдүйг харах боломжтой. Энэ нь учир шалтгаанлаг, шалтгаан ба үр дүн учраас бид үүнийг ид шидийн хүч ашиглахгүйгээр мэдэж болно.

Олон зурхайч ба ирээдүйг зөгнөгчид нь дэлхий дээр их хэмжээний ноцтой сүйрэл нэгэн зэрэг болж болохыг урьдчилан тааварласан байдаг. Янз бүрийн улс орнуудад ялгаатай цаг үеүдэд янз бүрийн хүмүүс үүнтэй ижил төсөөлөлтэй байсан. Тэдгээр хүмүүс үнэхээр ирээдүйг харж чаддаг тул тэд санаандгүй хэлээгүй. Бүх цаг үеүдэд тийм хүмүүс олон улс үндэстэнүүдэд олноороо байсан. Тэд ховор байгаагүй.

Тийм боловч, бид сайтар бясалгаж байж мэднэ. Манай бясалгагчид олон улс үндэстнүүдэд байж, томоохон бүлэг бүхий бясалгалын төвүүдийг буй болгодог. Бидний хамтдаа нэгдсэн хүч чадал туйлын хүчирхэг. Тиймээс энэ дэлхий юутай ч аврагдах боломжтой хэмээн би боддог. Хэрэв бид хамтдаа ямар нэг юмны төлөө чин сэтгэлээсээ залбирах буюу бясалгавал бид асар далайцтай эв найрамдлын уур амьсгалыг буй болгох бөгөөд энэ нь туйлын их үр дүнтэй байх болно. Энэ нь зөвхөн тухайн газраар ч хязгаарлагдахгүй. Жишээ нь, танай нутаг ганц ч гол усгүй байвч бусад газар нутгууд гол мөрнүүдтэй байв. Гол мөрөн болоод далайн ус ширгэж, уур манан болоод дараа нь бороо ордог. Хожим энэ нь танай нутагт ч бас нөлөөлнө. Өөр нэгэн жишээ: та зам дээр ч юмуу тодорхой нэгэн газар ямар нэгэн асуудалд орж, машины осолд орлоо гэе. Тэгтэл, маш энэрэнгүй сэтгэлтэй хоёр хүн тааралдаж, танд их анхаарал халамж тавьж, туслаад, та хайрын, аюулгүй бөгөөд нэн тааламжтай сэтгэгдэлтэй үлдэв. Таны бүх юм зүгээр болоход тэндээс холдосныхоо дараа буюу эмнэлэгт долоо хоносныхоо дараа ч, тэрхүү хайрын мэдрэмж тантай хамт байсаар байв. Түүнээс хойш та хэнийг ч харсан, эсвэл олон хүнтэй хуралд байлцахдаа ч, тэдэнд тун их хайрын сэтгэлээр, хүлээцтэй хандаж мөн дараа нь таны энэрэл нигүүсэлийн сэтгэлээр тэдгээр хүмүүс тэр хайрыг үргэлжлүүлэн гадагш тарааж, бусдад мөн хайраар хандах байсан. Тэгээд тэдний хайраар хандсан хүмүүс нь энэ хайрыг дахиад олон хүмүүст дэлгэрүүлэх байсан. Эл дамжуулалт нь үргэлжилсээр, яг тосон дусал дуссан газраа тархаж томорсоор байдагтай ижил байх болно.

Үүний нэгэн адилаар, хэрвээ ямарваа хүнд бясалгах цаг хүрэлцээтэй байвал,түүний дотоод сэтгэл амарлингуй байх байсан бөгөөд үүнээс улбаалаад, түүний тайван амирлангуй хандлага болоод уур амьсгал нь цаашлаад түүний уулзаж учирсан, хөршүүд болоод түүнийг хүрээлсэн хүмүүст нөлөөлөх байсан. Түүнийг харсны дараа, хүмүүс түүний гэрлэн бүрхүүлийн нөлөөнд автаж, амгалан тайван болох байсан. Тэд “Өө. Зүйтэй. Бид амгалан тайван, хайрын сэтгэлтэй байх нь зүйтэй.” Хэмээн бодох байсан. Энэ нөлөөлөл нь тархах тусам ахиухан хүмүүс уг нөлөөнд нь автах байсан. Тийм болохоор, манай оюун санааны дадал бясалгал нь үнэхээр ач тустай юм. Энэ нь ердөө л учир шалтгаанлаг зүйл, ер бусын буюу ойлгоцын хэрээс хэтэрсэн зүйл огт биш ээ. Хүмүүс баяр баясгалангүй бөгөөд хайрлах сэтгэл дутмаг учраас энэ дэлхийд олон тааламжгүй зүйлс үүсдэг. Жишээ нь, бид сэтгэл зүйн ном буюу сонинууд дээрх тэмдэглэлүүдийг олонтаа уншдаг. Илүү үймээн дэгдээдэг ба хэрцгий догшин авиртай хүмүүсийн олонхи нь хүүхэд ахуйдаа хатуу ширүүн харилцааг амсаж үзээд, шоовдорлогдож байсан байдаг. Огт хайр амсаагүй тул тэд сэтгэл санаа нь тавгүй өсөж, хатуу зан авиртай болдог. Тэдний олонхи нь ийм л учир шалтгаантай байдаг.

Өнөө үед манай бясалгалын төвүүд нь хүмүүсийг амарч, тайвшрах нөхцөл бололцоогоор хангаж байна. Амар амгалан байдлыг мэдрэн, тэд уг газрыг аюулгүй гэж мэдэх болно. Хэн ч тэднийг уурлуулахгүй, тэдэнд зүй бусаар хандахгүй болохоор тэд зүрх сэтгэлдээ илүү амар амгалан бөгөөд тайван дөлгөөн болдог. Хожим нь тэдэнд айж түгших, бухимдаж цухалдах эсвэл аюул заналтай тулгарсан мэт мэдрэмж төрөхөө болино. Нөгөөтэйгүүр бид бас тэдэнд дотоодын Бүхнийг Чадагч Хүчтэйгээ харилцахад нь сургадаг. Аяндаа, тэд өөрийгөө үнэхээр сүр хүчтэй болохыг ухамсарлаж мөн сайжирна. Эргэлзээгүйгээр тэд улам бүр амарлингуй бөгөөд тайван болох юм. Та бүгдийн хувьд яг ийм байсан биз. /Алга ташив/ Тэгэхээр, та бүхэн ойлгож байгаа байх. Оюун санааны бясалгал нь нэн учир шалтгаантай зүйл. Та бүхэн учир шалтгаанлаг эргэцүүллээр ойлгож болно. Эдгээр оюун санааны бясалгалын газрууд нь хүмүүст өөрийгөө цэгнэхэд болон дотоод сэтгэлийн гүн дэх амар амгаланг эрэлхийлэхэд зайлшгүй шаардлагатай байдаг. Ийм учраас л бясалгахад таны амьдрал сайжирдаг. Та улам бүр илүү ухаантай , юмыг илүү ухаж ойлгодог, илүү сул чөлөөтэй, бусдыг уучлахдаа амархан, мөн илүү энэрэн нигүүлсэх сэтгэлтэй болдог. Урьд өмнө нь, та өөрийгөө халамжилж анхаарах арга замаа мэддэггүй байсан тул ая тухгүй, бие болоод оюун ухааны тань аль аль нь дорой байсан.

Дээр диваажинд тэд эм тангийн оронд гэрлээр эмчилдэг. Магадгүй бид ирээдүйд үүнтэй төстэй Гэрлээр өвчин анагаах боломжтой болно байх хэмээн би боддог. Зарим хөгжим мэтийн дуу авиагаар засрал авдаг өвчин эмгэгүүд байдаг. Бидний бясалгалын арга Гэрэл ба Аялгуунаас бүтдэг. Олон зовлон тарчлал болон дарамт ачаалал аажимдаа багасч, эцэс сүүлдээ бүр алга болдог. Бид уг гарлаасаа өндөр оюуны хөгжилтэй төрөлтнүүд. Гэсэн хэдий ч бид энэ дэлхийд хэрээс хэтэртэл дарлагдаж, амрах цаг завгүй байдаг. Тэр бүү хэл, амрах цаг олдлоо гэхэд бид амрах тохиромжтой арга замаа мэддэггүй. Зугаалгын идэвхтэй үйл ажиллагаа нь биднийг ердөө л ядраадаг, их мөнгө зарцуулсан бол бүр ч ихээр, бидэнд зөвхөн бүр ч их ая тухгүй мэдрэмж төрдөг. Одоо, бидэнд бясалгах цаг байвал Гэрэл болон Аялгууны хүчээр бүх өвчин эмгэгээ анагааж, мөн цэцэн мэргэн ухаантай болно. Амар жимэр байдалд, бид уг чанарынхаа билэг ухааныг олж авч чадна. Иймд бид улам их сайжрах нь ердөө жам ёсоороо л болж буй хэрэг.

"Ухамсарлахуй"

2011-04-06T06:28:00.000-07:00

Ертөнцөд хамгийн хүчтэй болохын түлхүүр нь эсэргүүцэхгүй байх явдал юм. Үүгээр дамжуулж ухамсар /сүнс/ өөрийг нь хорьж байсан хэлбэрээс мултарч гардаг. Хэлбэрийг буюу болж, тохиолдож байгаа зүйлийг дотроо эсэргүүцэхгүй байснаараа та хэлбэрийн үнэмлэхүй бодит гэдгийг үгүйсгэж байгаа юм. Эсэргүүцэл нь дэлхий болон би –д төвлөрсөн сэтгэлийг маш чухал мэт харагдуулан өөгшүүлж, өөрийгөө болон ертөнцийг маш ноцтойгоор авч үзэхэд хүргэдэг. Тэгээд энэ хэлбэрт баригдсан тоглоом нь сүүлдээ амьдралын төлөөх тэмцэл мэт ойлгогдож, үүнийг нь та итгэсэн тохиолдолд энэ нь таны амьдрал болдог. Амьдралд тохиолдож буй олон зүйлс, амьдралын олон хэлбэр бүгд түр зуурынх. Тэд бүгд урсан өнгөрнө. Хэрвээ юмс үзэгдэл мөнхийн биш гэдгийг хүн ойлговол түүнд тэгж их дасахгүй байх болно. Ингээд эсэргүүцэхгүй байх, шүүмжлэхгүй байх, дасахгүй байх нь жинхэнэ эрх чөлөө ба гэгээрсэн амьдралын гурван үзүүлэлт болно.

Юманд дасахгүй байх гэдэг нь амьдрал танд бэлэглэсэн сайхан зүйлсийн төлөө баярлахгүй бай гэсэн үг биш юм. Үнэндээ бол та түүнийгээ улам хайрлаж баярлах хэрэгтэй. Хэрэв та юмс үзэгдэл хувьсах шинжтэй, бүх зүйлс өөрчлөгддөг гэдгийг ойлгож хүлээж авбал ертөнцийн танд өгсөн тэр сайн сайхныг үргэлжлэх хугацаанд нь алдах вий гэж айлтгүйгээр, ирээдүйн төлөө санаа зовохгүйгээр үнэнээсээ үргэлж баярлана. Ингээд та түүнээсээ салахдаа амьдралд тохиолдох үйл явдалд өөрийгөө барьж хүлэхийн оронд түүнийг илүү өндөрлөгөөс харах цэгтэй болсон байна.

Ямарваа хэлбэрээр өөрийгөө тодорхойлохгүй болсон цагт та буюу өөрөөр хэлбэл “ухамсар” чинь хэлбэрийн хүлээснээс тайлагдана. Энэ эрх чөлөө бол өндийж буй дотоод орон зай, Бурханы амар амгалан байдал.

Амьдрах урлагийн буюу амьдралын бүх амжилт, аз жаргалын нууцыг агуулсан нурван үг байдаг. “Амьдралтай нэг бай.” Амьдралтай нэг байх нь Энэ мөчид амьдар /одоогоор/ гэсэн үг. Тэгмэгц та өөрийнхөө амьдралаар амьдардаг биш, харин амьдрал танаар амьдардаг болохыг мэдэх болно. Амьдрал бол бүжигчин, харин та бол бүжиг нь.

Өөрийгөө амьдралын Эхээс гарах энергийг бүхний тусийн тулд дамжуулах нүх гэж мэдрээрэй.

Өөрийн дотоод зөн совингоо сонс, зүгээр л итгэ.

2011-03-26T06:39:00.000-07:00

Их Багш Чин Хайн “Дотоодын Багшдаа Итгэ”сэдвээр 1996 оны 7 сарын 30-нд Камбожид тавьсан лекцийн хэсгээс.

Заримдаа бид үнэхээр сандралд ордог, учир нь энэ дэлхий зарим зүйлсээр, юмуу цаг хугацаа шаардлагаар биднийг дарамталж, бид сандран : "Өө, Бурхан минь. Би үүнийг хийж чадахгүй нь. Надад ганцхан өдөр байна, эсвэл хагас өдөр байна, надад өөр зүйл хийх хүсэл алга байна, би энэ зүйлийг л яг одоо хиймээр байна, бусад зүйл намайг шавдуулсаар байна” гэдэг. Гэвч хэсэг зуур бясалгасны дараа дэлхий биднээс шаардлагаа татаж авдаг, эсвэл асуудал хаа нэгтээ алга болдог. Бид яагаа ч үгүй байхад сандарсан байдаг. Зүгээр тайван бай, “Т-А-Й-В-А-Н”. Тайван бай, хүүхэд минь! Тэгээд бүх зүйл зүгээр болно. Өөрийн дотоод зөн совингоо сонс. Заримдаа энэ хэцүү гэхдээ аль дуу нь илүү хүчтэй гэдгийг хараад, энэ хүчтэй зөн совин дээр бат зогс. Учир нь заримдаа танд үүнийг хийх хэрэгтэй юм шиг байдаг, харин өөр хүмүүс ирээд, өөр зүйл хийхийг танаас шаардаад, ингэж хэлдэг. “Энэ л сайн, харин энэ одоо хэрэггүй, үүний хэрэг одоо байхгүй. Та энэ чиглэл рүү хурдан гүйж, энэ тэр зүйлийг хийвэл сайн” гэдэг. Тэгээд дотроо үүнийг хийх ёстой гэж мэдрэвч энэ нь таны дотор тэмцэл өрнүүлж, хэд хэдэн талаас зулгааж байх шиг санагддаг. Тэр үед суугаад, бясалга, за? Өөрийн Будда дууг сонс, дотор байгаа зөн совингийн дуу, танд юу хийхийг хэлж өгч чадах аядуухан дууг сонс, эсвэл өөрийгөө тайвшруулж, танд аль чиглэл хамгийн сайн гэдгийг тодорхой хар. Би энэ бүхнийг өөрийн туршлагаас хэлж байна. Би үүнийг номноос иш татаагүй. Ном бидэнд энэ бүх зүйлийг заадаггүй, тийм ч их зүйл хэлж өгөхгүй. Харин энэ үргэлж үр дүнгээ өгдөг, учир нь өөр бид хаашаа хандах вэ, хорвоотой учраа олоход өөр бид юугаа ашиглах вэ? Дэндүү их зовлон биднийг дарж, утга учиргүй зүйл, дарамт бидэн шиг өчүүхэн төрөлтөн дээр бууж, заримдаа бид яахаа үнэхээр мэддэггүй. Энэ нь таны сэтгэлийг маш их түгшээж, амгалан бус болгодог. Чухал мөчид бидний хийж чадах цорын ганц зүйл бол Гэрэл, Аялгуун дээр хийх бясалгал. Гэхдээ ямартаа ч та залбирч бас болно. Залбирал гэдэг нь ”Өө, миний төлөө үүнийг хийгээч, Багш аа,” эсвэл “ Туслаач” гэсэн үг биш. Та үүнийг хэлж болно. Гэхдээ үүний зэрэгцээ тусламж хэдийнэ энд байна гэдэгт итгэх ёстой. Хэрвээ та үүнд итгэхгүй бол тэр нь танд маш муу. Зөвхөн итгэл - юмсыг биелэлд хүргэдэг. Учир нь үнэндээ бид Бурхан, хэдийнэ Будда билээ. Тусламж хэзээний тэнд байгаа, бидэнд тусламж ч хэрэггүй. Та Будда бол юу хийхээ мэднэ, үгүй юу? Тиймээс үүнд итгэ. Өөрийн Будда чанартаа итгэж чадахгүй бол Багшийн хүчинд итгэ, Будда чанарт итгэ, тэгээд энэ нь танд туслах болно. Танд Будда чанар байхгүй байсан ч, танд байхгүй гэж бодъё, та Будда биш, та өөрийгөө Будда гэж миний хэлсэн үгэнд та итгэхгүй байлаа гэж бодоход ч ядаж Багштай адилхан нэгэн таныг асуудалд үлдээхгүй, үгүй юу. Таныг дуудахаас өмнө Багш даруй мэдэх бөгөөд танд туслахын тулд арга чаргаа хэдийнэ хайх болно. Тиймээс үүнд зүгээр итгэ. Энэ л хамгийн сайн залбирал. Энэ нь хамгийн сайнаар танд биелэгдэх болно гэж итгэ. Юу ч тохиолдсон тэр нь танд хамгийн сайн, ирээдүйд, тун удахгүй та үүнийг хамгийн сайн гэж харах болно. Тиймээс ямар ч үед, ямар ч асуудалтай байсан, өөрийнхөө төлөө, хэн нэгний төлөө залбирахдаа зүгээр үүнд итгэ. Та Багшаас тусламж гуйж болно, Будда чанараас тусламж гуйж болно. Гэвч энэ нь биелж байгаа , биелэгдэх болно, биелэгдсэн гэдэгт итгэ. Тэгвэл бүх зүйл зүгээр. Библид бичсэнийг сана “Юуны ч төлөө залбирсан тэр нь биелнэ гэдэгт итгэ, тэр ёсоор чинь хийгдэх болно.” Юмс ийм л байдаг. Та өдөржин уйлаад, “Надад туслаач, яагаад туслаагүй байгаа юм бэ, хэдийнэ таван минут, арван минут өнгөрсөн, би танд дахиж 10 минут өгье” гэвэл бүтэхгүй. Та итгэх ёстой. Ямар ч өвчин, танд тулгарах ямар ч асуудлыг шийдэх агуу хүч нь өөрөө өөртөө итгэх явдал байдаг. Та үүнд итгэх ёстой. Учир нь та бол өөртөө байгаа цорын ганц Будда. Бид бүгд Будда. Гэвч дотор байгаа Будда бүгдийг мэддэг. Сүнс яахаа мэддэг. Та үүнд итгэж чадахгүй бол Багшийн хүч танд туслана гэж итгэ. Учир нь энэ тусалдаг. Энэ ямар ч үед тусалдаг. Багш таны төлөө юу ч хийхгүй бол Багштай байх ямар хэрэг байна? Бүр ээж аав хоёр өөрийн хүүхэддээ туслахын тулд хамгийн сайнаар хичээдэг, эгэл багш нар сурагчиддаа туслахын тулд хамгийн сайнаар хичээж байхад Тэнгэр, Газрын алинд ч хүрч чадах Багш таныг харанхуйд, бэрхшээл дунд яаж орхих вэ? Тиймээс өөртөө итгэх итгэл, Багшийн хүчинд итгэх итгэлээр шийдэж чадахгүй зүйл гэж үгүй. Учир нь Багшийн хүч бол таны хүч. Та бид хоёр нэг, тиймээс өөртөө итгэж чадахгүй бол тэр ёсоор бай. Та Багшаас тусгаарлагдсан гэж мэдэрч байгаа тул Багшийн хүчинд л итгэ. Багш сайн гэж бодож байвал Багш танд яагаад туслахгүй гэж?

Багшийн хүч хаа сайгүй байгаа, Багшгүй газар гэж хаана ч байхгүй. “Багш аа” гэж та хаана ч дуудсан байсан тэр нь 24 цаг тэндээ байна. Санаж байна уу? Тиймээс хаана ч байсан, хаана ч амьдарсан, юутай ч тулсан бүү сандар. Зүгээр итгэ, тэгээд болоо. Та өөрөө шийдэж чадах юм бол чадлаар хичээ. Та чадахгүй бол Багш танд туслана. Та өөрийнхөө Агуу хүчээ олох хүртэл Багш танд туслах болно.

Сансар огторгуйн нууцаас.

2011-03-21T01:43:00.000-07:00

2010 оны 10 сарын 3-нд Их Багш Чин Хай нь Суприм Мастер ТВ-ийн ажилчдын нар болон сансар огторгуйн бусад нууцуудын талаархи асуултанд хайр адислалын хамт хариулсан билээ.

Шавь: Сайн уу, Багш аа. (Сайн.) Багш аа, сансар судлаачдынхаар огторгуйн төвд агуу том хар нүхнүүд оршиж байж болох тухай санал дэвшүүлсэн байдаг. Багш энэ талаар бидэнд хэлж өгч болох уу? Тэдгээр нь юу болох мөн тэдний сансар огторгуйд оршин буй зорилго юу вэ?
Их Багш Чин Хай: Тэдгээр нь хог хаягдал дахин боловсруулах төв юм. Тэд дахин боловсруулах явцдаа муу бүхнийг устгаж, шатааж, чандарлаж, юу ч үгүй болгодог, харин дахин ашиглаж болохоор сайнуудыг дахин ашигладаг. Агуу том хар нүх нь гайхалтай их хүчин чадалтай боловсруулах хүчний байр ба энэ нь хүмүүсийн, эсвэл өөр бусад оршихуйн бий болгосон муу энергийг боловсруулж, улмаар ачаар нь хүмүүс тамд арай бага зовдог юм. Үүний үр дүнд олон гаригсын сүйрэх явц арай зөөлөн, арай урт хугацаатай болдог; хэрэв устах ёстой бол тэд энэ явцыг нь уртасгаж өгдөг, учир нь тэд цэвэрлэдэг. Гэвч заримдаа хүмүүс маш хурдан үйлддэг тул тэд тийм хурдтай цэвэрлэж амждаггүй. Тэрчлэн тэд чи бид, нийт хүн төрөлхтний хураасан ач буяны хүрээнд хязгаарлагдан цэвэрлэх үүрэгтэй байдаг. Боллоо, хайр аа. Энэ хариулт асуултанд чинь хангалттай байв уу?
Шавь: Тийм. Багш аа, хар нүхэн дотор юу байдаг вэ?
Их Багш Чин Хай: Ашиглаж болохоор зүйлс байдаг ба тэднийг гарч ирэхээр шинэ, илүү сайжирсан зүйл болгон ашиглаж болдог за? Яг л дахин боловсруулах төв, байр гэсэн үг.
Шавь: Юмс хар нүхэнд дахин боловсруулагдаад, улмаар гарч ирэн хэрхэн дахин ашиглагддаг вэ?
Их Багш Чин Хай: Энэ бол та нарын олж мэдэх ёстой нууц. Би зарим зүйлсийг та нарын оюун болоод зөн билэгт чинь үлдээе, за? Би та нарт хэлсэн, дахин ашиглагдаж болох юу ч бай, дахин ашиглагддаг гэж. Тэр нь магадгүй нөгөө төгсгөлөөр гарч ирдэг байх.
Шавь: Багш аа, хар нүхний оршихуйнууд, хар нүхэнд ер нь амьд оршихуйнууд бий юу?
Их Багш Чин Хай: Тийм хар нүх нь мөн амьд оршихуй, тэнд амьдардаг хэсэг оршихуйнууд бий. Гэвч та нар тэднийг мэдэхийг хүсэхгүй, за? Хэрэв мэдхийг хүсвээс та нар мөн чандарлагдах ёстой болно. Та нар тийш очих ёсгүй. Та нар тийш очих ёсгүй юм. Куан Иний бясалгагчид, Гэрэл Аялгуун бясалгалын аргын сайн шавь нар, Бурханы авралын хүчтэй холбогдсон тийм шавь нар тийшээ явахгүй. Тийш очих шаардлагагүй, мэдэв үү? (За, Багш аа. Баярлалаа Багш аа.) За, та нар тэгэхгүй гэж найдаж байна. Үгүй, үгүй. Зүгээр. Гэхдээ хэрэв та нар энэ амьдралдаа сайн байхгүй бол та нар сансар огторгуйн хамгийн дээд бэлгийг хүртсэн ч, авшгийг хүртсэн ч, энэ амьдралдаа маш их, бүр маш их зовох хэрэгтэй болно. Эсвэл физик биеэ орхисныхоо дараа нэн даруй та нар Диваажинрүү эргэж очихоосоо өмнө нэг хэсэгтээ зовох хэрэгтэй болно, мэдэв үү? Гол нь Куан Ин аргын бясалгагч болсноороо хүссэн бүхнээ хийж болно гэж битгий бодоорой, эсвэл Гэрэл Аялгуун бясалгалын аргын шавь болсноор Багшийн баталгааг хүртэнэ гэж бүү бод. Тийм, баталгааг хүртэнэ, гэвч “зам мөрийн” дагуу амьдрах ёстой, мэдэв үү? (За, Багш аа.) Жонни Кэшийн нэг дуу байдаг, “Чи минийх учраас би замыг чинь дагана” гээд. Тиймээс “замыг мөрийг минь дагагтун” (За.) Зам мөрийг дага, мэдэв үү? (За. Мэдлээ, Багш аа.) Тийм. Зам мөр тун хялбар: ургамлан хоолтон байх- бясалгах, амин ч бус байх – гурван зүйл.
Шавь: За, Баярлалаа.
Их Багш Чин Хай: Та нараас хүсч байгаа зүйл маань их биш, тийм биз? (Тийм Багш аа.) Та нараас хүсч байгаа зүйл маань их биш. (Юу ч биш.) Үргэлж болзол нөхцөлгүй, тийм үү? Үргэлж ургамлан хоолтон байх, за? Үргэлж боломж гарвал бясалгаж байх – минут тутамд, хором бүр хамаатай.
Шавь: Багш аа, хар нүхний сүнслэг түвшин ямар вэ, мөн агуу том хар нүхнүүдийнх ямар вэ?
Их Багш Чин Хай: Хар нүхнүүд, энгийн хар нүхнүүдийнх үү? (Тийм.) Хоёрдугаар түвшин (Ойлголоо.) Бүтээж, сүйтгэх. Ойлгов уу? (Тийм.) Ижил. Харин агуу дээд, хар нүх болохоор, астрал түвшнийх. (Мэдлээ) Тэр нь бараг л там гэсэн үг- боловсруулагч, бүхнийг устгагч.
Шавь: Баярлалаа танд, Багш аа. Хариултанд тань баярлалаа Хар нүхнүүдийн талаар үргэлжлүүлье Багш аа.
Их Багш Чин Хай: Дахиад хар нүх гэж үү? Цагаан нүх гэж алга уу? За тоглосон юм. За, хар нүхнүүдийн юуг нь мэдмээр байна вэ?
Шавь: Багш аа, эрдэмтэд тооцоолохдоо жил эсвэл хоёр жилийн дотор сансар огторгуйн төвд оршигч хар нүх, мөн нар болоод дэлхий бүгд нэгэн шугаманд орно гэсэн. Энэ үнэн үү Багш аа? Хэрэв үнэн бол энэ үйл явцад сүнслэг утга учир бий юү?
Их Багш Чин Хай: За, энэ бол зүгээр л сансар огторгуйн эргэлт, яг л та нар дэлхийг тойрдогтой ижил, та нар тойрч яваад эргээд эхэлсэн газраа ирдэгтэй ижил. Магадгүй та нар нэг эргэлт дуусгасан байх. Зүгээр л сансар огторгуйн нэг үйл явц. Ямартай ч, хэрэв тэд зөвхөн нэг эсвэл хэдхэн жил үлдсэн гэж байгаа бол яагаад та нар хүлээгээд өөрсдөө харж болохгүй гэж. Хэдхэн жил, тэвч.
Та нар надаас их олон зүйл асуух юм. Би сансар огторгуйн удирдагч юм уу? Тэр бүх зүйлийг би яаж мэдэх вэ? Би зөвхөн сүнслэг зүйлсийн тухай хэлдэг. Бясалгал, нарны ач тус гэх зэрэг... Хэрэв сайн бясалгах юм бол, хэрэв хүн бүгд ёс суртахуунаараа энэрэнгүй, билэг оюунлаг, ургамлан хоолтон болох юм бол нар, сар, дэлхий бүгд хар нүхэнд орж, дахин бүрэн төгс, урьдных шигээ болно. Гэвч зөвхөн дамжин өнгөрнө – дамжин гарна - хэрэв бид өөрчлөгдөхгүй бол зөвхөн нэг шугаманд ороод ч зогсохгүй байх. Бүгдийг залгиж орхих байх. Тэд та нарыг гэхдээ хөндөлгүй орхих байх, учир нь та нар сайн байсан. Би найдаж байна! Магадгүй чи бид аврагдах байх.
Шавь: Надад өөр асуулт байна. (За.) Өнөөгийн сансар огторгуйн загварыг өндөр хөгжсөн техникийн тусламжтай ашиглахад маш их, бүр агуу их хэмжээний зүйлс сансар огторгуйд байдаг буюу тэр нь бидний харж буй болоод төсөөллөөс хэтийдсэн гэж буй. Үнэндээ бид сансар огторгуйн зөвхөн 4%-ийг олж хардаг гэсэн. Үлдсэн нь үзэгдэхгүй эсвэл “харанхуй зүйлс” гэсэн, “харанхуй зүйлс” гэдэг нэрийг мэдэхгүй зүйл гэсэн утгаар ашиглаж буй бөгөөд энэхүү харанхуй зүйл нь тодорхой төрлийн энерги, харанхуй зүйл, бид шууд ухаарч ойлгож чадахгүй зүйл гэж үзэж буй. Багш аа, энэ үл үзэгдэгч харанхуй зүйл юу болохыг хэлж өгөөч?
Их Багш Чин Хай: Тэд харанхуй биш. Тэд зүгээр л нуугдмал, за? Тэд зүгээр л их нууцмагдмал мэдэв үү? (За Багш аа.) Харанхуй биш Тэдгээрийг “харанхуй зүйлс” гэж нэрлэдгийн учир нь тэд өөрөөр юу гэж нэрлэхээ мэдэхгүй байгаа юм. Тэд “нууцмагдмал зүйлс” гэж нэрлэх учиртай байсан юм. “Харанхуй” гэдэг нь муу гэсэн санаа төрүүлдэг. Тэдгээр нь бүтээгч, ингэж нэрлэгдэгч, материаллаг, бидний ойлгох эсвэл эс ойлгох ямар нэгэн зүйл болгон бүтээхийг хүлээж буй зүйлс. Юунаас шалтгаална; хэрэгцээнээс нь хамаарна. Тэдгээр нь бүтээгч хүч, бүтээгч матери, хөгжүүлэхийг хүлээж буй, хуучныг шинээр, хэрэггүй, сансар огторгуйд эдлэгдээд барагдсан зүйлийг солиход шаардлагатай шинэ бүтээлд ашиглагдахыг хүлээж буй зүйлс. Тэгэхээр магадгүй та нар мөн саяхан бүтээгдэж, төрөл олж, матержин, хүн төрлийг олж, эсвэл царайлаг хүн болон бүтээгдсэн байж болох, учир нь та нар мөн хуучин, илүү царай муутай зүйлсийг орлохоор ирсэн байж болно. Мэдэв үү? Та нар ч мөн дөнгөж саяхан харанхуй зүйлээс хүрч ирсэн байж болно, хэн мэдлээ? Та нар хар хослол өмсөж, хар зангиа зүүж хар үстэй байна. Та нар хаанаас ирсэн бэ? За, хэдийгээр би жоохон наргисан ч, миний хариулт чамд хангалттай байж чадав уу? Хэтэрхий сүржин, чухал байх хэрэггүй, учир нь бид заримдаа хэт чухал байдаг.
үргэлжлэл бий.

"Бидэнтэй зэрэгцэн орших амьтдын хайр"-ын тухай ер бусын ном хэвлэгдэн гарлаа.

2011-03-14T05:22:00.000-07:00

" Бидэнд үгээр ярих шаардлага байдаггүй. Бид чимээгүйгээр харилцдаг. Бид хайр, энх амгалан, эвийн тухай хэлэлцдэггүй.
Бидний амьдрал угаас тийм юм." -Питу /эм хун/

Эрхэм оюунлаг уншигч та бүхэндээ зориулсан Төгс Гэгээрсэн Их Багш Чин Хайн "Эрхэм ариун амьтад" ном монгол хэл дээр орчуулагдан гарч "Интер ном"-ын дэлгүүрт зарагдаж эхэллээ. Амьтадтай харилцан ойлголцож, тэдний хүн төрлөхтөнд илгээж байгаа хайр адислалыг мэдэрсэн гайхамшигаас Их Багш Чин Хай та бүхэнтэй хуваалцаж байна.

Жич: Уг ном нь дэлхийн шилдэг борлуулалтай номоор шалгарсан.
"Интерном" их дэлгүүрийн хаяг: Амарын гудамж-2, МТҮП-ын урд талд.
Салбар-2: УИД-ийн зүүн талд "Гандирс" төв 1-р давхарт.
Салбар-3: Гранд плаза цогцолбор, 5-р давхарт.
Утас:330903, 330900

"Бид эрхэмсэг дээд амьдралаар амьдрах ёстой."

2011-03-12T06:37:00.000-08:00

“Ойрхи Дорнодын Цагаан Хоолны Анхдугаар Чуулган"-д Их Багш Чин Хайн хэлсэн үгнээс.

Асуулт: Сайн байна уу, Төгс Гэгээрсэн Их Багш аа,

Их Багш Чин Хай: Өглөөний мэнд. Сайн уу?

А: Сайн сайн, Их Багш аа. Бидний нүдийг нээсэн яриа хийж байгаад баярлалаа. Бидэнд хэрэг болох үнэхээр их хичээл, үнэхээр их баримт энд яригдаж байна. Цагаан хоолтон болж өөрчлөгдсөнөөр Ойрхи дорнодод удаан хугацааны энх тайвныг хэрхэн бүтээх талаар та бидэнтэй өөрийн үзэл бодол, билэг ухаанаа хуваалцахгүй юу. Баярлалаа.

Их Багш Чин Хай: Энх тайван бидний ширээн дээрээс эхэлдэг, Тони, бид бүгд үүнийг мэднэ, маш энгийн. Яагаад цагаан хоол нь энх тайвны үрийг Ойрхи Дорнодод тарих вэ гэж та асууж байна. Тиймээ, энэ их энгийн. Энэ нь ердөө л ижил нь ижилдээ татагддаг хууль. Бид амь аварбал бидний амь аврагдана. Тийм ээ. Цагаан хоолтон болох нь Дэлхий дээрх хамгийн энх амгалан сонголт учраас өөрчлөлтийг бий болгож чадна. Веган хоолтон болсноор Ойрхи дорнодын хүмүүс энх тайвны төлөөх залбиралд өөрсдийн хүчийг нэмж байна, Бурхан бусдыг нь хийнэ. Гэхдээ би өчигдөр манай хүндэтгэлийн зоогонд ирсэн НҮБ-н төлөөлөгчид энх тайван дан залбирлаар ирдэггүй гэдгийг хэлсэн. Үнэгүй юм гэж үгүй. Бидний ертөнцөд байдаг наймаатай адил бидний хүссэн бүхэн, энх тайван ч мөн адил, үнэ төлбөртэй байдаг, та нар үүнийг мэдэж байгаа. Бодитоор зүйрлэж хэлэхэд Израйлийн энх тайван, энх тайвныг дахин цогцлоохын тулд Израйль олон онгоц амласан. Тийм биз? Эдгээр нь хамгаалалтын онгоцнууд гэж бодож байна мөн хэдэн тэрбум доллар. Хэвлэл мэдээллээс харахад. Би тэнд байгаагүй ээ. Энэ бүгд миний өөрийн билэг ухаан гэж хэлж чадахгүй. Үүний адилаар бид оюун санааны төлбөр хийх хэрэгтэй. Бид энх тайвныг байхгүй болгосон учир эргээд төлж олох хэрэгтэй. Бид олон арван жилийн турш дайн дажин хийж, түүнд оролцсоноор энх тайвныг үгүй хийсэн. (Тийм ээ.) Энх тайван бол маш өндөр үнэтэй, Тони. Би өөрөө бүх юмаа хэдийн өгсөн, оюун санааны оноонуудаа, гэхдээ надад хэдэн зиллион хэрэгтэй байна. Энэ бүх хурлуудын дараагаар би өөрийгөө майханд дахин битүүмжлэн, ихийг өгөхийн тулд буян хураахаар бясалгадаг. Тиймээс та бүхэн ургамлан хоол идэж сайхан сэтгэлтэй, энэрэнгүй болж надад туслаач дээ. Тэгвээс уур амьсгал энх амгалан болж, бусдад өгөхийн тулд эсвэл зарцуулахын тулд мөнгө олохтой ижилээр өгөхийн тулд оюунлаг буян хураах хэрэгтэй байдаг. Олсон мөнгөө ч тэр хураасан оюунлаг буян аль алиныг нь би маш бага үрдэг. Хэрэв би бүхнээ өгвөл та бүхэнд үнэнээ хэлэхэд би диваажин руу явж чадахгүй болно. Хэрэв та нар түрүүлж диваажинд очоод намайг энэ хавиар эргэлдэж байгааг харах юм бол надад туслаарай. Үнэн шүү. Харин одоо надаас та яагаад бид оюунлаг буян хураах ёстой вэ гэж асууна биз, жишээ нь, Израйль, Палестинд энх амгаланг авчрахын тулд гэж, тийм биз? Яагаад гэдгийг нь би хэлье. Ядуу хүнд мөнгө хэрэгтэй байдаг шиг. Тэр хүн ахин хөл дээрээ зогсож, хүчтэй болж, санхүүгийн баталгаатай болох хүртэл нь Засгийн Газраас түүнд мөнгө өгөн дэмжиж, эсвэл хөршүүд нь түүнд мөнгө өгдөг. Тэр хүн мөнгөө эргээд төлнө үү, төлөхгүй юу, хамаагүй. Тиймээс дайнд оролцсон хүмүүс оюунлаг буян хариулалын гачигдал хоосролд орсон байдаг, тэд эх орноо хайрлахын тулд ямар нэгэн шалтгаанаар дайнд оролцон буянлаг онооны хадгаламжаа хоосолдог өөрөөр хэлбэл, буянлаг онооны хомсдлын хүнд үе шиг, яг л бид усны хомсдолтой хүнд үед орох эсвэл мөнгөгүй хоосорч хүнд байдалд ордогтой адил. Тиймээс хэнд их байна тэр нь бусадтай хуваалцах хэрэгтэй, тэгснээр үйл үрийг өөрчилж чадна, тиймээ үйл үрийг, үйл үрийн бүтцийг, энэ нь юу гэсэн үг вэ гэхээр энд ирэхээсээ өмнө урд төрлүүддээ эсвэл энэ төрөлдөө хийсэн бүхэн чинь хувь заяаг чинь тодорхойлж, хувь тавилангаараа үйл үрээ үүрч амьдран тэр тойргоосоо гарч чадахаа байж гацдаг. Харж байгаа биз? Тиймээс тэдгээр хүмүүст тэр байдлаасаа гарахад нь оюун санааны хүч хэрэгтэй, тогтсон үйл үрийнхээ занганаас гарахын тулд миний хэлж байгааг ойлгож байна уу, хүмүүст хэрэгтэй үед нь мөнгө өгдөгтэй адил. Дайнд оролцсон хүмүүс хөөрхийлтэй, тэдний төлөө залбирах хэрэгтэй, тэднийг буруушааж шүүмжлэх хэрэггүй. Тэдэнд туслах хэрэгтэй. Тэдний төлөө залбираад зогсохгүй оюун санааны хүч, буян хариуллаараа туслах хэрэгтэй. Бид даян дэлхийтэй хуваалцах хэрэгтэй, үүний тулд буян хариулал байх хэрэгтэй. Афганистан болон Израиль улсуудад энх амгаланг дахин цогцлоохын тулд түм түмэн буянлаг оноо хэрэгтэй, үүний төлөө бүгд сэргээрэй. Сэрнэ үү. Зөв амьдралын хэв маягтаа орооч дээ. Та нар бол Бурханы хүүхдүүд. Та нар бол ирээдүй, Буддагийн үр сад. Бид эрхэмсэг дээд амьдралаар амьдрах ёстой. Веган хоолтон болж Дэлхий дээр энх тайвныг дахин цогцлоох буян хариулалыг хураахыг та бүхнээс хүсэж байна. Хэрэв хүмүүс ариун болвол бүх зүйл ариун болно. Маш их баярлалаа.

"Оюун санааны бясалгалыг дэвшүүлэх аргууд "номоос

2011-02-05T05:08:00.000-08:00

ДАЯАН

Их Багш: Дэвшсэн хүмүүст баяр хүргэе, чи хамгийн сайнаараа хичээжээ. Чи маш олон зүйлсийг орхиж, давжээ. Яаж өсч дэвшсэн чинь тэр. Дэвшиж чадаагүй хүмүүст: Чи өссөн гэхдээ тун бага.

“Багш аа, яаж хурдан дэвших вэ?” гэж та нар надаас асуудаг. “Бүгдийг орхи, ...бүгдийг” гэж би хэлдэг. Гэвч та нар тэгдэггүй. Та нар энд, өөрийн бодолдоо найз нөхөд, хамаатан садан, үр хүүхдүүдтэйгээ хамт ирдэг. Та тэдэнтэй бүх өдрийн турш, бүх амьдралынхаа турш байдаг бол энд Бурхны төлөө зөвхөн 5 өдөр л зориулаач гэж би хэлдэг. Гэвч та нар тэгдэггүй. Тэр залуу /Бурхан/ хоёрдугаарт тавигддаг. Та нарын өсөхгүй байгаан шалтгаан энэ. Цорын ганц нууц бол бүхнийг орхи. Та нар надаас ялих шалихгүй янз бүрийн асуулт асуухад миний яагаад яршигладаггүй минь энэ. Би та нарт бүхнийг хариулж чадна, би та нарт юугаар ч туслаж чадна. Та нар энд зөвхөн 5-хан өдрийн хугацаатай ирсэн, гэсэн ч та нар Бурхныг санахгүй л байна. Ганцхан удаа та нар энд зөвхөн Бурхны төлөө ирээч. Гэвч та нар тэгэхгүй л байна.. Та нар энд үргэлж шалтаг гаргахаар, хайр ивээл, анхаарал халамжийн талаар асуух гэж ирцгээдэг. Би та нарт үнэнээр нь хэлье: Бурханд эсвэл Төгс Гэгээрсэн их Багшид хандан залбирах аль ч цагт тэд сонсдог. Тэд нар дүлий биш шүү дээ. Та нарыг тэгэж бодохгүй байгаа гэдэгт итгэж байна. Би та нарыг “Би энд байна /Багш биеэ заагаад/, би өвчтэй, би муу, би жижигхэн, би том, би ийм, би тийм” гэж боддоггүй гэдэгт итгэж байна. Үгүй, үгүй энэ би биш, энэ чинь энэ хүн биш. Бид нар дүлий биш, хэлгүй биш, сохор биш, тэнэг биш. Тийм болохоор энд азгүй явдал, найз нөхөд, гэр бүлийнхээ талаар уйлагнах гэж ирэхийн хэрэггүй. Та өөрийнхөө хүсч байгаа ямар ч зүйлийн талаар надтай ярилцаж болно. Мэдээж чи хүсвэл намайг ээжээрээ, найзаараа, дээр нь түшээд уйлах мөрөөр бодож болно, тэр ч бас зүгээр шүү. Гэвч эдгээр нь зөвхөн хоёрдугаарт тавигдана гэдгийг санах хэрэгтэй. Даяанд ирэхдээ яршиг төвөггүй, гэр бүл, найз нөхөд, ажил бизнес, босс ажилчин, эхнэр нөхөр, үр хүүхэд, хэрүүл маргаангүй байх цагийн давуу талыг мэдрээрэй. Чи төвлөрөх ёстой. Яг тэр цаг хугацаа хамгийн үнэтэй эрдэнэс юм шигээр бод, дараа нь та явчихнаа /дээшээ/. Гэр бүл, ард үлдсэн хэн нэгний талаар санаа зовсоор байх юм бол танд дахин боломж гарахгүй шүү. Та яг үхлээ гэхэд тэдний талаар санаа зовох боломж танд гарна гэж үү? Үгүй. Дараагийн өдөр намайг амьд байх үгүйг, 5 өдрийн дараа дахин өөр даяан хөтлөөд явж байх үгүйг та нар мэдэхгүй шүү дээ. Тэгэхээр өсөлт дэвшилт гаргаж чадаагүй байгаачууд нь үнэхээр харамсалтай. Даяанд ирэх бүрт чинь би та нарт зөвхөн нэг л зүйл дээр төвлөрөхийг сануулдаг шүү дээ. Та нарын өсч дэвжээгүйчүүд нь энэ цагт хичээлээ сурч байгаа гэдэгт би итгэж байна. Хэдийд ч, эсвэл хэрвээ бидэнд дараагийн удаа гэх цаг байх юм бол тэр үед боломжоо ашиглаарай окау. /Үзэгчид алга ташина/. Би та нарт уурлаагүй байна, та нарыг хясан боогоогүй байна, би бол юу ч биш. Би зөвхөн тухайн цагт юу л хийх ёстой байна түүнийг л хийдэг. Тэгэхээр та нар өөрт чинь мэдрэгдээд байгаа бүх л хог новш, муу зүйлсээ надад яг одоо өгчих. Тэгээд гэр рүүгээ явцгаа, та нар эрх чөлөөтэй, та нар сайн, та нар дахин төгс төгөлдөр болцгооноо. Та нар энд /даяанд/ байх юм бол би та нарыг засна, цэвэрлэнэ. Энэ процесс заримдаа бидэнд хоёуланд нь хүнд бэрх байдаг, гэхдээ зүгээрээ. Энэ хийгдээд та нар эрх чөлөөтэй болно. /Алга ташилт/. Та нар даяаны туршид хайрлагдсан, хүсэгдсэн, төгс төгөлдөр байна. Гэхдээ эмчилгээний өөр төрлүүд та нарыг хүсээгүй, хайрлаагүй мэт мэдрэмжийг үүсгэж болно. Энэ бол үнэн биш. Энэ нь ердөө л яг тэр цагт өгч буй тэр эм нь хэрэгтэй болохоор л тэр. За чамд хэрэггүй юу л байна түүнийгээ буцааж өгөөд, буцаагаад яг энд нь тавиад гэр рүүгээ эрх чөлөөтэй явцгаа. Та нар өсч дэвшээгүй байсан ч төгс төгөлдөр шүү дээ.

За одоо өсч дэвжсэн хүмүүст нь хандаж хэлье: Та нар баяр баясгалантай байх хэрэгтэй, өөрсөддөө сэтгэл хангалуун байх хэрэгтэй. Надад та нарт өгөх шагнал ч юмуу сертификат байхгүй ээ, гэхдээ та нар шагнагдсан гэдгээ мэдэж байгаа. Тийм болохоор та нар баяр баясгалантай байх ёстой. /алга ташилт/.Одоо огт өсөлт дэвшилт гаргаагүй, маш бага дэвшил гаргагсадад нь хандаж хэлье: чамд алдаагаа засах дараагийн удаа байна гэдэгт би итгэж байна. Дараагийн удаа, хэрвээ бидэнд цаг байгаад, хэрэв танд ийм даяанд дахин ирэх боломж олдох юм бол гуйя үхсэн юм биш нэг цэг дээр л байгаарай. Хаалгаар орохоосоо өмнө толгойдоо “үхэх” гэдэг үгийг хий. Харин энэ даяанаас гарахдаа “би дахин амьдарлаа” гэж хэлээрэй. /алга ташилт/.

Яагаад гэвэл, хэрэв та нар дэлхий дээр үхэж чадахгүй бол Бурхантай хамт амьд байж чадахгүй ээ. Библид үүнтэй ижил зүйлийг хэлэгдсэн байдаг. “Та нар Бурхан, эд баялаг хоёрыг зэрэг шүтэж чадахгүй”. Тэгэхээр та нар нэг цэг дээр л төвлөрөх ёстой. Энэ даяаны туршид хийсэн миний бүх зүйл та нарыг тэрхүү нэг цэгт төвлөрүүлэхийн төлөө байсан юм шүү. Энэ 5 өдрийн туршид та нарыг хайрлаж байсан минь, тэвэрч байсан минь, зэмлэж байсан минь зөвхөн та нарын тусын тулд юм шүү. Тэгэхээр хэрвээ чамайг илүү хайрлаж энхрийлсэн бол өөрийгөө хамгийн онцгой нь гэж битгий бодоорой, хэрвээ зэмлэж загнасан бол өөрийгөө муу нь гэж битгий бодоорой. Та нар бүгд адил, та нар бүгд миний зүрх сэтгэлд ижил тэнцүүгээр хайрлагдаж байгаа /Багш нүдэндээ нулимстай/. Би та нарт маш их хайртай. /үргэлжилсэн алга ташилт/.

Заримдаа би та нарын хийж байгаа зүйлсийг хийлгэхийг хүсдэггүй. Яагаад гэвэл тэдгээр нь чамд сайн биш гэдгийг би мэддэг болохоор, та нарын зүрх сэтгэлд байгаа зарим зүйлс чинь сайн биш гэдгийг мэддэг болохоор, энэ нь та нарын буруу биш гэдгийг мэддэг болохоор. Энэ нь чамайг эдгээр байдал руу түлхдэг энэ муухай ертөнцөөс болж буй юм. Та нарыг хайрлах хайраас өөр надад юу ч байхгүй ээ. Би та нарт хатуу үгүүдийг хэлэхийг ерөөсөө хүсдэггүй. Гэвч заримдаа ингэх ёстой болдог. Энэ нь та нарт л сайн, үүгээр би та нарт “Би та нарт хайртай” гэдгийг мэдээсэй гэдгийг л би хүсч байна. Заримдаа та нар хүүхдүүдээ зэмлэдэг. Гэхдээ хайрласан хэвээр л байдаг шүү дээ. Үүнтэй яг адил. Магадгүй хүүхэд чинь хүнд өвчин тусвал та эмнэлэгт хэвтүүлнэ, тэднийг эдгээсэй гэж хүснэ.

Энд ирэхээсээ өмнө Тэнгэрт байхдаа та нарын зарим нь маш гэгээрсэн байдаг боловч түүнээсээ илүү гэгээрэхийг хүсч намайг хайж доошоо бууж ирдэг. Жишээлбэл та нар Тэнгэрт байхдаа 80% гэгээрсэн байлаа гэхэд энэ нь 4-р ертөнцөд байна гэсэн үг. Намайг энд байгааг мэдчихээд доош бууж ирэхэд та нарын гэгээрэл Тэнгэрт байснаас илүү буурдаг. Та нар бүх зүйлээ мартаж зовдог. Та нар энд маш их зовцгоодог, яагаад гэвэл мартчихсан учраас. Энд бууж ирэхээсээ өмнө байсан түвшин, түүнээс дээших түвшинд буцаж очих замуудыг чинь та нарт сануулахыг би оролдож байна. Эдгээр бүх зүйлүүд боломжтой, би та нарын төлөө хийнэ. Гагцхүү та нар бас өөрсдийн үнэн төрхөө санахыг хичээцгээх хэрэгтэй. Эс бөгөөс бид маш бага санаж, маш их зовно. Тэгсэн ч гэсэн та нар сайн учраас маш их хүндлэгдэж, хайрлагдсан гэдгээ мэдээсэй гэж би хүсч байна. Сайн гэдэг нь та нар муу байсан гэсэн үг бишээ. Яагаад гэвэл та нар сайн байх гэж хичээж оролдож байхад, нөхцөл байдал мууг үүсгэдэг. Та нарыг яагаад сайн гэж байгаа минь энэ. /алга ташилт/. Гэр бүл, нийгэм, найз нөхөд, хамт олон, ажил, удирдлага, эхнэр нөхөр гэх мэтээс маш их дарамт шахалт та нарт байдаг. Тэгсэн ч гэсэн нэгдсэн бясалгалдаа явахаа, гэртээ бясалгалаа хийхээ хамгийн сайнаараа хичээцгээгээрэй. Энд даяанд ирэхдээ ч гэсэн. Би та нарт үнэхээр хайртай. Би та нарыг хамгийн сайнаараа хичээж байгаа гэдгийг чинь мэднэ. Бурхан ч бас. Дараагийн удаа даяанд ирж Бурхныг мэдэхийг үнэхээр хүсч байгаа бол зөвхөн 5 өдөр л энэ дэлхий дээр үхсэн мэт байгаарай. /алга ташилт/. ..

Илүү дэлгэрэнгүй уншихыг хүсвэл уг номыг Цагаан хоолны газрууд болон номын дэлгүүрүүдээс худалдан аваарай.

“Ёс суртахуунтай, гэгээрсэн хүн бүрийн ач буян”

2011-01-22T20:03:00.000-08:00

2010 оны 10 сарын 3-нд Их Багш Чин Хай нь Суприм Мастер ТВ-ийн ажилчдын нар болон сансар огторгуйн бусад нууцуудын талаархи асуултанд хайр адислалын хамт хариулсан билээ.

Шавь: Багш аа. Мэдээнүүдэд сансрын обьект Дэлхийтэй мөргөлдөх дөхсөн, гэвч азаар мөргөлдөөгүй гэж хэлэхийг бид сонсдог. Тэдгээр обьектуудын чиглэлийг өөрчилдөг тодорхой хүч байдаг уу? Чиглэлийг нь өөрчлөх боломжийг нэмэгдүүлэх арга зам бидэнд бий юу?

Их Багш Чин Хай: Тийм, хэрэв бид ёс суртахууныхаа стандартыг өргөж, бясалгал хийн, ургамлан хоолтон болбол болно. Ижил зүйл ижил зүйлээ татдаг, тийм биз? (Тийм.) Энэ эргэлзээгүй. Тиймээс хэрэв бидний ёс суртахуун болон сүнслэг байдал өргөгдсөн байвал мэдээж бидний замд гагцхүү сайн зүйлс ирэх болно. Эс бөгөөс би ганцаараа сансар огторгуйн хуулийн эсрэг их зүйл хийж чадахгүй, за? (За, Багш аа) Би аль чадахаа хийж байгаа, олон ч удаа амиа эрсдэлд оруулсан. Одоо хүртэл амьд байгаа шалтгаан нь та нарын зарим намайг үлдэхийг гуйсан, мөн дээрээс нь миний өөрийн дэлхийг аврах гэсэн хүсэл удаан үлдэхэд нөлөөлсөн. Энэ цагт өөр үүнийг хийж чадах хэн байх вэ? Хүн бүр ихэнхдээ өөрөө өөрсдийгөө дааж байна. Тэдний ингэж өөрсдийгөө бодох нь зүгээр гэвч зөв чигт зүглэх ёстой: ёс суртахууны хувьд зөв, ургамлан хоолт, энэрэнгүй, чигт мэдэв үү? Тийм. (Тийм Багш аа.) Зөв. Бид олон гамшиг, сүүлт одноос зайлсхийж чадсан шалтгаан нь юуны түрүүнд бид буюу хүн төрөлхтөн сүнслэг байдлаараа хөгжиж дээшилсэн явдал юм. Бид хөгжиж байна. Би “бид” гэж хэлээгүй шүү- бид бүрэн төгс, мэдэв үү? Та нар мэдэж байгаачилан хүмүүсийн ихэнх нь Куан Иний аргаар эсвэл өөр бясалгалаар хичээллэдэггүй. Өөр бусад бясалгалууд мөн их сайн, хамгийн гол нь илүү энэрэнгүй мөн ургамлан хоолтон байж бусад амьтдыг зовоохоос зайлсхийх хэрэгтэй. Мөн бид дайтахаа зогсоох ёстой. Та нар төсөөлж байна уу? Хэрэв та нар тэр дайны бүсэд амьдарч байгаа бол, гэр бүл чинь гэнэт үхвэл яах вэ: дөнгөж төрсөн хүүхэд, хүүхдүүд чинь бүгд үхвэл яах вэ. Мөн өөрсдөө бүх гар хөлөө алдаж эсвэл бүр дор зүйлээ алдвал яах вэ. Өөрсдийгөө орлуулаад бод. Гэвч маш олон хүмүүс ийм зовлонг бусдад учруулж байдаг, амьтдын тухай бүр дурьдаад ч хэрэггүй. Та нар хүмүүс, тэгтэл та нараас ч том төрөл, илүү том, илүү боломжийн тийм төрөл ирээд та нарыг торлож, ийш тийш чирч чулуудан, хаа сайгүй чинь чигчин хатгаж, хоолой хэлийг чинь зүсэж эсвэл амьд байхад чинь арьсыг чинь хуулж байна гээд төсөөлөөд үз. Бид ийм л зүйл хийдэг; бид маш олон амьтадтай ингэж харьцдаг. Надад уйлах нулимс өөр үлдээгүй. Одоо би тэдгээр амьтдыг ч өрөвдөхөө больсон, учир нь тэд зүгээр, тэд зовж амиа алдах ч, дараа нь тэд Диваажинд очино. Бүх зовж, дарамтлуулж хөнөөлгөсөн амьтад бүгд шууд Диваажинруу явна. Харин би тэр бүх зүйлийг тэр бүх гэмт үйлдлүүдийг хийж буй, уучлаарай гэвч тэр бүх алуурчны үйлийг хийгч хүмүүсийг өрөвдөж, харамсаж байна. Зөвхөн мөнгө, эсвэл тансаг амьдрал, загвар хөөхийн төлөө шүү дээ. Бид бүх амьтны гаралтай бүтээгдэхүүнийг энгийн, синтетик, байгалийн гаралтай бүтээгдэхүүнээр орлуулж болно. Одоо цагт бид илүү хөгжсөн тул бүхнийг үйлдвэрлэж чадна. Амтдыг үс ноос, арьсны төлөө алж, өөрсдөндөө муу зүйл хийх шаардлагагүй. Дээр үед магадгүй Чулуун Зэвсгийн үед байж болох, өршөөж болох, учир нь тэдэнд өмсөх зүйл байхгүй байсан. Гэтэл одоо бидэнд бүх зүйл байна – гэвч бид амьтдыг арьс үсний төлөө алсаар байна төсөөлцгөө, сайхан харагдахын тулд. Хэн нэгэн түүнийх нь төлөө зовж тарчилсан байхад яаж сайхан харагдах вэ? Мөн бидэнд одоо маш их хоол хүнс бий. Идэхийн тулд, бүр амьд байхад нь тийм хэрцгий байдлаар амьтдыг алах шаардлага байхгүй. Бид тэднийг тамаас ч илүү тарчлаадаг, зүгээр ч алаад идчихгүй; тэднийг амьд байхад нь тэгж хандаж байгаа нь... Бурхан минь! Бидний ухамсар яаж биднийг хэзээ нэгэн цагт уучилах билээ? Яаж гэдгийг би мэдэхгүй. Хариулт маань хангалттай байв уу?

Шавь: Тийм, Багш аа. Бид бүгд баярлалаа.

Их Багш Чин Хай: НАСА-гийн урьдчилан таамагласан зүйлийн талаар надад мэдэх зүйл алга. Миний мэдэх зүйл гэвэл ёс суртахуунаараа гэгээрсэн олон хүмүүсийн ач буянаар бид олон гамшигуудаас аврагдсан. Мэдээж олон байх тусмаа сайн, тэгээд дэлхий даяар өшөө олон сүнслэгт суралцагчид гарч ирж байна – бидний хүсч байгаа шиг их биш ч – мөн дэлхий нийтээр ургамлан хоолт хүмүүс нэмэгдэж байна – бидний хүсч байгаа шиг их биш ч – эдгээр энерги нь нэмэр болж буй, ийм ч учраас дэлхий өнөөг хүртэл аргацаан оршсоор буй. Ийм ч учраас бид оршсоор байгаа, энэ нь сайн мэдээ. Өшөө олон хүмүүс нэгдэж байна, улмаар бид гамшгуудаас зайлсхийж чадна, хүний эсвэл байгалийн гаралтай, сүүлт од эсвэл нарны дэлбэрэлт, наран дээрхи толбо, шуурга, эсвэл газар хөдлөлт, хар салхи, далайн тайфун, шуурга г.м. Хэрэв одоогийнх шиг хангалттай тооны сүнслэг хүмүүс, ёс суртахуунаараа сайхан хүмүүс байхгүй байсан бол бидэнтэй илүү их гамшиг учирах байсан. Магадгүй гариг дэлхий маань аль хэдийнэ сүйрсэн байх байсан. Азаар бид оршсоор байна. Гэвч хэр удаан? Надаас асуух хэрэггүй. Хүн төрөлхтнөөс асуу, тэд газар дэлхий, өөрсдийн сүнсийг яаж байгааг асуу? За, хайр аа.

Шавь. Баярлалаа Багш аа.

"Хэрэв хүн бүр хайрын зарчмын дагуу үйлдэх юм бол бүх зүйл өөрчлөгдөх боломжтой"

2011-01-15T02:48:00.000-08:00

Төгс Гэгээрсэн Их Багш Чин Хайн 2010 оны 8 сарын 1-ны өдөр “Supreme Master” TV -ийн ажилчидтай хийсэн “Амьд Их Багшийн хосгүй их хайр энэрэл болон хэмжээлшгүй их билэг ухаан” нэртэй теле конференц-c

Шавь: Сайн уу, Багш аа. Энэ дэлхийд хийж байгаа таны хүнд ажлыг бид хэзээ ч бүрэн ухаарахгүй байх, бидэнд болон энэ дэлхийд өгсөн таны хайр энэрэлд бид өдөр бүр талархаж байдаг. Өнөөдрийн манай дэлхийд баялгийг хянан захирагч, жижиг бүлэг хүмүүс байна, эдгээр хүмүүс л улс төр, хэвлэл мэдээлэл, боловсролд нөлөөлж - энэ дэлхий дээр бидний хийж буй бүх зүйлд - энэ нь дийлэнх тохиолдолд энгийн хүмүүст мэдээллийг үл хүргэж, улмаар энэ байдал нь эргээд ертөнцийн олон асуудал зовлонгийн үүсвэр болж байна. (Тийм.) Миний асуулт бол: Хүн төрөлхтөн нийтээрээ, хамтын муу үйлийн үрээрээ тэдгээр хүчирхэг хүмүүсийг бий болгосон уу?

Их Багш Чин Хай: Тийм. Бас л тийм. Бид тэдгээр хүчирхэг хүмүүсийг эсвэл тэр бүлгийг дан буруутгах аргагүй. Бид, хүмүүс, нийтээрээ мөн үүнд хариуцлага хүлээнэ - ойлгож байна уу? - муу үйлийн үр, тийм. Гэхдээ мэдээж тэдгээр хүчирхэг хүмүүс мөн хүсвэл өөрсдийн зүрх сэтгэлийг хайж олохыг оролдон, өөрсдийгөө гэгээрүүлэх аргыг хайх юм бол өөрчлөгдөх боломжтой. Улмаар амьдралынхаа хэв маяг, үйлийн үрд хандах хандлагаа өөрчлөх боломжтой болно. Эс бөгөөс хэдийгээр бид хамтран муу үйлийн үрийг тарилцаж байгаа ч тэд гол дүрийн баатрууд; тэд маш хүнд үр дагаврыг үүрэх хэрэгтэй болно, нэг бол энэ амьдралдаа их бага хэмжээгээр зовно, эсвэл дараачийн амьдралд нь тэднийг төлөөс нь хүлээж байх болно. Энэ их харамсалтай зүйл, гэхдээ бид мөн өөрсдийн тогтсон арга замыг өөрчилж, эсвэл дарж чадна, зөв сайн байж, буруу чиглэлээ өөрчилөн, илүү сайн сайхан, бидэнд тохирох чиглэлийг сонгох байдлаар очих байсан зовлонт муу газраа өөрчлөн сольж болно. Бид зөв зам дээр үлдэхийн тулд Үнэнийг болоод сансар огторгуйн хайрын зарчмыг мэдэх ёстой. Хэрэв хүн бүр хайрын зарчмын дагуу үйлдэх юм бол бүх зүйл өөрчлөгдөх боломжтой, бүр шөнийн дотор. Гагцхүү хүмүүсийн ойлголт өөрчлөгдөх ёстой, мөн хүсэл зорилго нь өөрчлөгдөх ёстой. Гэхдээ мэдээж та нар харж байгаа, удирдагчид болон байгууллагын тэргүүнүүд маш том үүрэг хариуцлага хүлээдэг, учир нь тэд хүмүүсийг өргөж эсвэл доройтуулж чадна. Ойлгож байна уу? Тэд хянаж чадна мөн хүмүүсийг дээшлүүлэхгүйн тулд хашиж чадна. Энэ нь муу – нийт хүн төрөлхтөнд муу. Яг одоо үнэндээ хүн төрөлхтөн бэлэн болсон. Тэд ухамсраа өргөж, дээд түвшний хөгжилд үсрэхэд бэлэн болсон. Гагцхүү зарим нэг удирдагчид тамгаа дарчихаад, эрх мэдэлдээ хүлэгдэн хүмүүст туслахгүй, тэдэнд хүссэнээ хийх боломж олгохгүй байгаа юм. Гэхдээ хэлэхэд хүмүүс дотроо сонгох бүрэн эрх чөлөөтэй, гэрийнхээ ханан дунд - хэн ч тэдэнд саад болохгүй. Зөвхөн хүмүүс нийтээрээ их зоримог, ухаантай байж, өөрсдийгөө мэдээллээр хангаж, амь зогоох асуудалдаа хэт завгүй хүлэгдэх учиргүй. Гэхдээ ингэх хэцүү, энэ их бэрх. Ээ Бурхан минь, энэ дэлхийн бүх зүйл хүмүүсийг завгүй болгодог дээрээс нь тогтолцоо нь - улс төрийн тогтолцоо, засгийн газрын тогтолцоо, нийгэм, уламжлал – энэ бүгд зууралдсаар, тэднийг чанга хүлэн зуурсаар, тэдэнд хөдлөх боломж бараг олгохгүй байна. Энэ харамсалтай. Гэрлийг, Үнэнийг харахад нь хүмүүст тусалсан хэнийг ч бай тэд доромжилон дарамталдаг. Цаглашгүй их цаг хугацааны туршид ажиллах нь үргэлж бэрх байсаар ирсэн – зөвхөн Есүсийн үед биш, энэ цаг үед ч гэсэн. Ойлгов уу?

Шавь: Багш аа, холбогдолтой асуулт: Нэг хэсэг бүлэг хүмүүсийн тухай, гэр бүлийн тухай маш олон таамаглал онолууд байдаг, тэд дэлхийн нийт баялгийн тэн хагасыг эзэмшдэг ба тэд банкны тогтолцоог болон өөр олон төрлийн харилцаа холбоог ашигладаг, тэрчлэн тэд мөн улс төрчдийг хахуульдан авдаг зэрэг олон онолууд байдаг. Эдгээр хүмүүс нь энэ дэлхий дээр физик ертөнцийн Эзэнтэй хамтран ажилладаг уу, тэд үүнийгээ ухамсарлан мэддэг үү, эсвэл зөвхөн далд ухамсартаа мэддэг үү?

Их Багш Чин Хай: Үгүй, үгүй. Тэд үүнийгээ бүрэн ухамсарлаж байдаг. Эрх мэдэл, хүч, нэр алдар зэргийн тухайд хэлэхэд эдгээр нь зуурах нөлөөтэй, яг л гинж шиг, хүмүүсийн хүзүүнд зүүгдэн, зуурдаг. Тэр бүлэг хүмүүс нь хэн ч бай, эсвэл эрх мэдэл, хүчийг ологч нь хэн ч бай энэ барьцнаас мултарч, зөв шудрага байна гэдэг тун хэцүү байдаг. Удирдагч байж, тансагт умбаж, бусдаар өөхшүүлж, бишрэн шүтүүлж, айлган сүрдүүлж нэгэн зэрэг ухаалаг, зөв шудрага эр зоригтой байна гэдэг маш хэцүү байдаг - энэ нь тун бэрх. Энэ бүгдийг олоход чин зориг болон даруулга хэрэгтэй. Гэхдээ удирдагч байгаа нь чин зоригтойнх бол даруулга нь өөр зүйл.

Шавь: За, Багш аа.

Их Багш Чин Хай: Тэгэхээр, тэдэнд эргэж өөрчлөгдөх хэцүү байдаг. Гэхдээ би та нарт хэлсэнчилэн, хэрэв хүмүүсийн ухамсар өөрчлөгдөж, юу хийх нь зөв болохыг олж харах зоригтой байх аваас бүр муу төр засаг хүртэл сайн болон өөрчлөгдөнө, тийм, муу удирдагч сайн болно, эсвэл аяндаа солигдоно. Тийм, хувьсгал эсвэл тусгаар засаглал зэрэг тиймэрхүү зүйл хэрэггүй - зүгээр л аяндаа болно. Энэ нь яг л нар гарах үед харанхуй алга болдогтой ижил юм. Тийм, өдөр ирэх болно.

Шавь: За Багш аа.

Их Багш Чин Хай: Зөв. Тийм, өдөр болох болно.

Шавь: Тэдгээр хүмүүс... Тэд өөр гариг ертөнц дээр байж, ижил тоглоомоо тоглож байсан уу? Энэ зөвхөн манай дэлхийд учирсан зүйл үү?

Их Багш Чин Хай: Тийм, тийм. Өөр гариг дээр мөн болсон, тийм. Зарим гаригууд бүр манайхаас дор байгаа, за?

Шавь: Зөв зөв.

Их Багш Чин Хай: Гэхдээ гол нь манай дэлхий болон хүмүүс илүү өндөр ухамсрын түвшинд өргөгдөж, бусад илүү хөгжилтэй мөн сүнслэг байдлаараа дэвшсэн иргэншлүүдтэй мөр зэрэгцэхэд бэлэн болсон байтал ийм байгаа нь харамсалтай. Зарим жижиг зүйлс, бүлэг, удирдагчид биднийг хойш татаж байдаг. Тэгэхээр одоо дээшлэх эсэх хүмүүсээс шалтгаална- хувьсгалч бүлэг шиг эсвэл тусгаар засаглал шиг бус, харин ухамсраа хөгжүүлж, ойлголтуудаа өөрчилж, өөрсдийнхөөрөө бодож зөв гэж бодсоноо хийх хэрэгтэй юм. Яг л цагаан хоолтон байж, сүнслэг байдаг шиг - энэ нь ямар засгийн газар байхаас үл хамаарна, зөв үү?

Шавь: Тийм, Багш аа. Баярлалаа, Багш аа. Маш их баярлалаа.

Их Багш Чин Хайн гарагийн талаарх эрхэм төлөвлөгөө.

2011-01-09T00:38:00.000-08:00

Хамаг амьтныг нөхцөл болзолгүй хайрлах хайраар Их Багш Чин Хай аниргүй бясалгаж, сүйрүүлэх цаг уурын өөрчлөлтөөс дэлхийн ард иргэд, тэргүүн нарыг сэргийлж өгөхийг хүсч, хүн амьтанд үзүүлэх хүчирхийллийг зогсоож, нигүүлсэнгүй веган хоол руу эргэхийг хүсчээ. Хүн төрөлхтөн бүхэлдээ өөрчлөгдөж, сэргэж чадахгүй байх магадлалд санаа зовж Их Багш Чин Хай илүү таатай үр дүнтэй Б, С, Д төлөвлөгөө зэрэг зөгнөсөн авралын төлөө цуцалтгүй зүтгэж байна. АНУ-ын Калифорний Лос Анжелест Суприм Мастер Телевизийн ажилчидтай хийсэн хурлын үеэр тэрээр бидний хүсэлтийн дагуу эдгээр төлөвлөгөөний тухай ховор мэдээг хэлсэн юм.
Их Багш Чин Хай: Би саяхан Б төлөвлөгөө дээр ажиллаж дууссан ба энэ нь амжилттай болсонд баяртай байгаа. Энэ удаа тусламж үзүүлсэн бүх бурхад, бүх тэнгэрлэгийн ачаар!
Их Багш Чин Хай: Хүмүүс амьдралын арга барилаа өөрчлөхгүй байгаа учраас дэлхийг аварч, дэлхий дээр физик амьдралыг аварч чадахгүй бол Б төлөвлөгөөгөөр там руу бүр хамгийн хүнд хүчир гэмт хэрэгтэй хүмүүс тамаас хол байхаар энэ хорвоог орхиж явах сүнснүүдийг аврахад оршино. Надад одоо олж авсан хангалттай хэмжээний буян нөөцлөгдсөн байгаа. Үүний төлөө би тоолж чадахгүйн- зиллион, зиллион, зиллон байна. Энэ нь арван тэрбум хүний чөлөөлөлтөнд хангалттай. Энэ бол бүхэл хорвоо, хорвоо, түүний ирээдүй. С хөтөлбөрийг үргэлжлүүлэхэд надад таатай боломж, цаг хугацаа, биеийн чадал байгаасай гэж найдаж байна. Тэгээд Д төлөвлөгөө.
SMTV: Дэлхийн бүх оршин суугчдын хувь заяаг өөрчлөх Их Багш Чин Хайн үлэмж их үйлд бид үүрд талархаж байна. Энэ ариун үйлд түүний хамгааллын төлөө бид чинхүү залбирч байгаа ба амь нас хэлтрүүлэх ариун үйлтэй веган хоололт руу хурдан шилжсэнээр өөрсдийгөө, гарагаа, бусад төрөл зүйлээ аврах болтугай.

Хамгийн сүүлийн үеийн СМ Тэнгэрийн гоёл чимэглэлийн “Цаг хугацаа” цувралын 2-р хэсэг

2011-01-06T02:12:00.000-08:00

Хамгаас хайрт, эрхэм дээд Их Багш маань дахин шинээр Тэнгэрийн гоёл чимэглэлийн загвар гаргалаа.
Цувралын нэр: “Үеийн үед амьдрал үл тасрахуй”
Түүнд Их Багшийн маань дэлхийг аврах нэн яаруу тулгамдсан хүсэл найдвар, ерөөл адислал шингэсэн юм. Хятадын зурхайн найман хөлөгийн дүрслэлээр дэлхийг “нөхөн сэргээж, сэлбэн засах” гүн утгыг агуулж, 4-н өнцөгт дүрснээс 8 өнцөг буюу дугуй дүрсрүү шилжсэн буй нь төгс төгөлдөр шилжилтийн үеийг илэрхийлнэ.
“Үеийн үед амьдрал үл тасарч” хатуу зөөлөн хамтран, арга билэг эв зохиронгуй байхыг билэгджээ.
Энэ цаг үе бол ЯГ дэлхийн “нөхөн сэргээх” үе бөгөөд тоологдож буй хугацааны дотор бид бүгдээрээ Их Багшийнхаа гараг дэлхийгээ аврахын төлөөх хүсэл найдвар, ерөөл адислал, үр суулгацыг дэлхийн өнцөг булан бүрт хүргэж, аль болох хурдан хугацаанд дэлхий маань буцаж сэргээд, цэцэглэн хөгжиж, амьдрал үеийн үедээ үл тасалдах бадрангуй сайхан цаг үетэй золгохыг билэгдэж байгаа юм.
Цагны нүүрэн хэсэг дэх Англи үсэг нь Эзэн Бурханаас эх дэлхийг аврахаар хүн төрөлхтөнд уриалсан "Be Veg, Go Green” гэх уриа юм.
Энэ цагийг мөн Авшигтан биш гэр бүлийнхэн зүүж болно. Ингэснээрээ тэдэнд Их Багшийн дэлхийг аврах аугаа үйлсэд оролцох боломж олдож байгаа юм.
Гартаа зүүгээд гарахдаа л та “Эх дэлхийгээ аврахын тулд ногоон хоолтон болж, байгаль орчноо хамгаалцгаая” хэмээн хүмүүсийг уриалж байгаа билээ.
Тухайн хүнд энэхүү цаг байснаараа л агуу олон төрөлтнийг аварч, “амьдрал үеийн үедээ үл тасрах” их хүчийг улам нэмж, Эзэн Бурхны хүсэл найдвараар дэлхий маань хайр энэрэл, үзэсгэлэн гоо, амар амгалан, энх тайван байдлын дунд үргэлжлэн оршиж аврагдахад нь их адислалыг хүргэх юм.

"Илүү их бясалгах хэрэгтэй." Их Багш хариулж байна.

2010-12-29T07:11:00.000-08:00

Шавь: Бид энд тантай хамт байж, тантай хамт ажиллах боломжтой байгаа нь бидний хувьд маш их аз завшаан билээ, Багш аа. Энэ боломжийг, ийм эрхэм хүндэтгэлийг бидэнд өгсөн Бурханд хэдэн тэрбум талархъя.
Их Багш Чин Хай: Зүгээр л чин сэтгэлээсээ бясалгацгаа, тэгээд л болоо. Ядарч мөн унтах элдэв зуршлуудад бүү автацгаа, учир нь тэр бүгд нь бас л нэг төрлийн зуршил юм. Эс бөгөөс жишээ нь анаашийг хар, тэд та нар шиг буурцгийн сүү уудаггүй, тэдэнд дүпү гэж байхгүй, эсвэл янз бүрийн элдэв зүйл байдаггүй, тэдэнд витамин ч гэж байхгүй, тэд зөвхөн модны навч идэж, өдөрт хэдхэн цаг унтдаг. Тиймээс энэ бүхэн зүгээр зуршил. Гэхдээ мэдээж тэд илүү дээр орчинд байдаг байх. За, сайхан шалтаг, сайхан шалтгаас цаашгүй. Үргэлжлүүлэн унтаад, бясалгахгүй бай, тэгээд сүнслэг буянаа алдаад бай. Юу чадахаа хий, за?
Шавь: Багш аа, миний дараачийн асуулт бол, та Шведэд хийсэн лекцэндээ хэлэхдээ болж байгаа бүхэн одоо цагт болж байгаа гэж хэлсэн. Энэ дэлхийн цаг хугацаа орон зайны хуурамч үзэгдэлд автсан болхоороо бид нэгэн зэрэг болж байгаа олон зүйлийг харахгүй байгаа. Багш аа, энэ нь квантум физикт “зэрэгцэн орших амьдрал” гэж нэрлэдэг тэр зүйлтэй ижил зүйл үү? (Тийм, төстэй.) Хэрэв тийм бол энэ тохиолдолд сүнсний үүрэг юу вэ?
Их Багш Чин Хай: Сүнс нь... жишээ нь энэ дэлхийд туслах гэж ирсэн. (За, Багш аа.) Та нар энэ муу орчинд үлдэх үү эсвэл илүү сайхан орчинд байж, илүү сайхан Диваажинг бүтээх үү гэдгээ та нар сонгодог. Гэвч заримдаа үйлийн үрээс болж, эсвэл өнгөрсөн амьдралдаа хийсэн муу үйлээс болж бид ийшээ дахин ирж алдаагаа засдаг, зөв үү? (Тийм, Багш аа.) Тэгэхээр сүнс нь энд дэлхийд туслахын тулд эсвэл өнгөрсөн алдаагаа засах гэж олон биенд төрөл олдог. (Ойлголоо Багш аа.)
Шавь: Ойлголоо. Тэгэхээр сүнс нь олон өөр өөр биетэй нэгэн зэрэг холбоотой оршдог юм уу? Их Багш Чин Хай: Мэдээж, мэдээж. Мэдээж хонгор минь. Гэхдээ ойлгож байна уу, хэрэв сүнс нь хэт их доод түвшний энергэнд автах юм бол бусад биетэйгээ холбогдох эрхгүй байдаг. Ойлгов уу? (Тийм, Багш аа) Бясалгал нь өөрийн жинхэнэ дотоод Би-тэйгээ холбогдох арга юм. Тийм учраас та нар бясалгах ёстой, за юу? Яагаад гэвэл дээд Би Анхдагч Агуу Хүч, жинхэнэ Би, Хайр, Бурхантай холбоотой байдаг юм. Хэрэв бид өөрсдийн Би-тэй холбогдож чадахгүй бол Бурханы холбоосоо мөн алддаг; эсвэл холбоос нь тийм сайн байдаггүй. Иймээс бид илүү дээр аль болох хамгийн дээд Би-тэйгээ холбогдох ёстой байдаг. Дээшлэх тусам Тэнгэрлэгтэй, Билэг Оюунтай, Хайртай холбогдох холбоос илүү хүчтэй болдог. За, ойлгоо?
Шавь: Өөр нэг асуулт, онооны тухай эргээд асуухад: Та энд үргэлж оноо алдаж байдаг, яаж Багш сүнслэг оноо олдог юм бэ?
Их Багш Чин Хай: Би та нар шиг бясалгах хэрэгтэй байдаг. Би яг л бусдын адил оноо олох хэрэгтэй. Би Хайрыг бүхэлд нь ийш доош авчирч болох ч, хүмүүс хэт олон байна- намайг ойлгож байна уу?- мөн муу үйлийн үр хэтэрхий хүнд байна, ойлгоо? (Тийм, Багш аа.) Энэ нэг асуудал. Нөгөө асуудал нь физик ертөнцөд би бууж ирэхдээ яг бусадтай ижил байдаг - надад хүч байх ч, зөвхөн дотоодод. Гадаад орчинд түүнийг би хөдөлмөрлөж олно. За? (За, Багш аа.) Тэгэхээр өнгөрсөн амьдралаас минь юу үлдсэн байна мөн Диваажингаас авчирч болох хэмжээ юу байна би авчирч дэлхийд зарцуулдаг. Хэрэв надад юу ч үлдэхгүй бол би үргэлжлүүлэн хичээн бясалгах хэрэгтэй; гэхдээ би энгийн Куан Иний бясалгагчаас илүү хурдан олдог. Ойлгож байна уу? (Тийм Багш аа.) Би илүү хурдан олж авдаг, гэхдээ бас хурдан зардаг. Тийм, та нар зөвхөн өөрсдөндөө, гэр бүл, таван үеийнхнийхээ төлөө олдог, магадгүй зарим найз нөхөд, муур нохойныхоо төлөө. Би бүх дэлхийн төлөө олох хэрэгтэй, ойлгоо?- ядаж энэ дэлхийн төлөө. (Хөөх.) Тиймээс би маш хурдан бүр маш хурдан зардаг. . Тэгээд хэрэв би хангалттай хурдан олж чадахгүй бол өвддөг. Хүндээр эсвэл хөнгөн, хэр зарахаас шалтгаална. Гэвч би түргэн эргүүлэн олдог. Гагцхүү одоо би урьд нь байснаасаа илүү тэнцвэрт байдалд анхаарах хэрэгтэй байгаа. Урьд нь би өөрийгөө галзууруулж байсан ба энэ нь заримдаа тэнцвэргүй байдалд хүргэдэг байсан - хэтэрхий их зарсан гэсэн үг бие маань үүнийг тэвчиж чаддаггүй, ойлгоо? (Тийм, Багш аа.) Хэт их өгөх үед бие махбодь тэсвэрлэж чаддаггүй, учир нь энэ нь мөн би маш их хүч олох хэрэгтэй гэсэн үг юм. (Тийм, Багш аа.) Гэтэл бие махбодь тийм их хэмжээний хүч агуулах боломжтой байдаггүй, эсвэл тийм ихийг өгч, агуулах чадваргүй байдаг, ойлгоо?
Шавь: Баярлалаа Багш аа.

Шавь: Сайн уу Багш аа! (Сайн уу.) Таны адислалд маш их баярлалаа Багш аа. Надад мөн амьтны талаар асуулт байна. Амьтдын талаар улам ихийг мэдэх тусам, сэтгэл илүү их хөдөлж, даруулгатай болж, тэдний хайранд талархаж байна. Бид дэлхийг тэдэнтэй хуваалцаж байгаа ч, тэднийг үнэндээ олж харахгүй байна. Тэд хэн болохыг бид мэддэггүй, тэдний Хайрлах Чанарт талархахгүй байна. (Зөв.) Бид хэрхэн тэднийг илүү мэдэрч мөн өөрсдийн Хайрлах Чанараа илүү хөгжүүлэх вэ, Багш аа?
Их Багш Чин Хай: Бид илүү их бясалгах хэрэгтэй, ойлгож байна уу? Тэнгэрлэг Чанартайгаа илүү нэгд, тэгэх юм бол илүү их Хайрлах Чанарыг хүртэнэ. Учир нь бидний Тэнгэрлэг чанар бол хайр юм, ойлгоо? (Тийм, Багш аа.) Тэгээд мэдээж цагаан хоолтон байх нь мөн тустай энэ нь хэрцгий занг багасгаж, сохор байдлыг арилгадаг, эдгээр доогуур чанараа багасга. Тэгвэл тэр Хайрлах Чанар ирэх болно. Бид хэр их Тэнгэрлэг байдалтай нэгдэж чадна, хэр удаан цагаан хоолтон байна, тэр хэмжээгээр илүү мэдрэмтгий болж, энэ дэлхийн бүх оршихуйнуудтай тэр хэмжээгээр холбогдох болно, зөвхөн амьтад биш. Моднууд хүртэл. Би өмнө нь та нарт ярьж байсан даа, моднууд надад мэдээ дамжуулж, надтай аюул учирч болзошгүйг хэлсэн гэх мэт. Санаж байна уу? (Тийм, Багш аа.) За, үүнтэй ижил. Ургамлууд мөн ижил - тэд мөн хичээж байдаг. Тэд үргэлж та нарт ямар нэг зүйл хэлэх гэж оролдож байдаг, гэвч сонсдоггүй нь та нар. Учир нь бид хэтэрхий болхи, маш олон зүйлд дарагдсан байдаг. (Тийм, Багш аа.) Хэрэв бид ухамсраа илүү хөнгөн байлгавал амьтадтай тун хялбар холбогдож, зөн билэг, эсвэл телепатиар ярилцах боломжтой. Тэгвэл бүр мод ургамлууд хүртэл шаардлагатай үед та нартай ярих болно. Тэр үед, та нар хайрлуулж байгаагаа мэдэрч тэдний гоо сайханд улам бүр талархах болно, яг л өмнө нь харж байгаагүй мэт. Гэнэт та нар моднууд гайхалтай үзэсгэлэнтэй болохыг, эсвэл амьтад маш хайр хүрэм болохыг олж харна. Өмнө нь та нар харж байгаагүй, анх удаа мэт хардаг, мэдээж. Гэхдээ ихэнх хүмүүс бусад зүйлээс болж завгүй байдаг. Байгаль амьтадтай байтугай өөрсөдтэйгөө нэгдмэл байхаа хүртэл мартсан байдаг. Ойлгож байна уу? Энэ их харамсалтай.
Шавь: Тийм Багш аа.
Их Багш Чин Хай: Энэ бидний гарз. Энэ бидний гарз. Тийм ч учраас би хүмүүст “Бясалга, ургамлан хоолтон бол” гэх мэт зүйлсийг хэлэх хэрэгтэй байдаг. Эдгээр нь биднийг сансар огторгуйтай холбоотой болохыг сануулах зорилготой бөгөөд улмаар сансар нь бидний нэг хэсэг юм.

Шавь: Бид хэдэн цаг бясалгах хэрэгтэй вэ, (Яахын тулд?) энд Суприм Мастер ТВ-д ажиллахад?
Их Багш Чин Хай: Дэлхийн төлөө ажиллаж байгаа хэн ч бай өдөрт 4 цаг дор хаяж бясалгах хэрэгтэй.
Шавь: Бид шөнөжин бясалгахыг хичээх хэрэгтэй юу?
Их Багш Чин Хай: Чадахаа л хий. Тийм, хэрэв чадвал, мэдээж тэг. (За.) Мэдээж. Эсвэл боломжтой үедээ л бясалгаад байж болно. Тэгээд зөвхөн ажиллаад, бясалгаад байх, өөр зүйлгүй. Тэр бүхэнд маш их цаг хэмнэнэ, ярьж, эсвэл өөр зүйл хийхийнхээ оронд - зөвхөн ажиллаад тэгээд ажилгүй бол – бясалга за? . Ажилгүй үедээ, зүгээр л бясалга – хоёр минут, таван минут ч бай, - тэгээд шөнө болхоор бясалга, нэг иймэрхүү, мэдэв үү? Сэрүүн газар оч. Орон дээр суух хэрэггүй, тэгвэл хэтэрхий тавлаг санагдаж улмаар тэр даруй унтах болно. Хэвтэх хэрэггүй. Орныхоо хөлөнд сууж, чадахгүй болтлоо бясалга дараа нь дахиад бясалга. Бага зэрэг унтаад тэгээд бясалга, сэрээд дахиал бясалга. За юу? Ингэж бай. Заримдаа та нар унтдаг... унтаад тэгээд сэрдэг, тэр үедээ эргээд бясалга, тэгээд дахиад унтаад дахиад сэрэхээрээ үргэлжлүүлээд бясалга. Нүүрээ угаа мөн жоохон ойр орчимдоо яв, тэгээд эргээд бясалгалаа үргэлжлүүл. За юу?
Шавь: За Багшаа.

Их Багш хариулж байна.

2010-12-16T08:35:00.000-08:00

Шавь: Сайн уу, Багш аа. Энэ ертөнцөд амьдрахад бидний зүрх сэтгэл, бодлыг саад тотгор сатааруулж байдаг. Тиймээс хором бүр Бурханыг санах хэцүү байдаг. Бүр Багш биднийг өндөр түвшинд өргөсөн ч бид өөрсдийн оюуны дадлаар эргээд хурдан доошилдог. (Үнэн.) Бид яаж мөч бүхэн Бурханыг санаж, улмаар жинхэнээсээ Гэртээ эргээд харих вэ?

Их Багш Чин Хай: За өөрт сануулж байхын тулд хаа явсан газраа цаасан дээр тэмдэглэн харж бай. Орныхоо урд сүнслэг DVD бичлэгийг үргэлж гарга, эсвэл зурагтаараа гаргаж, орныхоо өмнө тавь, хөргөгч, зуух, компьютер г.м зүйл дээрээ сануулсан зурвас наа. Тус болох юу л байна хий, за юу? Ингэх нь та нарт тусалж магадгүй.

Шавь: Бидний зүрх сэтгэл үргэлж энэхүү хайраа Бурханд илэрхийлэхийг хүсдэг ба дэлхий дээрх бүх оршихуйнууд үйлээрээ хайраа илчилж байдаг, гэвч би үзэл, аминч үзэл болон бидний үйлийн үрээс болж энэ бүхэн нь дарамттай санагддаг. Бурханы сайн хэрэгсэл байхын тулд амьдралаас амьдралд бидэнтэй хамт байсан эдгээр дарамтаасаа хэрхэн салах вэ? Бясалгаад халхлагч бүрхүүлийн цаана гарч чадахгүй байгаа бид бүх зүйл нэгдмэл гэдгийг хэрхэн гүн гүнзгий ухаарах вэ?

Их Багш Чин Хай: Тийм, төлөөс нь энэ юм. Энэ дэлхийд амьдарч Бурханы ажлыг хийх төлөөс нь ийм байдаг. Үнэгүй зүйл гэж үгүй, би хэлсэн шүү дээ, ойлгоо? Гэвч бид Бурханы төлөө ажиллаж байгаа нь Бурханы төлөө ажиллахгүй байхаас дээр, үгүй гэж үү? За, бид бүхэнтэй нэгдмэл чанараа олж харахгүй байгаа ч ядаж зөнгөөрөө энэ үнэн гэдгийг мэддэг, мөн бид өнгөрсөн болоод одоо цагийн Багш нарт итгэх учиртай, тийм гэсэн бол тийм. Тэдгээр ахуйн ойлголтыг харж чаддаг, өнгөрсөн эсвэл одоо цагийн бясалгагчдад мөн бид итгэх учиртай. (За, Багш аа.) Бясалгал нь зайлшгүй зүйл, хүн төрөлхтний нэгдлийн төлөө, гариг дэлхийгээ аврахын төлөө ажиллах нь зайлшгүй. Учир нь үүнгүйгээр, бид бүр ч дор нөхцөл байдалд орох байсан – бид илүү доош унах байсан ба (Тийм, Багш аа.) тэгсэн бол бид бясалгаж ч чадахгүй байх байсан. Тийм үед бид залбирч ч чадахгүй мөн бидний зөн билэг хүртэл орхин одох байсан, мэдэв үү? Ойлгов уу? (Тийм Багш аа) Тэгэхээр бид өнгөрсөн болоод одоо цагийн Багш нарын сургаальд түшиглэж тэдний үгэнд итгэх ёстой, учир нь тэд бидэнд худал хэлэх шалтгаан байхгүй. Тэгээд ч энэ нь логиктой, үүнийг бид батлаж ч чадна. Өөрөөр хэлбэл оюунлаг байдлаараа, тийм? (За.) Ядаж бид тэдэнд итгэх учиртай. Хэлсэнийг нь хийж, зөвөлснийг нь гүйцэтгэж, зааварчилсаныг нь дагана - сайн байж, сайн үйл хий за? Эрхэм чанартай бай. (За.) Өөрсдийн байгаа цаг хугацаа, нөхцөл байдалд аль чадхаараа тэдний заасан зүйлийг дадуул. Муу ул мөр, дарамтыг арилгахын тулд илүү их бясалга. Бурханы нэрийг барьж үргэлж бусдад үйлчил, өөрийгөө умартан үйлчил, тэгээд бага багаар илүү тодорхой болно, мэдэв үү? Үнэгүй өглөөний зоог гэж үгүй.

Шавь: Тийм. Олон биений хувьд, биднийг илүү их бясалгаж өөрсдийн дээд Би-тэйгээ холбогдох ёстой гэж та хэлсэн тийм үү? (Тийм.) Багш аа, өөр таагүй ертөнцөд зовж байгаа миний өөр бие бий юу?

Их Багш Чин Хай: Физик ертөнцийг хэлж байна уу? Үгүй. Үгүй, зөвхөн нэг физик биетэй байх ба тэр нь астрали, Хоёрдугаар Гуравдугаар, Дөрөвдүгээр г.м би-тэй чинь холбоотой байдаг юм за? Та нар дээш явж буй. Тийм дээшлэх тутам өөрийн доод түвшний биеүдээс салах болно.

Шавь: Ойлголоо, Багш аа.

Их Багш Чин Хай: Гэхдээ одоо та нар энэ физик дэлхий дээр үлдэхийн тулд ийш доош ирсэн ба холбоос уяатай байдаг. Тэгээд энэ дэлхийг орхин одох үед чинь тэр уяа тасрах болно. Тэгээд энэ амьдралдаа хэр дээш ахиж чадахаас шалтгаалж ямар түвшинд байна тэр түвшнийхээ би-тэй холбогддог, мэдэв үү? (За.) Жишээ нь энэ амьдралдаа чи үргэлж Гуравдугаар Түвшинтэй холбоотой байх юм бол тэгээд л тэр - чи тэндээ зогсоно. Үхээд Гуравдугаар Ертөнцрүү явна, мэдэв үү?

Шавь: Мэдлээ, Багш аа.

Их Багш Чин Хай: Тиймээс дээшлэх тусам улам сайн.

Шавь: Тийм. Баярлалаа, Багш аа.

Их Багш Чин Хай: Зүгээр, хайр аа.

"БАГШИЙН ХҮЧИНД ИТГЭХ" -сургаалт үлгэр.

2010-12-09T07:04:00.000-08:00

Энэ бол Энэтхэгийн үлгэр. Оюун ухааны маш сайн дадалтан нэг эмэгтэй байжээ. Тэр маш сайхан төдийгүй их хүндэтгэл хүлээдэг учраас олон хүмүүс түүнд атаархдаг байв. Түүнчлэн хаан ч бас түүнд атаархдаг байжээ. Олон хүмүүс түүнийг сайн бясалгадгийг сонсдог боловч эмэгтэй хүн тийм сайн бясалгаж чадна гэдэгт үнэмшдэггүй байлаа. Хаан түүнийг шоглох гэж ордондоо авчрахыг хэн нэгнээс гуйв.
Ийм хүнд шахалтаас тэр эмэгтэй гарахыг хичээж байлаа. Тэр өөрийн ухаан санааныхаа хирээр хичээсэн боловч талаар болжээ. Заримдаа тэр ганц хоёр удаа багшийгаа санаж дуудна... Энэ нь дадал маягтай байснаас биш тийм ч чин сэтгэлээсээ биш байв. Тэрээр багш нь түүнийг хамгаалж чадна гэдэгт бүрэн итгэлгүй өөрийн хүчээ дайчлан хичээсээр л байлаа. Багшийнхаа тусламжийг гуйж байхдаа тэр чин сэтгэлээсээ гуйж, бүх юмыг анхааралдаа авахыг багшдаа даатган орхилгүйгээр тэмцэлдсээр байв. Түүний багш илрэн гарч ирэхгүй л байв.
Эцэст нь тэр өөр юу ч хийж чадахгүй болж бууж өгөөд бүх сэтгэлээсээ багшдаа найдан хэлсэн нь: ”Одоо юу болох нь хамаагүй энэ бүхнийг зохицуулж өгөөч багшаа!” гэв.
Тэр агшинд багш нь гэрлэн биеэрээ ирж , даруй түргэн түүнийг аварчээ.

Их Багшийн тайлбар:
Ихэнх үед хэрвээ бид өөрийн хүч чадлаараа тэмцэх юм бол энэ нь бидэнд илүү хүнд болдог. Их багш гэж хэн бэ? Үнэндээ энэ бол бидний өөрийн хүч бүхнийг мэдэгч, хаа сайгүй оршигч, бүхнийг чадагч, хамгийн дээд би юм. Хэрэв бид өөрийн оюун ухаанаа ашиглах юм бол доод ухамсартаа л найдна гэсэн үг, зөвхөн өнгөрсөн туршлагандаа л найдна гэсэн үг. Жишээлбэл: “Надад гарцаагүй байдал тулгарвал би юу хийж чадах вэ? Ийм хүмүүстэй зайлшгүй таарвал би ямар хариу үйлдэл хийх ёстой вэ?”. Энэ бүгд бол бидний өнгөрсөн үед тохиолдон сэтгэлд хадагдсан байдаг. Хэдий тийм боловч заримдаа өнгөрсөн туршлага нь тэр нэгнээс өөр байдгийг та нар мэдэх ёстой, яагаад гэвэл нөхцөл байдал нь өөр юм. Заримдаа нарийн ширийн зөрөө нь үүнийг тэр чигээр нь өөр болгодог тал байдаг.

Эрүүл амьдрахуй.

2010-12-04T09:56:00.000-08:00

Их Багш хариулж байна.

2010-12-04T08:39:00.000-08:00

Шавь: Багш аа. Надад асуулт байна. Бидний сүүлийн конференцээс би ойлгохдоо хэрэв бид их уурлах, сөрөг мэдрэмж, жишээ нь үзэн ядалт зэргийг тээх юм бол маш их буянаа алддаг.

Их Багш: Тийм. Зөв.

Шавь: Бид уурлах үед, бусдыг үзэн ядах үед яг ямар зүйл болдгийг та тайлбарлаж өгөхгүй юу?

Их Багш: Бид уурлах эсвэл бусдыг үзэн ядах нь бусдыг хайрлахтай ижил байдаг. Гэхдээ хайрлах үед аль аль талд сайхан санагдаж та нар буянаа алддаггүй. Харин үзэн ядаж, уурлах үед энэ нь маш хүчтэй сэтгэл хөдлөл байдаг. Энэ нь яг мотор шиг, эерэг энергийг тухайн хүний зүгт ялгаруулж гаргадаг; та нараас тэр нь урсан гардаг, дотоодоос чинь, учир нь та нар үүнтэй холбоотой. Иймээс ч та нар их буянаа алддаг. Шавь: Мэдлээ Багш аа.

Их Багш: Яг л бид Ариун Нэрсийг уншиж, эсвэл бясалгах үедээ Тэнгэрлэг Диваажинтай холбоотой байдаг шиг, бид холбогдсон учраас Диваажингийн чанараас хүртэж байдаг. Яг л та нар устай холбогдон, ус хүртэж, цахилгаантай холбогдож цахилгаан хүртдэгтэй ижил. Ойлгов уу?

Шавь: Тийм, Багш аа.

Их Багш: За сайн байна. Тэгэхээр хэрэв бид муу, сөрөг чанартай холбогдох юм бол тэр муу чанарыг мөн хүртэх болно, харин бидний сайн чанартай холбогдсон нөгөө хүн сайныг хүртдэг. Эс бөгөөс бид мөн түүнд муу чанар хүртээдэг.

Шавь: За, Багш аа.

Их Багш: Яг л утас, эсвэл зурагт радионы сувгууд шиг, ямар сувагтай чи холбогдоно тийм л нэвтрүүлгийг хүлээж авна, за юу?

Шавь: За Багш аа.

Их Багш: Гэхдээ хэн нэгнийг үзэн ядаж, эсвэл хэн нэгэнд уурлах үед бид маш их буянаа алддаг гол шалтгаан нь тухайн хүн муу, сөрөг энерги ялгаруулдаг ба тэр нь биднийг бухимдуулдаг. Эсвэл магадгүй чи тэр хүний муу чанартай тулсан учраас тухайн хүнийг үзэн яддаг. Тиймээс хэрэв бид сөрөг зүйл бодвол, тэр нь ямар ч тохиолдолд сөрөг л байна. Ойлгож байна уу? Бид сөрөг чанар, эсвэл сөрөг зүйлсийг санаж бодсон учраас тэр нь дор хаяж хэсэг хугацаанд бидэнтэй үлдэж, эсвэл бидэнд ирж байдаг. Тиймээс илүү их ач буян хүртэхийн оронд та нар алддаг, яагаад гэвэл та нар үзэн ядаж байх үедээ Бурханыг санадаггүй, ямар ч сайн буян тухайн үед хождоггүй. Оронд нь, сөрөг нөлөөг цэвэрлэх гэж өөрийн буянаасаа алдаж байдаг.

Шавь: (Ойлголоо Багш аа.)

Их Багш: Бидэнд ямарваа нэг сөрөг зүйл ирэх үед бидний эерэг хүч түүнийг цэвэрлэхийг оролддог ба тиймээс бид алддаг: зарим нь тухайн хүнд очиж, зарим нь цэвэрлэдэг юм. Иймээс бид буянаа алддаг. Энэ нь яг л усаар бохироо цэвэрлэхтэй ижил

Шавь: Тийм Багш аа. Бид уурлах, эсвэл хүнийг үзэн ядсан үедээ яг хэр их оноо алддагийг та хэлж өгөхгүй юу?

Их Багш: Хэр хүчтэй болохоос хамаардаг, мөн үү? Нөгөө хүнийг хэр хүчтэй үзэн ядахаас хамаарна, хэр их уурлахаас хамаарна, ойлгов уу? Дээд тал нь 10000 хүртэл алдаж болно, хонгор минь. Одоо уурлаж, эсвэл бусдыг үзэн ядах тоолондоо Ариун Нэрээ уншиж байхаа санаж байгаарай, за юу?

Шавь: За Багш аа.

Их Багш: Нэг зүйл: гүн амьсгаа ав, эсвэл хаа нэг тийш яв, эсвэл өөр үзэгдэлд ор, ном унш, зурагт үз, эсвэл өөр хэн нэгэнтэй сайхан зүйл ярь, эсвэл таатай зүйлээ дурс тэгээд тухайн хүнийг уучил.

Шавь: За. Багш аа.

Их Багш: Тийм. Тийм ч учраас Есүс болон бусад Багш нар бидэнд дайснаа өршөө гэж хэлсэн юм.

Шавь: За Багш аа.

Их Багш: Дайснаа өршөөх хэцүү байсан ч, өршөөж чадвал бид өөрсдөндөө энэрэнгүй хандах юм. Шавь: (Тийм Багш аа.)

Их Багш: Энэ нь юун түрүүнд хийх зүйл. Ойлгож байна уу?

Шавь: Тийм Багш аа.

Их Багш: Учир нь хэрэв бид хэн нэгнийг үзэн ядвал өөрсдийн сайн чанар мөн арай гэж олж авсан сүнслэг оноогоо алдана. Аулакт (Вьетнам) бид хэрэв хэн нэгэнд хайртай бол тухайн хүндээ хайр илгээж буйтай ижил; хэрэв хэн нэгнийг үзэн ядах юм бол уг хүнд бордоо, эсвэл шим тэжээл өгөхтэй ижил гэж хэлдэг. Тиймээс тэр хүн хожиж, та нар алдана. Тийм. За.

Шавь: Таны сургаалууд болон судар бичгүүдэд бусдад юу илгээнэ түүнийгээ даруй хүртэнэ гэдгийг олон удаа бид сонссон.

Их Багш: Тийм.

Шавь: Үүнийг ухаарч ойлгох нь надад хэцүү байх шиг санагддаг. Яг л, би үүнийг үнэн гэж боддог, гэвч яг яаж би илгээдэг болохыг ухаж… Их Багш: (Ойлгож байна.)

... ойлгож чадахгүй байх шиг

Их Багш: (Тийм.)

Шавь: жишээ нь, өөр бусдад сөргөөр хандах нь надад яаж муугаар нөлөөлдөг болох гэх мэт. Заримдаа надад бусдыг хайрлах, бусдыг өршөөх хэцүү байдаг, мөн өөрийгөө хайрлаж, өөрийгөө уучлах мөн хэцүү байдаг. Энэ яагаад ийм байгаа болон яаж би сайжирч болохыг та хэлж өгөхгүй юу? Эсвэл оролдлого нь цорын ганц арга зам уу?

Их Багш: Ариун Нэрсээ унш -би хэлсэн дээ – эсвэл гадагш гарч ямар нэг юм хий, эсвэл сайхан ном унш, сайхан зүйл дурс, тэгээд нэг л мэдэхэд чи тайвширсан байна, шууд л мартсан байх болно.

Шавь: За, Багш аа. Баярлалаа Багш аа.

Их Багш: Зүгээр л өөрчлөх хэрэгтэй. За юу? Нөхцөл байдлыг маш хурдан өөрчлөх хэрэгтэй. Жишээ нь, за, одоо, би ямар нэг муу зүйл эсвэл чиний дургүй зүйлийг өөрийн “би” үзлээсээ болж, чадваргүйгээсээ болж, өөр ямар нэг шалтгаанаас болж чамд хийчихлээ гэж бодъё, гэтэл түүнээс болж чамд тухгүй санагдана - ажил чинь саатаж мөн замбараагүй болно гэх мэт үр дагавар гарна. За. Чи надад уурлалаа; тэр даруй намайг өршөөх хэцүү байх болно. Тиймээс зүгээр л гадагш гар. Уурлах мөчдөө боломжтой бол Ариун Нэрээ унш.

Шавь: За Багш аа.

Их Багш: Хаа сайгүй зурвас тавь, өөрийнхөө өмнө, тэгээд уурлах үедээ тэр зурвасаа хар. Тэгээд “үгүй!” гэж хэл. Ариун Нэрээ уншиж гадагш гарч алх, тэр нөхцөл байдлаа хурдан өөрчил, эсвэл өөр таатай зүйл хий, тэгэхээр хэсэг хугацаанд тайвширч, дараа нь бүхнийг мартах болно. Уур чинь арилсан болохыг чи анзаарах болно; уур алга болсон байна.

Шавь: За Багш аа.

Их Багш: Нөхцөл байдлаа маш хурдан өөрчлөх хэрэгтэй боломжтой бол. Чамд тийм боломж байвал, за юу?

Шавь: За. Би оролдоод үзнэ ээ, Багш аа. Маш их баярлалаа.

Их Багш: Учир нь заримдаа Ариун Нэрээ унших, эсвэл Ариун Нэрээ уншихаа санах хэцүү байдаг. Нэг л зүйлийг сана: өөрчил. Өөрчил, мэдэв үү? Өөрчил. Нэг л үг - өөрчил. Өөрчил, за? Нөхцөл байдлыг өөрчил, сэдвээ өөрчил, өрөөгөө өөрчил, орчноо өөрчил, үйл явдлыг өөрчил. За юу? Маш хурдан яв. Ном унш, эсвэл таатай зүйл хар, эсвэл хэн нэгэнд таатай зүйл хэл, хайртай нэгнээ санаж дурс, эсвэл ямар нэг сайхан зүйлийг бод - өнгөрсөн удаа хэн нэгэн чамд сайхан зүйл хийснийг дурс - гэх жишээтэй. Хурдан өөрчил, мэдэв үү?

Шавь: За Багш аа. Баярлалаа Багш аа. Маш их баярлалаа, Багш аа.

Их Багш: Оролдоод үз, хонгор минь. Үнэхээр нөлөөлдөг юм. Өөрчлөгдөх хэрэгтэй. Нэг л үгийг сана: өөрчлөх. Мэдэв үү?

Шавь: Мэдлээ Багш аа.

Их Багш: Өөрчил. Учир нь хэрэв бид нэг л хэвийн нөхцөл байдалдаа гацаад байвал улам бүр дордоно, тийм үү? Дордоно

Шавь: Тийм, Багш аа.

Их Багш: Яг л хэн нэгэн алдаагаар гал тогоонд чинь гал алдахтай адил. Тэр даруй, боломжтой бол, гал унтраагч шүүрч аваад галыг унтраа, зөв үү?

Шавь: (Тийм.)

Их Багш: Эсвэл хувин ус асга. Гар, хувин ус авчир. Хэрэв чадахгүй бол зүгээр л гар. Өөрийгөө авар, за юу?

Шавь: За Багш аа.

Их Багш: За. Надад харамсалтай байна. Дандаа чиний буруу биш, за юу?

Шавь: За Багш аа.

Их Багш: Үргэлж чиний буруу биш. Заримдаа уур хүртэл хайраас үүддэг. Намайг ойлгож байна уу?

Шавь: Тийм Багш аа. Тийм Багш аа.

Их Багш: Яг л тэр хүнд чи маш их сайн, гэвч тэр хүн “яагаад тийм их “би” үзэлтэй байна вэ?” гэдэг шиг. Үргэлж чамтай зөрж зөв зүйлийг олж харахгүй байж болно. Зөв зүйлийг олж харсан ч, түүнийгээ хийхгүй байж болно. Ажлыг алдагдуулж, үүргээ цалгардуулж өөр янз бүрийн зүйл хийж болно – тэр нь чиний уурыг хүргэж болно. Ойлгов уу?

Их Багш: За. Тиймээс, тэр хүнийг уучилж чадахгүй ч, ядаж өөрийгөө уучил.

Шавь: За Багш аа.

Их Багш: Нэг л үгийг санаарай: өөрчил. Тэгээд гадагш гараад эргээд ир, улмаар чадах бол нөгөө хүнтэйгээ дахиад нэг учраа олох гээд үз. Болохгүй бол, өөр хэн нэг хүнийг өмнөөсөө гуй, за?

Шавь: Маш их баярлалаа Багш аа.

Их Багш: За. Жишээ нь, аль нэг хамт ажилладаг хүнээсээ чи юм гуйсан боловч, тэр хийхийг хүсэхгүй, эсвэл хойшлуулахыг хичээж, асуудал үүсгэхийг оролдвол тухайн үед чиний уур хүрнэ, тэр үедээ зүгээр гараад яв; өөрийгөө эхлээд тайвшруул, эхлээд өөрийгөө авар. Тэгээд боломжтой бол эргэж ирээд нөгөө хүнтэйгээ яриад, тэгээд өөр хэн нэгнээс захиасыг дамжуулахыг гуй.

Шавь: За Багш аа.

Их Багш: За. Ажил л хийгдсэн байх нь чухал. Надад харамсалтай байна, ажиллах амаргүй. Дэлгүүр явж, хувцас авч, эсвэл кино үзэхтэй адилгүй.

Шавь: Тийм, үнэндээ тиймэрхүү тохиолдлууд нь бидэнд хөгжих боломж юм. Үнэхээр илүү хурдан хөгжих боломж.

Их Багш: Тийм, тийм. Тэр зөв. Тэр зөв. Гэхдээ та нар урам зоригоор дүүрэн мөн тэвчээртэй байх ёстой.

Шавь: Тийм Багш аа.

Их Багш: Тэгвэл эцэст нь хэд дахин ихээр шагнагдах болно.

Шавь: Тийм Багш аа. Маш их баярлалаа, Багш аа.

Их Багш: Зүгээр. Энэ арга нь болно гэж найдаж байна.

Шавь: Би оролдоод үзнэ ээ.

Шавь: Сайн уу Багш аа. Уурын талаар надад нэг асуулт байна. Хэрэв хэн нэгэн бидэнд уурлавал бид мөн муу үйлийн үрийг хүртдэг гэж би дуулсан. Энэ ямар учиртай вэ?

Их Багш: Үгүй. Тухайн хүнээс үргэлж муу үйлийн үр хүртдэггүй. Үгүй, үгүй. Энэ үнэн бус. Мэдээж, муу мэдрэмж нь таагүй байдаг, гэхдээ та нарт мөн өөрсдийн гэсэн хамгаалал гэж бий. Мөн хэрэв тухайн хүн та нарт уурлаж, түүнд ач буян байх аваас, тэр та нарт ач буянаа үнэгүй өгч байгаа хэрэг.

Шавь: За, Багш аа. Хэрэв түүнд буян байхгүй бол яах вэ?

Их Багш: Тэгвэл, та нарт муу. Тэгвэл та нар тэр хүний төлөө буян хураах болтугай гэж залбирах хэрэгтэй. Буян шүү, гэрлэлт биш! Буян.

Их Багш үлгэр ярьж байна.

2010-12-02T08:44:00.000-08:00

БУРХАНД ӨРГӨХ ЖИНХЭНЭ ӨРГӨЛ

Энэ бол оюун ухааны бишрэлийн тухай үлгэр юм. Оюун ухааны бишрэл гэдэг бол хүн шүтлэг бишрэлдээ цэцэг, утлага сан, харанга, хөшөө баримал эсвэл хоолоор өргөл өргөх гэх мэт иймэрхүү ямар ч гаднах өнгөн талын зүйлс хэрэглэхгүйгээр Бурханыг дагахыг хэлнэ.
Бхагавад Гитад өгүүлэгддэг Эзэн Кришнаг дагагч Аржунаг та нар санаж байна уу? Аржуна бол Бурханыг шүтэхдээ гаднах өнгөн талыг гайхуулсан зүйлсийг удаан хугацаагаар хийж байсан. Тэр шүтлэгийн уудам цэлгэр өрөөтэй, түүндээ их олон гэрэл асаадаг. Тэндээ алт, мөнгө, шил хэрэглэнэ. Эзэн Шиваг шүтдэг бөгөөд энэ ёслолын ажиллагаандаа тэр хэдэн өдрийг зарцуулдаг байжээ. Тэр хэдэн цагийн турш сууж Эзэн Шивагийн хуулбар дүрэнд тэрэг тэргээр цэцэг авчирч шинэчлэн тавина. Брахма Вишну Шива гэдэг Хинди-ийн Бурхад байдаг, эд нарын нэг Эзэн Шиваг та нар мэднэ дээ. Шива нь сөнөөгч Эзэн байх учиртай. Үнэндээ тэр чөтгөрийг сөнөөдөг болохоос сайн хүмүүсийг устгадаггүй.
Мөн Аржунагийн дүү Бхима гэдэг хүн байжээ. Тэр ямар ч залбиралыг хийхээр сууддаггүй. Хэзээ ч сүм рүү явдаггүй, үргэлж л Миаоли руу явна. /Инээлдэж алга ташив/ Зөвхөн оройн хоолны өмнө цөөн хэдэн минутыг нүдээ анин Эзэнд оюун ухаанаараа залбирдаг байжээ. Тэр өргөл өргөх, Ариун Нэрсийг унших эсвэл үүнтэй адил ямар нэг юм хийдэг байсан байх.
Аржуна өөрийгөө Эзэнийг асар их биширдэг мөн өндөр хэмжээний шүтлэг бишрэлтэй гэж боддог байсан. Тэр дүү Бхимагаа ямар ч шүтлэггүй гэж боддог учраас түүнийг жигшил зэвүүцэлтэйгээр басамжилан хардаг байжээ. /Инээв/
Эзэн Кришна Аржунагийн энэ хандлагийг мэдээд түүнийг саруул ухаантай болгох сайн сургамж өгөхийг хүсчээ. Тэгээд эзэн Шиваг тахидаг Кайлас уул руу аялахыг Аржунад санал болгов. Тэгээд тэд замдаа ороод явж байтал олон янзын цэцэг ачсан тэрэг түрээд явж байгаа хүнтэй тааралдсан. Аржуна тэр эрээс цэцэгсийг хаанаас авч явж байгааг асуухад тэр эр ажилдаа их анхаарч татагдсанаас дуугарсангүй. Тэгэхэд эзэн Кришна Аржунад хэлсэн нь: “Энэ эрийг дагаж яваад ямар учиртайг олж мэдэцгээе”.
Аржуна зөвшөөрч хоёул нөгөө эрийг дагасан. Тэгж яваад тэд Шиху төвийн дов толгодоос том, цэцгэн овооны хажуугаар хоосон тэрэг байхыг харлаа. Тэд цааш нь бүгд цэцэг ачсан хэдэн зуун тэрэг харсан. Тэднийг бас түрүүчийнхтэй адил газар аваачиж хоосолдог байна. Тэнд шинэ цэцэгсийн том уул босчээ.
Аржунагийн сониуч зан улам нэмэгдсэн. Тэр өөрийн сониуч зангаа хянаж дийлэлгүй нэг эрээс асуусан нь: “Эдгээр цэцэгстэй тэрэгнүүдийг хаанаас авчирсаныг хэлж өгөөч”
Хариулахад саадтай байснаас тэр юу ч хэлсэнгүй. Гэтэл нэг эр Аржунаг дахин давтан асуусны дараа хэлсэн нь: “Эрхэм хүндэт ноёнтоон, сайн санаж бидэнд битгий саад болооч, бид хэтэрхий завгүй ажилтай байна. Бидэнд юу ч ярих цаг алга. Бид зөвхөн цэцэгтэй долоон зуун тавин тэргийг авчраад байна. Гэтэл дахиад сүмд долоон зуун тавин тэрэг байж байгаа. Энэ бүх цэцэгс зөвхөн Пандугийн хүү Бхимагаас өчигдөр манай Эзэнд залбирхад ирсэн юм” гэв. Эдгээр цэцгэн уулын зөвхөн хагас нь мөн үлдсэн хагас нь сүмд байгаа гэсэн үг. Энэ бүх цэцэгс Бхимагаас иржээ, Аржунагийн дүү тэр залхуу нэгэн, тэр сүмд хэзээ ч очдоггүй нэгэн, Эзэнийг хэзээ ч шүтдэггүй, юу ч хийдэггүй, Эзэнд хэзээ ч цэцэг өргөж, утлага сан уугиулдаггүй, Аржунагийн эртнээс басамжилан харж байсан хэрэггүй нэгэн, шашинд үл сүсэглэгч нэгэн, Бурхан шүтдэггүй түүнээс шүү.
Өнөөдрийн залбирал болоход дөрвөн цаг дутуу байна, одоо энэ хугацаанд амжиж бүх цэцгийг бид хураах ёстой. Өдөр бүр түүний бишрэлээс цэцгэн уул үүсдэг.” Ингээд түүний бишрэлээс тэд ийм их цэцэгсийг өдөр бүр хураадаг байна.
Аржуна гайхсанаасаа болж цохилтонд орж асуусан нь: “Таны ярьж байгаа чинь Бхима юмуу, Аржуна юмуу? Та андуураагүй гэдэгтээ итгэлтэй байна уу? Та Аржунаг хэлж байгаа биз дээ, тийм үү? Аржуна, Бхима биш? Найз минь энэ тухай боддоо, чи андуурч байгаа байх. Түүний нэр Аржуна, Аржуна, А-р-ж-у-н-а. Тийм байх ёстой.”
Тэр эр хариулсан нь:”Пээ, Аржунагийн тухай бүү ярь. Биш, биш, биш. Тэр бүр биш, тэр биш. Энэ бол хүчтэй шүтлэгтэй, тийм бахархмаар бишрэлтэй Бхима. Өөрийн шүтлэгээ ердөө л өнгөн талдаа үзүүлдэг түүний ах Аржуна биш”.
Тэгж байтал өөр нэг эр багц цэцэгтэй ирлээ. Эзэн Кришна үүний учрыг мэдээгүй юм шиг зориуд тэр эрээс асуусан нь: “Өө, найз минь, эдгээр цэцэгсийг хэн өргөж байгаа юм бэ?”
Мэдээж та нар хариултыг мэдэж байгаа.
Тэр эр хэлсэн нь: ”Энэ бол дэлхий дээрх хамгийн сайрхуу эрийн өчигдөрийн өргөл юм. Түүнийг Аржуна гэдэг. /Инээв/ Тэр жинхэнэ хайр бишрэлгүйгээр өөрийн шүтлэгээ үзүүлбэр болгодог юм.” Тийм болохоороо цэцгийн ганц багц өргөсөн ч үүнийхээ тухай дэндүү их ярьдаг.
Аржуна толгойгоо намс хийлгэн Эзэнд хэлсэн нь: ”Ээ, Кришна, Чин Хай, Ву Шан Ши /инээв/ та нар яагаад намайг энд авчирсан юм бэ? Энэ газрыг орхицгооё. Та нар миний алдаа дутагдал, их зан, хоёр нүүр гаргадгийг, сайрхуу байдлыг гэртээ байхад минь анхааруулж энэ бүх хэрэггүй хичээл зүтгэл, төвөг удсан байдлаас хамгаалж болох байсан. Би өөрийн шүтлэг бишрэлээ маш өндөрт боддогоо хүлээн зөвшөөрч байна. Би Бхиматай жигшин зэвүүцэж харьцдаг байсан. Харин одоо би Бхимагийн чин сэтгэлтэй богинохон бясалгал нь миний бүхэл өдрийн турш шүтлэг бишрэлээ гайхуулсан үзүүлбэрүүдээс илүү үнэ цэнэтэй гэдэгт итгэлээ.”
Эзэн Кришна инээмсэглэн дуугүй л байсан.

Их Багшийн тайлбар:
Ингээд та нар бидний байгаа газарт, сүмгүй газар болон сүмд цэцэг утлага, сан харанга хэнгэрэг, өөр бусад ямар ч юмаар төвөг удах хэрэггүйг мэдэж авлаа. Та нар зөвхөн чин сэтгэл болон дотоод бишрэлээрээ л төвөг уд. Тийм учраас би та нарыг төвлөр, бясалга, гадна үйлдэл тийм чухал биш, надад байтугай өөр ямар ч Бурханд мөргөх хэрэггүй гэдгийн учир энэ. Хэрэв та нар дотооддоо Будда нарыг хараад хүсвэл тэдэнд мөргөж болох юм. Гэвч Будда нар ийм зүйлийг хүлээгээд байдаггүй. Тэд та нарыг дотооддоо сүсэг бишрэлтэй байж өөрийн дотоод мөн чанараа олж чадаад Будда болж Бурхантай нэгдмэл болохыг л хүлээдэг. Та нар өөрийн бахархам төрөлх чанараа олж өөртөө болон өөр бусад олонд тусалдаг болох болно. Үүнийг л Будда биднээс хүлээдэг юм.

"Дэлхийн дулаарлаас гарах арга зам"-2

2010-11-27T08:52:00.000-08:00

Билэг Оюуны Сувдаар 2009 оны 7-р сарын 12-нд“Ирланд Сандэй Индепендент” сонинд хэвлэгдсэн сэтгүүлч Бен Мурнаны Их Багш Чин Хайтай хийсэн ярилцлагын үргэлжлэлийг хүлээн авч үзэж байна.
Вен: Дараагийн асуулт үүнтэй их уялдаатай гэж бодож байна. Өнөөдрийн байдлаар хамгийн гол гол өвчнүүд болох зүрх судасны өвчин, хорт хавдар, диабет, таргалалт зэрэг нь махан хооллолттой холбоотой юу?
SM: Тийм ээ, Бен.
Бид интернетээр олон эмчилгээний судалгааны үр дүнгүүдийг харахад л хангалттай.
Махны хэрэглээ нь гол гол архаг өвчнүүд мөн зарим үхэлд хүргэх өвчнүүдтэй холбоотой гэдгийг баталсан үй түмэн судалгаанууд байгаа. Зүрх судасны өвчин, хорт хавдар, диабет, таргалалт нь махны хэрэглээ сүүлийн тав арван жилд өссөнийг дагаад өссөн. Урьд нь арай бага байсан: Хүмүүс махаа багаар хэрэглэхэд эдгээр гол өвчнүүд бас багасдаг. Тэгэхээр яалт ч үгүй хамааралтай. Тийм ээ.
Вен: Эдгээр бүх судалгаанууд буруу байж болохгүй ээ.
SM: Үгүй ээ, эд бүгд үнэн.
Харвардын Их Сургуулиас хэдэн мянган эрэгтэй эмэгтэй хүнийг оролцуулан явуулсан судалгаанд махыг тогтмол хэрэглэх нь бүдүүн гэдэсний хорт хавдарыг 300%-аар нэмэгдүүлдгийг тогтоосон байна. 300%. Үнэхээр аймшигтай юм. Тийм ээ. Махыг идэх нь хамгийн түгээмэл хорт хавдруудыг үүсгэдэг бас үүний хэрэглээ нь өндгөвчний хорт хавдар тусах эрсдлийг өсгөдөг. Судалгаагаар ургамал хоол идэхийн оронд мах идэж байсан хүн хөхний хавдар тусах магадлал илүү өндөр байдаг байна.
Амьтны гаралтай бүтээгдэхүүн нь холестерол үүсгэх үндсэн шалтгаан бөгөөд хэт таргалалтыг мөн үүсгэдэг. Веган хоолтонгууд зүрхний өвчлөл багатай, цусны даралт доогуур байдаг, жишээ нь диабет тусах эрсдэл бага, мөн бөөр болоод цөс чулуужих эрсдэл бага, астматай хүмүүс багтраа өвчин тусах эрсдэл багатай байдаг. Бас веган хүмүүсийн архаг өвчин ихэнх тохиолдолд буцаж эдгэрдэг. Гэх маягаар Бен, Би үүнийг өөрөө мэднэ. Над дээр өмнө нь олон хүн ирж авшиг авдаг байсан жишээлэхэд, би тэдэнд бясалгал заадаг юм. Над дээр олон хүн ирдэг, мэдээж тэд өмнө мах иддэг байсан. Тэд өмнө жагсаасан тэдгээр өвчнүүдээс туссан байсан. Тэгээд цагаан хоолтон болсны дараагаар зүгээр л эдгэрцгээсэн, Бен.
Вен: Тийм үү?
SM: Алга болчихсон. Заримдаа бараг л шөнөдөө. Тэгэхээр би үүнийг өөрийн хувийн мэдлэг болон туршлагаараа хэлж байна. Тийм ээ, гэхдээ чи надад итгэх албагүй л дээ, гэхдээ чи мах хооллолттой холбоотой өвчнүүд, мөн веган хооллолттой холбоотой ач тусын талаар судалгаа хийсэн дурын эмч дээрээ очоод асууж болно. Жишээ нь чи эрүүл мэндийн болон хүнсний мэргэжилтэнгүүд мөн эмч нартай хийсэн олон ярилцлагыг www.SupremeMasterTV.com/HL. хаягнаас мэдээж үнэгүй үзэж бас татаж авч болно.
Бас www.SupremeMasterTV.com/killer хаягнаас махны хор хөнөөлтэй нөлөө болон цагаан хоолны ач тусын талаар илүү мэдээлэл олж авч болно. Би үүнийг цааш нь үргэлжлүүлж болно Бен, гэхдээ үүнийг товчилъё. Танай уншигчид өөрсдөө цааш нь судалж болно. Өнөө үед бол амархан. Энэ үнэн шүү, тийм. Интернет дээр маш олон мэдээллүүд байгаа.
Тийм ээ, хайр аа. Зүгээр л зарим хүмүүст судалгаа хийх цаг байдаггүй учраас, тэдэнд зориулж бид товчхон хэлье, хэрэв тэдэнд таалагдвал өөрсдөө интернетээр ороод харж болно. Тийм ээ. Юу ч гэсэн баярлалаа. Үүнийг хийж байгаад баярлалаа, Бен.
Чи хүн төрөлхтөний төлөө аугаа үйлийг бүтээж байна, зөвхөн Ирландын хүмүүст ч биш бүр хүн төрөлхтөний төлөө. Үүний чинь төлөө Бурхан чамайг ивээг, Бен.
Ben: Би маш их талархаж байна. Танд маш их баярлалаа.
Таньтай ярилцсандаа бид маш их баяртай байна. Бидэнд дахиад хэдэн асуулт үлдсэн байна. Дараагийн асуулт бол дахиад махтай холбоотой асуулт.
Махан хооллолт нь дэлхийн өлсгөлөнд нөлөөлж байгаа юу, хэрэв тийм бол яаж?
SM: Тийм ээ, бид нар үүнийг эртнээс мэдэж байсан, Бен.
НҮБ-ийн дэлхийн хүнсний хөтөлбөр ёсоор дэлхий даяар идэх хоол хүнс 1 тэрбумаас илүү хүнд хангалттай биш байна. Дөрөвний нэг нь хүүхдүүд. Энэ тоо маш хурдацтай өсөж байгаа. Үүний зэрэгцээ, дэлхийн хүнсний нилээд хэсэг нь махны үйлдвэрлэлд явж байна. Төсөөлөөд үздээ! Хүмүүс өлсөж байхад бид амьтдыг тэжээхийн тулд тэднийг өсгөсөөр байна. Бид амьтадыг улам ихээр өсгөж байгаа учраас хүмүүс бүр их өлсөж байна.
Дэлхийн нийт үр тарианы 40% орчим нь мал аж ахуйд зориулагдаж байна, мөн уургаар баялаг дэлхийн буурцгийн 85% нь мал амьтаныг тэжээхэд зарцуулдаг.
Одоо 1 паунд үхрийн махыг үйлдвэрлэхийн тулд 17 паунд үр тариа хэрэгтэй. Үхрийн махаар нэг удаа хоол хийхэд 1200 галлон ус шаардлагатай харин веган хоол хийхэд ердөө л 98 галлон ус хэрэгтэй. Харж байна уу? Ялгааг нь харж байна уу?
Одоо бид үнэт хоол хүнс газраа хүчээр өсгөж байгаа малаа тэжээхэд алдаж байна, ийм гарахгүй байсан, ялангуяа хүмүүс хангалттай идэх юмгүй бүр өлсөж үхэж байхад бид тэднийг өсгөөгүй бол энэ асуудал гарахгүй байхсан. Хэрвээ хүн бүр ургамлын гаралтай хүнс идвэл 10 тэрбум хүнийг, Бэн, 10 тэрбум хүнийг хангахад хангалттай хоолтой байх болно. Ердөө 6 тэрбум хүн байгааг ойлгож байна уу, Бэн?
Ben: Итгэмээргүй юм!
SM: Энэ чинь ичгүүртэй,? Хорвоогийн хүмүүсээс 2 дахин илүү хүнийг тэжээж чадахаар байтал хүмүүс өлсөж үхдэг нь ичгүүртэй хэрэг. 5 хором бүр хүүхэд өлсөж үхээд байхад хорвоог үүнээс хоёр дахин илүү хооллох боломж байсаар байдаг. Ямар ичгүүртэй хэрэг вэ. Заримдаа би унтдаггүй. Ингэж хэлсэнд уучлаарай. Энэ бүхний талаар ярихад миний сэтгэл хөдөлдөг. Бен та дараагийн асуултаа тавина уу.
Ben: Ихэнх хүмүүс өөрийнхөө нүүрстөрөгчийн ялгаруулалтаа багасгахыг хүсч байдаг. Тэд цагаан хоол, веган хоол уруу шилжвэл ямар ялгаа гарч ирэх вэ?
SM: Бэн энэ бол маш их ялгаа, маш их.
6 унци ганц бифштекс нэг веган хоолноос шаардлагатай бензин, малтмал түлшний энергийг 16 дахин илүү зарцуулдаг. Судалгаа ёсоор тодруулж хэлэхэд энэ веган хоолонд 1 аяга брокколи, 1 аяга цэс, 4 унци цэцэгт байцаа, найман унци будаа орно.16 дахин илүү- 6 унци бифштекс веган хоолноос 16 дахин илүү үнэтэй. Мах нүүрстөрөгчийн хүчтэй эх үүсвэр болдгийг олон эрдэмтэд, Цаг уурын өөрчлөлтийн талаар засгийн газар хоорондын коммис IPPC-ийн дарга, Пачаури хэлж байна. Хэрвээ хорвоогийн хүмүүс бүгд веган /ногоон хоолтон/ болбол хүлэмжийн хийн 50%-ийг хамгийн багаар бодоход багасгаж чадна.
Ялгарах хүлэмжийн хийн 50 хувь, Бен.
Гэхдээ би үүнийг үйлийн үрийн хувиар үүнээс илүү гэдгийг мэдэж байгаа. 13,5%-ийг ялгаруулж байгаа дэлхийн тээврийн хэрэгслийг зайлуулснаас илүү их юм.
Бид веган бол СО2-ийн талаар санаа зовох хэрэггүй. Бид санаа зовдог. Цэвэр агаартай байх нь сайн хэрэг боловч тээвэр болон бусад зүйлээс ялгарч байгаа СО2 нь мал аж ахуйн үйлдвэрээс гарах метан хий, азотын исэл гэх мэт бусад хийнүүд шиг тулгамдсан асуудал биш ээ. Миний тооцоолсноор, миний дотоодод олж авсан мэдлэгийг харвал дэлхийн дулаарлын 80%-ийг мал аж ахуйн үйлдвэрлэлийг зогсоосноор зогсоож болох юм байна.
Чикагогийн Их Сургуулийн Эшел, Мартин нарын судалгаагаар веган байх нь гибрид машин уруу шилжихээс хавьгүй илүүтэйгээр ялгаруулалтыг багасгадаг. Японы эрдэмтэд нэг килограмм үхрийн мах идэхгүй байх нь дундаж европ машин 250 км зам явахтай тэнцэх зардлыг хэмнэдэг болохыг тооцолсон байна. Нэг килограмм үхрийн мах нь машинаар 250 км явахтай, 100 ваттын чийдэнг зогсолтгүй 20 өдрийн турш асаасантай тэнцдэг гээд төсөөлөөд үз дээ?
Тиймээс бид асуудал юунд байгааг мэдэх нь зүйтэй. Герман улсын Байгал Орчны Эдийн засгийн Судалгааны төв амьтны гаралгүй веган хооллолт нь махан хооллолтоос 87%-р бага хий ялгаруулдаг болохыг, органик веган хооллолтоор хий ялгаралт 94%-р багасахыг
олж нээсэн байна. Тэргүүний цаг уурч Жеймс Хансен дэлхийн дулаарлыг зогсоохын тулд хүн нэг бүрийн хийж чадах цорын ганц хамгийн үр дүнтэй арга бол ногоон хоолтон болох явдал гэж хэлжээ. Үүнд засгийн газрын оролцоо ч, хөл үймээн болох, гэрээ хэлэлцээр хийх, хүндрэл бэрхшээлтэй тулгарах юм байхгүй. Бен чи өөрөө хэдийнээ мэдэж байгаа ч, уншигчдадаа зориулаад нэмж асуулт асуухыг хүсч байна уу?
Ben: Тийм ээ, дахиад хэдэн асуулт байна. Дэлхийгээ аврахад бидэнд цөөхөн жил үлдсэн гэж эрдэмтдийн ярих нь сонсогдож эхлээд байна. Мөн Их Багшийн Телевиз дэлхийгээ аврахад ердөө 1300 /788 - 2010.11.27/ өдөр үлдээд байна гэсэн хоногийн тооллого гарч байхыг би анзаарсан юм. Юу таныг ийм богинохон хугацаа үлдсэн гэж үзэхэд хүргэж байна вэ?
Хэрвээ бид энэ эцсийн хугацааг алдчихвал юу болох вэ?
SM: За, би шударгаар хэлье.
Үнэндээ бол, хоног тоолж эхлэхээс өмнө, эрдэмтдийн баталгаа, нотлогооноос өмнө, би үүнийг дотоодын бясалгалаараа олж мэдсэн юм. Үнэнээр хариулахад ийм байгаа ч, энэ нь шинжлэх ухаанд нийцэх эсэхийг би мэдэхгүй байна. Тэгсэн ч гэлээ, хэрэв та шинжлэх ухааны баримтуудыг тооцоолж үзэх юм бол ойролцоогоор энэ хугацаанд л хүрэх болно.
Энэ үнэнийг би таньд л хэлж байна, энэ нь бичиж тэмдэглэлээс хальсан байх. Байдал ийм болсныг би бясалгалаараа олж мэдсэн. Нэг өдөр, нэг цагт нэгэн зэрэг бусад олон зүйлийн хамтаар. Гэхдээ бидэнд шинжлэх ухааны баримт нотолгоо зайлшгүй шаардлагатай, \Тийм ээ\ шинжлэх ухааны баримт нотолгоо биднийг мөн л тэр тоонд л хөтөлж аваачина. Энэ үнэн, шинжлэх ухааны талаас хэлэхэд, бидэнд бага хугацаа үлдсэн, учир нь арга хэмжээ авахыг бид дэндүү удаан хүлээсэн. Тэргүүлэх эрдэмтэд болоод байгууллагууд үүнийг хэлж байгаа, ялангуяа тэд хэн хүнийг урьдаас бодож, тооцоолохоос хавьгүй хурднаар дэлхийд эргэж нөхөгдөшгүй сүйрэл нүүрлэх тэр эцсийн цэгтээ хүрэх гэж байгааг олж тогтоочихоод байна.
Их Сургуулиудын Судалгааны Олон Улсын Холбооны эрдэмтдийн олон нийтэд зарласан шинэ баримт нь далайн түвшний өсөлт болон дэлхийн дулаарлын хэмжээ аль аль нь хэдхэн жилийн өмнөх НҮБ-н Засгийн Газар хоорондын Цаг Уурын Хэлтсийн \IPCC\ тогтоосон хэмжээнээс хавьгүй өндөр байгааг илтгэж байгаа.
Энэ зууны төгсгөл гэхэд далайн түвшин нэг метрээр нэмэгдэх буюу IPCC-н өмнө нь тооцоолсноос 70 орчим хувиар өсөхийг энэ мэдээ урьдчилан хэлж байна. Тэд олон нийтийг түгшээхээс эмээсэндээ юмуу сэрэмжтэй байхын тулд мэдээж бага зэрэг бууруулж тооцож байгаа. Тэд IPCC-н урьдчилсан мэдээнээс температур 50% илүү хурдан нэмэгдэж буйг мөн олж тогтоосон байна. АНУ-н Үндэсний Сансар Судлалын Төвийн \Наса\ болон Сансар Судалгааны Годдард Институтын цаг Уурын шинжээч Жеймс Хансен 2009 оны нэгдүгээр сард хэлэхдээ хотуудаа үерт автуулахаас, ихэнхи амь амьдралууд устаж үгүй болохоос, цаг уурын аюул нүүрлэхээс сэргийлэхэд бидэнд ихдээ 4 жил үлдээд байна гэжээ. Тун цөөхөн жил шүү дээ. Дэлхийн энэ яаралтай нөхцөл байдын талаар дурьдаж хэлэх тоо томшгүй баталгаанууд үнэндээ байгаа.
Ben: Энэ эцсийн хугацаа өнгөрвөл ямар зүйл болох талаар та юу гэж хэлэх вэ?
SM: За. Бен, юу болох вэ, Би үүнийг зөгнөхийг үнэхээр хүсэхгүй байна. Энэ тухай ярихыг үнэхээр хүсэхгүй байна.Үнэхээр аймшигтай. Тийм. Урт хугацааны өмнө, би нэгэн өндөр хөгжилтэй, чинээлэг орны, нэртэй хотод, нэгэн том, алдартай далайн эрэг дээр сууж байсан юм. Би тэнд зоогийн газарт юм уун сууж байтал гэнэт толгойд минь “Бурхан минь 4 жилийн дараа энэ хот оршиж байх болов уу” гэх бодол орж ирсэн. Би шууд л толгойгоо сэгсрээд, энэ тухай бодохыг, үүнийг харахыг, энэ тухай хайхыг хүсээгүй.
Үүний талаар ямар ч зөгнөл харахыг хүсээгүй. Би толгойгоо сэгсрээд, бодлоо шууд өөр зүгт хандуулсан. Бид Дэлхийгээ аврах шийдэл дээр төвлөрөх нь зүйтэй. Боломж байсаар байна. Бид аварч чадна. Хэрэв хүн бүр тэднийг аврах органик веган хүнсийг сонгож, шийдлийн нэгээхэн хэсэг болвол, үнэндээ энэ нь тун энгийн, туйлын энгийн зүйл. Үүнд алдах юм байхгүй, Харин ч эрүүл мэндэд ээлтэй, бүх зүйлд тустай.
Тун амархан. Энэ цаг үед бидний хийх ёстой цорын ганц зүйл бол органик веган хүнс сонгох. Бусад байгаль орчинд ээлтэй технологи зэргийг аажимдаа хөгжүүлж болно.
Бид амь насыг тэтгэгч органик веган хоолтон болох шийдвэрт хүрвэл бидний ирээдүй бүрэн өөрчлөгдөх болно. Амьдрал тун хурдан таны төсөөлжиж ч чадахааргүй тийм сайхан болно. Үүний үр дүнд байгал цэцэглэж, өтгөн сахлаг мод ургамал, амар амгалантай, сэтгэл ханамжтай, аз жаргалтай байж, төсөөлшгүй бүтээлүүд бий болох болно. Аллага үйлдэхгүй болсноор хүн төрөлхтөн, ан амьтад адилхан эв найртайгаар хөгжин дэвжиж, дэлхий үзэсгэлэнтэй, аз жаргалтай байдалд орох болно. Гэвч хэрэв бид одоо өөрөө л бусдын амь насыг хэлтрүүлж, нинжин сэтгэл гаргаж эхлэхгүй бол дэлхий маань эрдэмтдийн аль хэдийнээ гаргачихсан аймшигт таамаглалууд болох урт хугацааны туршид далайн түвшин нэмэгдэх, хорт хий дэгдэх, олноороо сөнөх-үүнд хүн мөн орно, гэх замаар л замнах болно.
Би үүнд итгэлтэй байна. Энэ бүгдийн зарим үр дагаврууд хэдийнээ өвчин, зовлон, өлсгөлөн, үхэл үүсгэж буй байгалийн гамшгуудын тоо өсөж байгаагаас харагдаж байна. Тиймээс бүгдээрээ ирээдүйгээ хүссэнээрээ баталгаажуулахын тулд одооноос хөдөлье.
Цагаан хоолтон болж, Байгал орчноо хамгаалан, Дэлхийгээ аварцгаая. Бид шийдэл дээр төвлөрөх ёстой юм байна. Тийм ээ, хайр аа,
Хэрэв бид шийдэл дээрээ л төвлөрөхгүй бол гарах үр дагавар нь дэндүү тодорхой болох болно...

"Дэлхийн дулаарлаас гарах зам"-1

2010-11-19T03:55:00.000-08:00

Суприм Мастер ТВ-ийн Билэг Оюуны Сувд нэвтрүүлгээр 2009 оны 7-р сарын 12-нд “Ирланд Сандэй Индепендент” сонинд хэвлэгдсэн сэтгүүлч Бен Мурнаны Их Багш Чин Хайтай хийсэн ярилцлагын хэсгээс.

Ben : Бидний тавих эхний асуулт бол: Суприм Мастер Телевиз дэлхийн дулаарал, цаг агаар судлал, цаг агаарын физик, геофизик, туйл судлал зэрэг салбаруудад ажилладаг дэлхийн шилдэг эрдэмтэд болоод дэлхийн удирдагчидтай ярилцлага хийсэн.

Үүнд НҮБ-н Засгийн Газар хоорондын цаг уурын хэлтсийн дарга Др.Рхендра Паучаури; НАСА-ийн Годард Дээд сургуулийн сансар судлалын тэргүүн, дэлхийд нэртэй цаг уурч Жеймс Хансен: Дэлхийн шилдэг 500 физикч, байгал судлаач нарын нэг доктор Вандана Шива.

Дэлхийн дулаарал дээр тэд ямар үзэл бодолтой байгаа вэ? Мөн гаргасан дүгнэлтэндээ санал нэгтэй байгаа юу? Эсвэл өөр ямар нэг санаа оноо байгаа юу?

Их Багш: Эдгээр салбарын бусад эрдэмтэд дэлхийн дулаарал сүүлийн хэдэн арван жилд түргэссэн бөгөөд хүмүүс гол өөрчлөлтийг яаралтай хийх ёстой гэдэгтэй санал нэгдэж байгаа. Доктор Хансены хэлснээр 2050 онд хийн ялгаруулалт 80%-иар бууруулах нь хангалттай биш. Тэрээр мөн хэлэхдээ, хувь хүн тус бүрийн хийж чадах хамгийн чухал зүйл бол цагаан хоолтон болох явдал бөгөөд засгийн газар нүүрсний бохирдлыг анхаарах ёстой. Өөрөө цагаан хоолтон болсон Др.Пачаури хэлэхдээ махан бүтээгдэхүүний хэрэглээг багасгах нь дангаараа хийн ялгарлыг зогсоох хамгийн үр нөлөөтэй зам билээ.

Мөн цагаан хоолтон Др.Шива органик веган тариалан нь дэлхийн дулаарал төдийгүй мөн олон нийтийн эрүүл мэнд, дэлхий дахины өлсгөлөн, бүр санхүүгийн байдлыг ч шийдвэрлэнэ гэдгийг цохон тэмдэглэсэн байна. Мөн хараахан цагаан хоолтон болоогүй байгаа ч махан хоол нь дэлхийн бохирдол болон цаг уурын өөрчлөлтөнд нөлөөлж буй номер нэг шалтгаан гэдгийг цохон тэмдэглэсэн олон хүн бий тиймээс бид махны хэрэглээг багасгах эсвэл бүр зогсоох ёстой.

Ben: Үнэхээр тийм. Дэлхийн дулаарлын асуудал дээр, эрдэмтэд далайн түвшин дээшилж байгаа тухай ярьж байгаа ч үүний бодит жишээг хаанаас харж болох вэ?

Их Багш: Олон газраас үүний жишээг харж болно. Хэдэн сая хүний амь нас томоохон гол мөрний бэлчир газраас хамааралтай байдаг нам дор газар оршигч улс орнуудад эрэг хавийн нутаг нь эрс элэгдэн нурж байна. Жишээ нь, 155 сая хүнтэй Бангладеш улс бол эдгээр томоохон гол мөрний бэлчир газар юм. Дака эргийн судалгаагаар цаг тутамд Бангладешд дунджаар 11 айл өрх усны түвшин нэмэгдсэнээс болж орон гэргүй болж байна. Төсөөлөөд үз дээ? Нэг цаг тутам, 11 гэр үгүй болж байна.

Ben: Үнэмшмээргүй юм, ямар их юм бэ. Үнэмшмээргүй юм.

Их Багш: Тийм ээ. Таны гэр гээд бодоод үздээ. Бид энэ талаар сонсохоор тоо ширхэг л сонсогдож байгаа ч үүний ард гэр бүл, үр хүүхэд, найз нөхөд бас дурсамж байгаа... үгээр. илэрхийлэхэд ч хэцүү.

Ben: Энэ үнэхээр аймшигтай юм.

Их Багш: Өөрсдийгөө, өөрийнхөө гэрийг гээд төсөөлөөд үз. Нэг л өглөө босоод орох оронгүй болчихсон, эсвэл та гол дотор, живих аюултайгаар амьдрах болно. Хэн ч мэдэхгүй, бүр хэн азаарахгүй.Үүний талаар би ярихыг хүсэхгүй байна, үнэхээр гунигтай байна.

Энэ үнэхээр гунигтай, Бен.

Ben: Би нэг юм хэлье. Энэ таныг үнэхээр гунигтай болгодог юм байна. Одоо бол маш хэцүү цаг үе, хүмүүс амиа алдаж байна.

Их Багш: Тэдгээр хүмүүст өмнөх шигээ ая тух гээд байх зүйлгүй болсон. Тэдгээр хүмүүс дэлхийн дулаарлын хуримтлагдсан үр дагаврыг тэсэж тэвчих хэрэгтэй болдог. Энэ сэдвийг өөрчлөхгүй бол би цааш нь ярьж чадахгүй нь. 1995 онд далайн усны түвшин дээшилснээс болж Бола арал үерт автаж хагас сая хүн гэр оронгүй болсон. Урьдын адил газар тариалан эрхлэн амьдрах аргагүй болсон. 32 сая хүн оршин суудаг Египтийн Нил мөрний эрэг мөн Ау Лакд (Вьетнам)дор хаяж 18 сая хүн амьдардаг Меконг Голын эрэг дээр давстай ус тариалангийн талбайг үгүй болгосон. Өнгөрсөн онд л гэхэд 18 арал бүрэн живсэн байна. Мөн Номхон далайн улс орнууд аюулд байгаа бөгөөд нүүлгэн шилжүүлэлт мөн нүүлгэн шилжүүлэх төлөвлөгөө Малдив, Кирибати, Тувалу зэрэг газруудаас хэдийн эхэлсэн. Малдивийн ерөнхийлөгч улс даяараа шилжин суурьшихыг хүсэж байсан. Итгэхэд хэцүү юу?

Ben : Итгэмээргүй юм. Энэ бүгд дэлхийн дулааралтай холбоотой.

Их Багш: Тийм ээ, хайраа. Тийм учиртай юм. Энэ бүгд биднээс л болсон. Шри Ланка, Энэтхэг, Шинэ Зеланд, Австрали улс зэрэг цөөн улсад аюулд нэрвэгдсэн улс орнуудын дүрвэгсэдийг хүлээж авахыг санал болгосон байна. Тэгэхээр далайн түвшин дээшилснээс болж гарсан байгалийн дүрвэгсэд бидэнд ч гэсэн шууд бусаар нөлөөлдөг. Эдгээр нь олон эмгэнэлт явдлуудын зөвхөн цөөхөн хэдэн жишээнүүд ба маш энгийн бөгөөд дөхөм органик веган хоолыг сонгож, дэлхийн дулаарлыг нэн даруй зогсоох шаардлагатай байгааг мөн харуулж байгаа юм. Бид урьд нь олон удаа дурьдсан, танай уншигчид бидний блог хаяг эсвэл SupremeMasterTV.com/SOS, эсвэл SupremeMasterTV.com/Killers хаягаар орж лавлаж болно. Ойлгов уу, хайраа, Бид хүмүүст Органик веган тариаланг дэмжиж сурталчлах хэрэгтэй.

Амьтан үржүүлдэг аж ахуйн нь маш хэрцгий бөгөөд эрүүл мэндэд ч сайнгүй ба амьтан болоод хүний аль алинд ёс бус юм. Органик веган ногоо тариал гэх гэсэн юм. Тийм ээ?

Ben: Тийм.

Их Багш: Энэ нь бидний эрүүл мэндэд тустай яагаад гэвэл тоомшгүй олон өвчнүүдийг үүсгэж байгаа олон түмэн шавж устгах хор, антибиотик, мөн химийн гаралтай нэмэлт бодисууд байдаггүй. Мөн органик хүнс нь CO2-ийг өөртөө шингээдэг. Махан бүтээгдэхүүнтэй харьцуулахад жимс болон ногоонууд нь хорт хавдраас урьдчилан сэргийлдэг витаминууд, эрдэс бодис, антиоксидант мэтийн шим тэжээлүүдээр өндөр байдаг. Түүнээс гадна, илүү амттай байдаг, үүнийг хүн болгон хэлэх байх аа. Байгал орчны тал дээр, органик тариалан нь хөрсийг хамгаалж бүр бордож өгдөг, мөн амьтан ба ургамлын амьдарч ургах орчинг хамгаалж, бохирдол бага гаргадаг. Родал Институтад хэрэв дэлхий даяараа үүнийг тариалвал CO2-ийн 40%-ийг өөртөө шингээснээрээ хүлэмжийн хийг багасгах болно гэдгийг тогтоосон байна. 40 хувь нь шингээгдэх нь байна шүү дээ! Бид нарны эрчим хүчээр ажилладаг технологийг ч хүлээх шаардлагагүй байна шүү дээ.

Органик ногоог тарьснаар CO2-ийн 40%-ийг шингээх нь байна. ногоо тарьвал тийм ээ.

Энэ чинь нэг акрт 1000 паунд нүүрстөрөгч шингэнэ гэсэн үг. Энэ сайн биш гэж үү, Бен?

Ben : Үнэхээр гайхалтай.

Их Багш: Үнэмшмээргүй юм. Тийм ээ, үнэмшмээргүй. Тэгэхээр, органик веган ногоог тариалах нь бидний эрүүл мэнд, мөн дэлхийд маань шийдэл болж байна. Веган гэдэг нь ногоо гэсэн үг л дээ, илүү тодруулж хэлсэн юм./үргэлжлэл бий/

"Амь нас аврахын гавъяа буян"

2010-11-18T02:42:00.000-08:00

Та бүхэнд Суприт Мастер ТВ -ийн Багш Шавийн Шүтэлцээ нэвтрүүлгээр Их Багш Чин Хайн 2009 оны нэгдүгээр сарын 9 ны өдөр Франц хотод тавьсан“Амь нас аврахын гавьяа буян” лекцийг толилуулж байна.

Их Багш: За, би хоригдсон амьтдыг сулладаг тухай нэгэн үлгэр ярьж өгье. Хоригдсон амьтдыг суллах нь Хятадын нэгэн төрлийн уламжлал. Энэ үлгэр нь хоригдсон амьтдыг сулласан нэгэн хүний тухай-том амьтдыг биш, жижиг амьтдыг сулладаг тухай юм. Ямар амьтан бэ? Маш, маш жижигхэн.

Шавь нар: Зөгийнүүд.

Их Багш: Зөгийнүүд! Зүйтэй. Хятад, Ау Лакын \Вьетнам\ аль алинд нь хоригдсон амьтдыг аврах уламжлал байдаг, тийм ээ?

Шавь нар: Тийм ээ.

Их Багш: Гэхдээ ихэвчлэн сарын 1-нд болон 15-ны өдөр ингэдэг. Тийм байх аа? Эсвэл аль өдөр билээ?

Шавь нар: Нэгэн болон арван тавны өдөр байх аа.

Их Багш: Яагаад 1-н, 15-н гэж?

Шавь нар: Мөн хувь тавилангаа өөрчлөхийг хүссэн үедээ.

Их Багш: Хувь тавилангаа өөрчлөх, Өөрчлөгдөж байсан уу?

Хүмүүс ингэж итгэдэг. Өөрчилөгдөнө гэж итгэдэг. Тэгвэл өдөр бүр ингэсэн нь дээр биш гэж үү? Манай гэрийн гадаа шоргоолжны үүр бий. Бид үүрнийх нь хажууд элсэн чихэр, будаа тавьдаг. Энэ нь мөн амьтдыг чөлөөлөхөд хамаарна. Амьтдыг чөлөөлнө гэдэг нь амьдрах орчинг хамгаалж, тэднийг чөлөөтэй байлгаж, амьд байлгах явдал юм. Хэрэв тэд өлсөх юм бол бас үхчихнэ. Тиймээс тэднийг хоолоор хангах нь мөн чөлөөлж буйд тооцогдоно. Амьтдыг суллахын тулд худалдаж авах албагүй. Заримдаа манай хашаанд олон шувууд ирдэг. Хэрэв ядуу байгаад өгөх их зүйл байхгүй бол, тэдэнд идүүлэхээр гаднаа хоолны үлдэгдлээ тавьж болно.

Ногооныхоо хог хаягдлыг хашааныхаа буланд хулгана шувуудыг хооллох гээд тавьж болно. Энэ нь мөн л тэднийг чөлөөлж буйд тооцогдоно.

Дотроо хайр, нинжин сэтгэлийг тээгээд үүнийг хийж байгаа цагт амьтдыг чөлөөлж буйд тооцогдоно. Хоригдсон амьтдыг сулласанд тооцогдохын тулд 1-н юмуу 15-ныг хүлээж байгаад, торонд удаан хашигдан, өлсөж, өвдсөн шувуудыг гадагш гарч худалдаж авах биш юм. Тийм биш.Чадахыгаа л хий, за юу? Мэдээж, тэднийг суллах үед тэдэнд маш сайхан санагддаг. Нөгөөтэйгүүр, шувууд, шоргоолж, хулгана зэрэгт хоол орхиж байж болно.Энэ мөн л тооцогдоно. Зэрлэг гахай гэх мэтийн зэрлэг амьтад мөн байдаг.

Зарим үед ногооныхоо үлдэгдлийг юмуу идэхгүй хуучин ногоонуудаа хогийн сав руу хийхийн оронд тэдэнд идүүлэхээр тусад нь тавьж болно.

Энэ нь мөн л сайн үйлст хамаарна. Мэдээж, бид тэднийг хооллохоор өдөр бүр том, сайн ногоо худалдаж аваад байж чадахгүй. Гэхдээ оргүйгээс энэ нь дээр.

За, энэ үлгэр нь маш, маш сайхан сэтгэлтэй хүний тухай үлгэр юм.

Тэр бол угтаа ариун ч юмуу оюун санаагаа хөгжүүлсэн хүн биш. Энэ үлгэр дээр бол, тэр угтаа дарсны худалдаачин байсан. Тэр дарс худалддаг байжээ. Согтууруулах хэмжээ нь их эсвэл бага байсныг нь би мэдэхгүй байна. Зарим дарс согтууруулах бодисгүй байдаг. Магадгүй тэр тийм төрлийн дарс зарж байсан байх. Тэгж найдья. Согтууруулдаггүй пиво. Мөн миний Диваажны Цагаан дарс. Диваажны Цагаан дарс согтууруулах бодисгүй, тэг алкоголтой. Магадгүй тэр ийм маягийн дарс зардаг байсан байх гэж л найдья. Тэгээд тэр дэлгүүртээ зардаг байжээ. Нэгэн өдөр тэр нэг зөгий дарсных нь саванд унасан байхыг олж харжээ.

Тэр зөгийг өрөвдөж гэнэ. Тийнхүү тэр хос савхаар зөгийг дээш нь гаргаж аваад, гадна нь үлдээж гэнэ. Хэсэг хугацааны дараа, зөгий хуурай болж, согтоо нь ч арилж нисч чадахаар болов. Гэвч нисч эхэлтэл, зззз... гээд явчихжээ. Магадгүй дэндүү их дарс уучихсан байх. Хөөрхий. Удалгүй далавч нь хатаад нисээд явжээ.

Тэр өдрөөс хойш, тэр балт зөгийнүүд дарсанд нь унахыг харах бүртээ, гаргаж тавьж байжээ, учир нь тэр эхний гаргаж тавьсан нь баярлан ниссэнийг харсан болохоор. Энэ нь түүнийг өөрөө чөлөөлөгдсөн л юм шиг жаргалтай болгож байв.

Та нар өөрсдийгөө зөгий нарын оронд тавиад үз дээ. Өөрийгөө дарстай торхонд уналаа гээд төсөөлдөө, Диваажны Цагаан дарс мөн ч бай, биш ч бай, живэхээс айх л болно.Тийм ээ?Хэдий согтууруулахгүй байлаа ч гэсэн, маш ихийг уух нь тааламжгүй л байна биз дээ? \Тийм ээ.\ Тиймээс бид юу ч хийсэн бай, бид бусад хүний үзэл бодлын үүднээс хандвал бид юу хийхээ мэдэх болно. Ойлгож байна уу?Ойлгож байна.

Жишээлэхэд, машин маань их хүчтэй, олон морьны хүчтэй. Хаазан дээрээ багахан гишгэхэд л ингээд хүнгэнээд явчихна. Харин уулын нарийн замаар явж байвал, үргэлж л явган хүмүүс, ноход, нохойтой хүмүүс энэ тэр гээд явж байдаг, би жолоочдоо яаралгүй явахыг хэлдэг.

Ингэвэл хүмүүс айж, эмээхгүй. Хэдий тэднийг мөргөхгүй ч машин тэдний хажуугаар ингээд дэндүү хурдтай өнгөрвөл мөн л сандрах болно. Хэрэв зоригтой бол сандрахгүй байж мэдэх юм. Гэсэн ч тоос шороо, хортой хийгээр нь цацагдана. Хэт хурдтай жолоодоход маш их хий ялгаруулдаг. Явган зорчигчид, мотоцикл дугуйтай хүмүүсийн хажуугаар өнгөрөх бүрт би удаан яв гэж хэлдэг. Ингэвэл хүмүүст илүү таатай санагдаж, тэгээд мөн тэд талархдаг. Тэд даллаад,“Сайн хүү!” гэж хэлдэг.

Би “Хараач тэд их талархаж байна. Тэднийг бодолцсоныг мэдсэн байна.” гэж хэлсэн. Би түүнд юу ч хийсэн бай, нөгөө талаа бодолцож үзэх юм бол бид юу хийхээ мэдэх болно гэж хэлсэн. Замаар явж байхад чинь ийм том, сүр хүчтэй, дуу чимээтэй машин гарч ирээд хажуугаар чинь сүн хийгээд хэт хурдтай өнгөрвөл, мэдээж сандралд орж, таагүй санагдана шүү дээ. Тийм учраас бид бусдад өөрсдөдөө ханддаг шиг хандах хэрэгтэй.

Хятадууд юу гэдэг билээ? Бусдаар туслуулья гэвэл бусдад тусал. Өөрийн дургүй зүйлдээ бусдыг бүү тулга. Барууныхан ижилхэн зүйр үг хэлдэг. Архичид үүнийг тоодоггүй байж. Архины амт нь их хүчтэй болохоор дарсанд зөгийний амт орсон ч тэд хайхардаггүй гэнэ. Заримдаа харх дотор нь орсон ч, тэд ууж л байдаг. Тэд огт тоодоггүй гэнэ.

Би нэг хөгжилтэй түүх өмнө нь ярьж өгсөн билүү? Нэг удаа нэг хулгана дарсны торхонд уначихжээ. Тэмцээд тэмцээд гарч чадахгүй байж. Тэгтэл бяцхан муурын зулзага өнгөрч явжээ. Хулгана хэлсэн нь,“Хөөе, дүү, туслаач!”Дүү муур хэлж гэнэ,“Би яагаад чамайг аврана гэж? Чамайг идэхийг хүлээж тэвчихгүй нь” гэжээ. Тэгтэл хулгана“Тийм ээ, би мэдэж байна. Би энд живж, амьдарлаа үрснээс чиний оройн хоол болсон нь дээр. Би чиний хоол болохоор төрсөн. Би энд ингээд үхвэл гарзтай хэрэг болох биш үү?” гэж гэнэ. Тэгтэл дүү муур,“би чамайг аварвал, чи надад идүүлэх юм уу?” гэв. Хулгана, “тийм ээ, би амлаж байна. Диваажин, тамаар тангараглая. Идүүлнэ гэдгээ амлая. чамд идүүлэхгүй байх боломжгүй.” гэж хэлжээ. Тэгтэл муурын зулзага “чи зугтахгүй юу?” гэсэнд“үгүй ээ, үгүй.

Би чамд талархана. Амь насыг минь аварвал би чиний хоол болно. Би угаасаа үхэх гэж байна.” гэж хэлж гэнэ. Энэ яриа муурын чихэнд чимэгтэй сонсогдож. Тэгээд муурын зулзага “Тэгье” гэв. Тэгээд дарсны торх руу сүүлээ унжуулаад, “миний сүүлнээс сайн зуу, би чамайг татаж гаргая” гэжээ. Хулгана муурны сүүлнээс нь зуухад, тэр хулганыг гаргаж иржээ. Торхноос нэгэнт гарчихсанаас хойш хулгана хурдан зугтаад явчихжээ.

Нүхэндээ орчихоод хошуу гарган ингэж хэлж гэнэ ээ,“Баярлалаа, дүү.”

Мэдээж муурын зулзага дүү маш их уурлаж,“чи миний хоол болно гэж надад амласан.

Одоо гарч ирж идүүл. Хурдал.” гэв. Хулгана “Өө, уучлаарай, би согтоод, дэмий юм ярьчихаж.” гэж гэнэ. Согтуудаа дэмий юм ярьчихжээ! /инээв/ За за, үлгэртээ буцаад оръё.

Хэдэн жилийн дараа нэгэн өдөр гэнэт түүний гэрт олон цэргүүд иржээ. Ямар ч асуулт, тайлбаргүйгээр, түүнийг баривчилжээ. Түүнийг шүүх газарт авчиржээ. Сүүлд нь тэр шударга бус хүмүүсээр өөрийг нь гүтгэсэн гэдгийг мэдэж авч. Тэгээд албатууд түүнийг барьсан байна. Энэ нь ямагт тохиолддог. Тэд бусдыг хуурамчаар буруутгадаг байв. Гэвч хилс хэргээс өөрийгөө өмгөөлөх арга түүнд байсангүй. Заримдаа дэндүү сул дорой байх үед баталгаа байдаггүй. Заримдаа бусад хүмүүс хэлмэгдүүлж, худал гүтгэхэд түшмэдүүд үүнийг хуйвалдаан гэдгийг мэдэхгүй, хэргийг шүүхдээ тэдгээр гэрч, баримтууд дээр тулгуурладаг. Тэгээд шүүгч түүнд үхэх ял оноохыг хүсчээ. Тэр өөрийн нэрээ тэмдэглэн тамгаа дарах гэж байтал, гэнэт маш олон зөгийний дуу сонсогдож гэнэ. Эхэндээ тэд их хол сонсогдож байв. Тэгээд тэд ойртсоор,ойртсоор, улам,ойртсоор байв. Шүүх газар бүхэлдээ зөгийгөөр дүүрчээ. Тэд ирмэгцээ шууд шүүгчийн үзэг рүү бүгдээрээ дайрав. Үзэг рүү дайрах зөгийний тоо нэмэгдсээр байжээ. Түшмэл яаж ч оролдоод тэднийг хөөж гаргаж чадахгүй байлаа. Тэднийг хөөж гаргахад дэндүү олон болсон байв. Зөгийнүүд үзэг рүү нь толгой, биеэрээ мөргөөд л байж гэнэ. Улам, улам олон зөгийнүүд ирээд л байв. Тэгээд гэнэт тэр түшмэл ухаарч гэнэ. Яахаараа ийм сонин явдал болдог билээ? Бодох тусам сонин санагдаж гэнэ. Тэгээд тэр “магадгүй энэ хүн худлаа буруутгагдсан байх” гэж боджээ. Тэр “за, зогс” гэж хэлээд үхлийн ялд гарын үсэг зурсангүй. Түүнд нэг зүйл сэжигтэй санагдав. Тэгээд тэр гомдол мэдүүлэгчийг дуудаж, дахин асууж үзэв. Түүнээс асуух тусам улам жигтэй санагдаж гэнэ. Мэдэгдлүүд нь зөрөөд байжээ. Гомдол мэдүүлэгчийн үг итгэлгүй байв. Заримдаа ингэж нэг хэлээд, заримдаа тэгж нэг хэлээд. Юу нь ч тохирсонгүй. Заримдаа нэг нь нөгөөгөө үгүйсгээд байжээ. Тэгээд түшмэл байцаалтаа үргэлжлүүлээд л байж. Удаан байцаасны эцэст, тэр дарсны худалдаачин гомдол мэдүүлэгчтэй ямарч холбоогүй болохыг олж мэджээ.

Тэр гомдол мэдүүлэгчтэй огт уулзаж байгаагүй. Гомдол мэдүүлэгч энэ сайн залууг шалтгаангүйгээр худлаа буруутгахын тулд хэрэг явдлыг зохиожээ. Энэ залуу гэмгүй байж таарлаа гэж шүүгчид санагдаж гэнэ. Тэгээд тэр шийтгэлийн бичигт гарын үсэг зурсангүй. Ялын тогтоолд гарын үсэг зурагдсан бол дарсны худалдаачин цаазлагдах байсан тэрхүү ялыг шүүгч татан авч ,ялын бичгээ уржээ. Тэгэхэд бүх зөгийнүүд хөөгдөж туугдалгүйгээр нисэн одож гэнэ. Түшмэлд энэ нь маш сонин, ер бусын санагджээ. Тэгээд тэр дарсны худалдаачнаас асуув. Тэр залуу түүнд цөөн хэдэн зөгийг аварсан түүхээ ярьж, үүнд л Шалтгаан байж болохыг хэлжээ. Тийнхүү түшмэлд зөгийнүүдийг хүртэл аварч байсан энэ хүн үнэхээрийн сайхан сэтгэлтэй болох нь тодорхой болжээ. Тэр яаж хүн алж, хүмүүсийн мөнгийг дээрэмдэж чадах вэ? Зөгийнүүдийг аварч байхад тийм ээ?

Хэрэв хэн нэг хүн ялааг ч алдаггүй бол, тэр яаж хүн алсан байх вэ?Тэгээд шүүгч гайхжээ.Тэр “Санаанд багтамгүй юм. Чиний амь нас өнөөдөр хэдэн зөгийний амийг аварснаар амь мултарлаа. Тэдгээр зөгийнүүд ирж намайг хэргийн талаар дахин нэг удаа бодуулж, амийг чинь аварлаа.” “Эс бөгөөс, чи яллагдсан бол чиний өдрийн тоо гүйцэх байлаа.” гэж хэлэв. Тэгээд шүүгч дарсны худалдаачинд тэр өдрөөс эхлэн улам их сайн үйл хийж байхыг зөвлөжээ. Энэ нь амьтдыг чөлөөлөхөд хамаарна.“Тэгвэл чи илүү их сайн үр дагаврыг хүртэх нь гарцаагүй.” гэж хэлжээ. Дарсны худалдаачин гэртээ хариад, илүү их сайн үйлс хийсээр байжээ. Тэр мөн арилжаа наймаагаа өөрчилж, согтууруулагчгүй дарс зардаг болсон байна. Ийнхүү тэрээр урт удаан амьдарч, ямар ч өвчин шаналалгүй тайвнаар насан эцэслэжээ.

Би саяхан мэдээ үзсэн юм. Шинэ Зеланд дарс худалдах шинэ хууль гаргасан байна. Өмнө нь дарс зарахад хялбар байсан бол одоо тийм ч хялбар бус болжээ. Маш олон дүрэм, хуулиуд гарсан байна. Тийнхүү олон баарууд согтууруулагчгүй дарс худалдаалдаг болсон байна.

Олон дарсны дэлгүүрүүд согтууруулагчгүй дарсны дэлгүүр болсон байна. Үүнд би их баяртай байгаа. Маш гайхалтай! Европын Парламент мах идэх нь гариг дэлхийд маань сайнгүй гэдгийг хэдийнэ хүлээн зөвшөөрсөн. Урьд өмнө мал амьтан өсгөдөг хүмүүст маш их хэмжээний татаас өгч байсан тэр байдлаа дахин эргэн харахаа амлав.

Засгийн газар мах, загасанд их хэмжээний мөнгө төлдөг учраас их хямдхан байдаг. Тэд татаасыг зогсоохоор хэлэлцэж байгаа. Ингэвэл мах болон загас нь маш өндөр үнэтэй болно, тэгвэл хэрэглээ нь багасах болно. Хүмүүст цагаан хоолтон болоход илүү хялбар болно. Энэ нь жижигхэн алхам ч, ач холбогдолтой алхам. Сайхан санагдаж байна. Дарсгүй, махгүй, жижигхэн булангаас эхлэх хэдий ч бага багаар улам, улам их болно. Би тэгж найдаж байна. Бид чадна гэж би найдна. Бид хийж чадна. Бид хийж чадна. Бидэнд ингэх боломж гарна. Амьдрахыг хүсч байгаа олон хүүхдүүд байна. Хөгшин бид нарт бол хамаагүй.

За, энэ хүн зөвхөн хэдэн зөгийг чөлөөлөөд ингэж аврагдсан байна, өдөр бүр цагаан хоол иддэг биднийг дурьдах ч хэрэггүй. Бид хэдэн амь нас аварсан бэ? Бидний аврах амьтад үхэр ,морь, гахай, тахиа, ямаа гэх мэт том амьтад. Бүгдийг нь нэрлэж дуусгаж чадахгүй нь. Тиймээс бид урт удаан амьдардаг нь ийм учиртай. Бид хөгшин харагддаггүй.

Шавь нар: Багш үүрд залуу сайхнаараа байх болно. Багшаа , та маш үзэсгэлэнтэй байна.

Их Багш: Баярлалаа. Баярлалаа.

Оюун санааны бясалгагч нар бидэнд дотоодын гоо сайхан гарч ирдэг. Гадна талдаа хөөрхөн, хөөрхөн биш байх нь хамаагүй. Гэхдээ гадна талдаа хөөрхөн бол мөн харахад таатай байдаг. Ямар нэг асуулт байна уу?

Шавь нар: Байхгүй. Багшийг харах нь л хангалттай сайхан.

Надад нэг асуух асуулт байна. Дэлхийд маань та хэрэгтэй, шавь нарт та хэрэгтэй, хүн төрөлхтөнд та хэрэгтэй. Багш энд байгаа цагт, дэлхий сүйрэхгүй нь гарцаагүй.

Багш энд байх юм бол бүх хүн төрөлхтөн гарцаагүй цагаан хоолтон болно.

Илүү удаан үлдэхийг би Багшаас гуйж байна. Илүү удаан та урт наслахаараа улам л залуужна. Та хөгшрөхгүй.

Их Багш: Баярлалаа. Харж байя.

Шавь нар: Баярлалаа Багшаа. Багшаа илүү удаан үлдээрэй .

Их Багш: Харж л байя. Бүх дэлхийгээрээ сайжрах болно. Сайжирна, за. Эргэлзээгүй. Гэхдээ дэндүү удаан байна.

Шавь нар:Тараах хуудас тараахдаа бид таны хайрын хүчийг тээж явна. Хүн бүрийн сэтгэлд хүрэх болно.Бид шургуу ажиллана. Багш маш их тэвчээртэй. Багш дэндүү их тэсвэртэй.

Их Багш: Харж байя. За юу? Энэ тухай бодъё. Тийм удаан амьдарч яах юм.

Шавь нар: Эх газрын Хятадын олон шавь нар таньтай уулзахыг хүсч буй ч чадахгүй байгаа. Тэд маш их хүсч байгаа. Багш энэ дэлхийн аль нэг өнцөг буланд байгаа цагт бид маш их баяр жаргалтай байх болно. Багшаа, таны өргөж дэвшүүлсэн сайхан дэлхийг бид таньд үзүүлэхийг хүсч байна.

Их Багш: Баярлалаа.

Шавь нар: Үүрд. Бид таньтай үүрд хамт байна.

Их Багш: Харж байя.

Шавь нар: -Бид Багш таниасаа хэзээ ч салахгүй.

Их Багш: Энэ талаар хэдүүлээ дахин бодож үзье. Одоо та нар буцаж очоод бясалга даа.

"Зүрх сэтгэлээсээ бусдад үйлчил"-2

2010-11-06T08:22:00.000-07:00

"Зүрх сэтгэлээсээ бусдад үйлчил".-1

2010-11-06T08:00:00.000-07:00

"Бурханы хаант улс таны дотор бий"

2010-11-04T09:30:00.000-07:00

Суприм Мастер ТВ-ийн "Эрхэмсэг Язгуур" нэвтрүүлгээр цацсан “Бурханы хаант улс таны дотор байна-Толстойчууд” сэдэвт өгүүллэгийг гэгээлэг уншигч та бүхэндээ хүргэе. /эх нь орос хэлээр/
\Ариун Библи\Матай 5:43-48

“Хөршөө хайрла, дайснаа үзэн яд" гэж хэлэхийг та бүхэн сонссон.
Харин би та нарт хэлье: "Дайснаа хайрла, өөрийг чинь хавчиж байгаа нэгний төлөө
залбир, учир нь та нар Тэнгэр дэх эцгийн маань үр хүүхэд... Хэрвээ та нар өөрсдийг тань хайрлах хэн нэгнийг хайрладаг бол шагнал нь ямар байх вэ?
Тэнгэр дэх Эцгийнхээ нэгэн адил төгс төгөлдөр бай”.

Манай өнөөдрийн Эрхэмсэг язгуур нэвтрүүлгээр Толстойчуудын түүх, итгэлийн талаар өгүүлэх болно. Орос улсад 20-р зууны эхээр Владимир Чертков Толстойчуудын шашинлаг бүлгийг үндэслэжээ. Владимир Чертков нь зуун жил өнгөрсөн ч өнөөг хүртэл “Дайн ба энх”, “Анна Каренина”-аар алдартай оросын нэрт зохиолч, гүн Лев Толстойн дотны анд бөгөөд нарийн бичиг нь байсан билээ. Толстойчууд христын шашинтай бөгөөд христын ариун судрын Толстойн тайлбарыг баримталдаг. Тэд Есүс Христыг “Бурханы хүү” гэхээсээ илүү оюунлаг залагч хүмүүн хэмээн үздэг билээ. Есүсийн сургаалийг ямар нэгэн буултгүйгээр үсэгчлэн дагах ёстой гэдэгт итгэдэг. Толстойчуудын гүн ухааныг шинжлэн судлахдаа гүн Лев Толстойн итгэл хэрхэн хөгжиж байсныг сонирхоё. 1870-аад оны дундуур гүн Толстой оюуны хоосролд байгаагаа мэдсэн. Христын шашинд татагдаж байгаагаа тэр мэдэрсэн байна. Хэдийгээр тэр цаг ямагт Эзэн Есүсийн сургаалийг эрхэмлэж байсан ч өмнө нь тэр сургаалиас тайтгарал олж авч чадахгүй байв. Цөхөрлийн энэ цаг үедээ тэрээр олон ухаантан мэргэдийн тайлбарыг уншиж, Христын шашны Библийг эх хэлээр нь уншиж чадахын тулд эртний грек, хибру хэлийг сурсан билээ. Яваандаа тэрээр 4 евангелийг дахин орчуулж, ишлэл тус бүрээр нь харьцуулж үзжээ. “Миний итгэж явдаг зүйл” \”Миний шашин” хэмээн алдаршсан\ номондоо гүн Толстой Уулан дээрх Айлдвар түүний нүдийг хэрхэн нээж өгсөнийг бичжээ: “Матайн 5-р бүлгийн 39 дэх ишлэлд өгүүлсэн бүхэн надад үнэнд хүрэх түлхүүрийг өгсөн. “Нүдийг нүдээр, шүдийг шүдээр хариул гэж хэлэхийг та нар сонссон. Харин би та нарт хэлье, муутай бүү сөргөлд...”Эдгээр үгний энгийн утга гэнэт намайг бүр мөсөн сэрээсэн: Христын хэлсэн үг түүний хэлэх гэсэн санааг бүрэн илтгэсэн гэдгийг би хүлээн зөвшөөрч байна, энэ бүхэн өнөөг хүртэл далд байсан үнэнийг гаргаж, энэ үнэн өөрийн агуу байдлаараа миний өмнө босч ирсэн.” “Миний итгэж явдаг зүйл” номныхоо үргэлжлэл болгож “Бурханы хаант улс таны дотор байна”номлолыг 1894 онд бичжээ. Энд хорлолгүй байх байх пацифист итгэлийг нь төлөвшихөд тусалсан хоёр гүн сэтгэгч нарын үзэл санааг цааш нь хөгжүүлсэн. Тэрээр АНУ-ын Массачусеттс мужийн Хоупдейл коммуны үндэслэгч, юниверсалист номлогч, Христын пацифист байсан Эдин Баллугийн “ Мууг муугаар эс хариулахын асуудал”-аас иш татсан байна.“Сөргөлдөхгүй” байх нь хаанаас гарч ирсэн бэ? “Мууг бүү сөр”\Матай 5:39\хэмээх тушаалаас харахад бид мууг муугаар бус, бидний хүчин дор байгаа журамтай сайн бүхнээр дарах ёстой.
Христ сөргөлдөхгүй байхыг энэ утгаар тушаасан эсэх нь юугаар харагдаж байна вэ?
Түүний тэр мөчид нэмж хэлсэн үгнээс бүх зүйл тодорхой. Тэр хэлжээ:“... хэн нэгэн таны баруун хацрыг тань алгадвал нөгөө хацраа алгадуул, хэн нэгэн таны хүрмийг авахаар тантай шүүхдвэл түүнд өөрийн цуваа ч өг. ”Эзэн Есүсийн энэхүү үг нь бүх төрлийн түрэмгийллийг зогсоох ёстойг Толстойд ухааруулсан. Үүн дотор цаазаар авах ял, цэргийн харгис дэглэмд алба хаахыг багтаажээ. Хэдийгээр Есүсийн сургаалийг ёсчлон дагах нь хэцүү юм шиг сонсогдсон ч энэ нь хүн төрөлхтний хувьд дэвших ганц зам гэдгийг тэр хэлсэн “Гал галыг устгадаггүй нэгэн адил муу санаа муу санааг дарахгүй...Галилеогийн хууль шиг хөдлөшгүй хууль хүн бүрийн зүрх сэтгэлд байгаа-“жинхэнэ аз жаргалд хөтлөх ганц зам байдаг. Энэ агуу төгсгөл рүү биднийг ойртуулах алхам бүрийг Христын сургаалын нэрийн өмнөөс авч хэрэгжүүлдэг билээ:...түрэмгийллээр бус сайн үйлээр муу юмны үндсийг таслах болно.” Лев Толстойн хорлолгүй байх тунхаг нь хүнээр хязгаарлагдаагүй. 1885 онд Виллиям Фрейтэй ярилцаж байхдаа анх удаа цагаан хоолын тухай сонссоноос хойш цагаан хоолыг үнэнчээр сахисан билээ. Хатагтай Фрейны нотолгоог сонссоны дараа тэрээр: “Тийм ээ, найз минь, таны зөв. Таны мэргэн, үнэн үгэнд баярлалаа! Би таны үлгэр дууриаллыг дагаад махан хоолыг орхих болно.”гэжээ. Гүн Толстой махаа төдийгүй өндөг, сүү, тамхи, архинаас татгалзсан. Тэрээр хожим “Анхны алхам” номондоо “Амьтны гаралтай хоол хүнс хэрэглэх нь ёс журамгүй хэрэг, учир нь ёс зүйд харш амь таслах үйл энд орсон байгаа.”гэж бичжээ. Тэрээр 19-20 зууны амьтны эрх, пацифизмын хамгийн нөлөө бүхий дэмжигчдийн нэг болсон. Тэр цагаан хоолыг өв тэгш амьдралын үндэс хэмээн авч үзсэн билээ. “Аллагыг хичнээн их хүн жигшинэ вэ. Гэвч үлгэр дууриал, шуналын дэвэргэлт, Бурхан үүнийг зөвшөөрсөн гэх, мөн үүнээс илүү дадал зуршлын улмаас хүмүүс энэ жам ёсны мэдрэмжээ бүхэлдээ алдсан.” “Өв тэгш амьдрал руу тэмүүлж байгаа хүн эхлээд амьтанд хор хүргэхгүй байх учиртай.”Лев Толстой Байгал хүний дотно харилцааны энгийн бөгөөд даруу байдал руу эргэн очихын тухай өгүүлдэг. Тэр ийнхүү хэлжээ: “Аз жаргалтай байхын хамгийн эхний нөхцөл бол Хүн Байгалийн холбоо тасрахгүй байх явдал билээ.” “Бурханы хаант улсад гадаад дүр байдлаар хүрч ирэхгүй, мөн таны дотор Бурханы хаант улсыг харахын тулд тэд
“Ийшээ хар! Тийшээ хар! гэж хэлэхгүй. Владимир Чертков нь Оросын Петербургын
чинээлэг язгууртан байжээ. 1883 онд гүн Лев Толстойтой уулзсан тэр учрал нь түүний амьдралыг орвонгоор эргүүлсэн. Тэрээр соён гэгээрүүлэх үйл хэрэг эхлүүлж, Острогожск мужийн Россох дахь фермээ том хэвлэлийн төв болгожээ. Лев Толстойтой уулзсанаас хойш хоёр жилийн дараа тэрээр гүн Толстойн ном, ёс журам, урлагийн бусад уран зохиолуудыг эрхлэн хэвлэдэг Интермедиари хэвлэлийн газрыг нээж, санхүүжүүлсэн. Лев Толстойн бүтээл нь Орос улсын Петербург, Москва, Киев,Саратов, Полтава, Одесса, Минск зэрэг хэд хэдэн газар цагаан хоолны арав гаруй нийгэмлэг байгуулагдах урам хайрласан билээ. Москвагийн цагаан хоолны нийгэмлэг 1909 онд байгуулагдсан бөгөөд үүний хүндэт гишүүн нь Лев Толстой байжээ. “Хамаг амьтны дунд хайр, амгаланг тогтоох” зорилгыг өөртөө агуулсан нийгэмлэгээс сар бүр сэтгүүл , арга хэмжээ зохион байгуулагдаж, хүүхдийн газар, үнэгүй хоолны газрыг нээжээ..1910 онд Лев Толстойг нас барсны дараа Владимир Чертков Толстойн түүвэр зохиолуудын гол редактор нь болжээ. 1918 онд Владимир Чертковын тэргүүтэй Шашинлаг коммун, бүлгүүдийн нэгдсэн зөвлөл байгуулагдсан. Гүн Лев Толстойн оюунлаг зарчимтай амьдралд улам олон хүмүүс татагдсан бөгөөд тэд Толстойчууд хэмээн алдаршсан билээ. Тэд 1921 онд Москвагаас гадагш 12 мил зайд мянган хүнтэйгээр Амьдрал, хөдөлмөр коммуныг байгуулан амьдарч эхэлсэн. Эдгээр коммуннуудын гишүүд газар нутгаа хуваан эзэмшиж, амгалан, цагаан хоолтны амьдралтай байж. 1930 онд газар нутгийн засаг төрийн санаа, Толстойчуудын шашинлаг, пацифист, цагаан хоолны үзэл санаатай зөрчилдсөний улмаас Амьдрал Хөдөлмөр коммун, бусад Толстойчуудын коммун, хамтралууд тараан бутарсан билээ.1931 онд Амьдрал ба хөдөлмөр фермээ сэтгэл мэдрэлийн эмнэлэгт шилжүүлсний дараа коммуны гишүүд Том голын хөвөөн дээрх Кузнецкд суурьшжээ. Хэд хэдэн пацифист үзэл санаатай хүмүүс тэдний үлгэр жишээг дагаж Кузнецкийг зорьжээ. Сибирьт шинэ амьдрал хэдийгээр хүнд бэрх байсан ч Толстойчууд шаргуу ажиллаж, төд удалгүй ойролцоох тосгодод шинэхэн хоол хүнсээр хангаж чадахаар болсон байв. Орос улсад Толстойчуудад урам зориг хайрласнаас гадна гүн Лев Толстой Францын зохиолч Ромейн Роланд, Махатма Ганди, Мартин Лютер Кинг зэрэг орон орны гүн сэтгэгч нарт урам хайрлажээ. Лев Толстойн “Таны дотор Бурханы хаант улс байгаа”, “Хиндуд илгээсэн захидал” Махатма Гандид хамгийн ихээр нөлөөлсөн байна. Тэрээр гүн Толстойгоос “Хиндуд илгээсэн захидал”-ыг Гуджарати хэл рүү орчуулах зөвшөөрлийг авчээ. 1910 онд Өмнөд Африкийн Йоханесбургт хүмүүн төрөлхтний хайр, эрхэм байдал, хичээнгүй хүч хөдөлмөрийн зарчмын дагуу энгийн амьдралтай “Толстойн ферм”-ыг Ганди байгуулсан. Толстойчуудын өв уламжлал өнөөг хүртэл амьд хэвээр байгаа бөгөөд оросын зарим хүн Толстойн коммунд хэрхэн амьдарч, ажиллаж байснаа санадаг. Тэд өөрийн коммундаа цагаан хоол, энхийн зам мөрийг дагах тангарагтаа үнэнч байдгаараа үлгэр жишээ үзүүлдэг. Лев Толстойн амьдрал, уран бүтээл өнөөг хүртэл хүндэтгэл хүлээсээр байна. Түүний туулсан амьдрал, хэлсэн үг нь үе үеийн хүмүүст суралцах, өсөж дэвжих суурь болсоор байна. Амьдрал, хөдөлмөрийн нийгэмлэгийн тэргүүний нэг Борис Мацурин Толстойчуудын хөдөлгөөний талаар ийнхүү яруу хэлсэн байдаг:“ Гэгээлэг, агуу, амин чухал, баяр хөөр гэдгийг мэдэрсэн хүн бүрийн сэтгэл зүрх тэднийг дурссаар байдаг."

Бид та бүхэнд Тэнгэрийн ариун хайраар гэрэлтсэн өдрүүдийг ерөөе.

Хүрэн манжин эрүүл мэндэд ашигтай

2010-11-04T09:00:00.000-07:00

Эрт дээр үеэс хүрэн манжинг ардын эмнэлэгт хэрэглэж иржээ. Хүрэн манжингийн үндэс ишинд 80% хүртэл ус, 1,7% уураг нүүрс ус /бусад жимсгэнэ ба хүнсний ногооноос ялгаатай нь гол төлөв 11% хүртэл сахароз/ агуулдаг. Олон төрлийн витамин ба макро микро элементээр баялаг ургамал юм. Энэ ногоо нь хүний биеийг фосфор, кали, калъци, натри хлороор хангадаг чадлаараа бусад ногоон дотроос нэгдүгээрт тооцогддог. Манжин шархыг аньж эдгэрэхэд туслаад зогсохгүй судасны нарийсал ба эд эсийн хөгшрөлтийг багасгадаг үйлчилгээтэй. Мөн өргөн дэлгэрч байгаа харшлын өвчний эсрэг үйлчлэх ба цусан дахь холестериныг багасгадаг. Хүрэн манжингийн шүүс нь ходоодны шүүс ялгаралтыг ихэсгэдэг мөн цөс угаах үйлчилгээтэй болохыг эрдэмтэд судалгаагаар илрүүлжээ. Оросын уламжлалт эмнэлэгт түүхий хүрэн манжингийн шүүсээр цус багадалтыг эмчилдэг. Манжинд фолийн хүчил, марганц, зэс, төмөр бий. Ханиад хүрч хамраас нус гарч байгаа үед чанасан хүрэн манжингийн шүүсээр хамрын хөндийг угаана. Толгой өвдөж байгаа үед хөвөн даавуунд шингээсэн манжингийн шүүсээр чихний ойролцоо жин тавина.

Төгс Гэгээрсэн Их Багш Чин Хайн өдөр /монголд/

2010-11-01T08:56:00.000-07:00

Төгс Гэгээрсэн Их Багш Чин Хайн өдрийг жил бүрийн 10-р сарын 25-нд уламжлал болгон тэмдэглэдэг билээ. Уг өдрөөр Монголын бясалгалын төвөөс санаачлан Их Багшийн "Тэнгэрлэг хувцас"-ны загварын шоу-г амжилттай зохион байгууллаа. Баярын арга хэмжээнд бясалгагч нар загвар үзүүлснээс гадна мөн загварын "Эра" агентлагийн загвар өмсөгчид оролцсон бөгөөд үндэсний урлагийн тоглолтоор үзэгч олныг баясган цэнгүүлсэн сайхан арга хэмжээ боллоо. Уригдаж ирсэн зочидод цагаан хоолыг үнэ төлбөргүй түгээн тансаг сайхан амтыг мэдрүүлсэн нь оролцсон хүн бүгдийн сэтгэлд нийцэж байв.

Цаглашгүй Дээд Их Багш Чин Хай таны гайхамшигт оршихуйн биелэл болсон хувцасны загвар ийнхүү Монгол оронд түгэн тархаж, таны адислал хайрын гэрэл гэгээгээр эх дэлхий маань диваажин болох болтугай.

Гайхамшигт бүтээл

2010-10-18T08:16:00.000-07:00

Диваажингийн шувууд.
/Цаглашгүй Дээд Их Багшийн бүтээл/
Диваажингийн шувуу Бурхан айсуйг баяр бахдалын сэтгэлээр магтан дуулахаар сахиулсан тэнгэрийн далавч юугаа дэлгэн дээш хөөрөн дүүлэхээр завдму.

Их Багш үлгэр ярьж байна.

2010-10-13T05:09:00.000-07:00

ОЮУН УХААНЫ ДАДАЛТАНГУУД ӨӨРСДИЙНХӨӨ ХЭРЭГЦЭЭГ

ХАНГАДАГ БАЙХ ХЭРЭГТЭЙ

Нэгэн эр дурсамжаа сэргээхээр ч юмуу, эсвэл бага сага бизнес хийхээр ч юмуу ойн гүн рүү явжээ. Тэгээд нэг өдөр дөрвөн хөлгүй үнэгийг харсан байна. Тэр ямар ч хөлгүйгээр яаж энэ ширэнгэн ойд амьдарч байгааг хараад гайхжээ. Тэгээд ажиглаж эхлэв. Дараа нь тэр барыг харлаа. Бар ан амьтан авчраад түүнийгээ идсэний дараа үнэг үлдэгдлээр нь хооллодог ажээ. Одоо ингээд тэр үнэгний хэрхэн амь зуудгийг мэдэж гэнэ.

Дараагийн өдөр нь дахиад л Бурхан бас л бараар дамжуулан үнэгийг хооллов. Тэр эр үүнийг хараад зарим талаар гэгээрчээ. Тэгээд өөртөө хэлсэн нь: ”Аан, бид Бурханд итгэх хэрэгтэй юм байна. Бид Бурханд найдах ёстой. Тэгвэл Тэр биднийг бүх юмаар хангах болно” хэмээн бодоод бизнесээ орхин, эхнэр хүүхдээ мартаж гэнэ. /Инээв/ Тэр шууд л ойд суугаад Бурханы төлөө бүхнээс татгалзахыг хичээж, мөн Бурхан түүний хэрэгцээг хангах байх гэж найджээ. Тэр суугаад Бурхан дээр бясалгасан ба тэр Ариун Нэрсийг ердөө ч уншаагүй, эсвэл Наму Супрем Мастер Чин Хайг, Ву Шан Ших-ийг, Сума Цу-ийн нэрийг дуудаагүй. /Инээв/

Тэр “Би зөвхөн Бурханд л найдах болно. Би яах гэж бусад ямар нэг нэрийг дуудах ёстой гэж? Би Бурханд л итгэнэ, Бурханд л хайртай, би Бурханг л шүтнэ, би Бурханыг л хүндэтгэж, түүнээс л эмээнэ, энэ л миний хувьд хангалттай. Бурханы төлөө би юм болгоноос татгалзаж байна.”гэж дотроо үглэсээр. Ингээд тэр тэнд сууж байв. Тэр цөцгий, дүпү, бялуу, талх, бяслаг хүрч ирэхийг хүлээж байсан байж магадгүй.

Эхний өдөр юу ч ирсэнгүй, тэгсэн ч тэр үргэлжлүүлэн суусаар. Тэрээр:”Бурхан миний итгэлийг сорьж байна” гэж боджээ.

Дараагийн өдөр ч сууж л байв. Хоёр дахь өдөр дүпү гарч ирэх байтугай хамар доорхи газраас нь байцаа ч ургасангүй. Юу ч болоогүй боловч тэр: ”Өө, Бурхан миний эр зориг, сүжиг бишрэлийг шалгаж байгаа байх. Итгэл минь гуйвшгүй, мятрашгүй болохыг, өөрийн бүх юмнаас татгалзаж чадахаа, өөрийн найдвараа Түүнд мэдээж үзүүлэх болно” гэж бодож гэнэ.

Ингээд тэр дараагийн өдөр ч суусаар, хүлээсээр. Гуравдахь өдөр боллоо. Юу ч тохиолдсонгүй, цөцгий, талх, бяслаг, дүпү, байцаа, лууван ч ирсэнгүй. Тэр байтугай ус, бороо хэлбэрээр ч орсонгүй. Хон, хон. Одоо сорилт түүний хоолойноос, ходоодноос, түүний бүх мөчнөөс нь мэдрэгдэх болов, түүний бүх л биед зайлшгүй шаардлагатай зүйлс Бурханаас ирдэггүй. Түүний биеийн хэсэг бүрийн бүх нөөц боломж нь түүнийг өөрийг нь нөөцлөхийг хичээхгүй боллоо. /Багш болон бүгд инээлдэв/ Ийнхүү тэрээр гүн шаналж юу болсоныг санахыг хичээв. Тэр Бурханд залбирч: ”Намайг үүнээс илүү бүү сориоч, гуйя, би жинхэнээрээ Танд итгэж байна, би үнэхээр таны төлөө бүгдээс татгалзаж байна. Танд итгэх миний итгэл гуйвшгүй, энэ хэзээ ч мөхөшгүй”гэжээ.

Ингээд тэнгэрээс ч юмуу, эсвэл түүний ходоодноос ч байж магадгүй, би мэдэхгүй байна. Нэгэн дуу хоолой сонсогдлоо. /Багш болон бүгд инээлдэв/. Тэр хоолой нэг иймэрхүү юм хэлжээ: “Өө, чи тэнэг мунхаг юм, чи юунд эрэмдэг үнэгний байдалд суралцаад байгаа юм бэ? Бос. Барын байдлаар яв” гэжээ.

Их Багшийн тайлбар:

Яахав, бид хувраг болж болно, гэхдээ бид ажил хийх ёстой, өөрсдийнхөө амьдралын төлөө өчүүхэн ч болтугай зарим нэг зүйлийг хийх хэрэгтэй. Өөрөө өөрийнхөө талхыг хөдөлмөрлөж олох ёстой гэж би та нарт хэлдэгийн учир нь энэ. Яагаад гэхээр бид бол хөдөлмөрийн багажтай байж мөн оюуны чадамжтай байж хэрэгцээгээ хангана. Бид бол эрэмдэг биш. Хэрвээ бид тийм байсан бол Бурхан биднийг харах байсан байх. Гэвч бид эрэмдэг биш байж юунд эрэмдэг амьтдын замаар явах билээ? Бид арслан, барс, заан, морь шиг явах ёстой. Бид хэрэгцээгээ хангагч болохоос биш гуйлгачин биш, юм унаад ирэхийг хүлээгчид биш. Амьдралын зам бол ийм юм. Энэ хоосон ертөнцөд бид зөвхөн амьдарсаар байх үедээ өөрсдийнхөө хэрэгцээг өөрөө хангах ёстой, өөрсдийгөө сургах, эдгээр багаж хэрэгсэлийг ашиглах, өөрсдийн чадвар болон ухааныг сорьж байх хэрэгтэй. Амьдрал юу өгөхийг харцгаая. Маргааш юу авчрахыг харцгаая гэж болохгүй.

Өөрсдийн ухаан чадвараар бидний дотор амьдрал өсч байгааг, амьдрал улирал улирлаар өөрчлөгдөж байгааг, багаж зэмсэг маань бидэнд ашиг тусаа өгч байгааг, бидний гэр бүл, нийгэм маань томорч байгааг бид хардаг. Бидэнд ухаан байна, бид түүнийгээ ашиглах ёстой. Билэг ухаан бол нэг зүйл, харин оюун ухаан болон авъяас чадвар бол бас өөр зүйл юм.

Билэг ухаан бидэнд байдаг, билэг ухаан хэзээ ч биднээс холдож явахгүй. Билэг ухаан хэзээ ч сурч бэлтгэснээр бий болохгүй, хэзээ ч бохирдохгүй, хэзээ ч багасч ихэсдэггүй. Оюун ухаан, мэдлэгийг бид энэ ертөнцийн өдөр тутмын амьдралаа зохицуулахын тулд ашиглах хэрэгтэй. Билэг ухааныг бид илүү аугаа, илүү эрхэм дээд зорилгийн төлөө өөрөөр хэлбэл бусад хүмүүсийг гэгээрэлд хүргэх эсвэл өөрсдийгөө илүү хүчтэй болгож ингэснээр эмчлэхгүйгээр эмчилж, мэдэхгүйгээр мэдэж, туслахгүйгээр тусалж, ихэмсэг зангийн ул мөргүйгээр дэлхийг адислаж, өөрийгөө ямар ч өр авлагад оруулахгүй байдлаар ашиглах хэрэгтэй. Энэ бол бидний зам.

Бид өнөөдөр, маргааш эсвэл өдөр бүр бясалгадаг. Энэ нь барын замаар явахтай адил юм. Бид хэрэгцээгээ хангана, бид адислана, бид асуухгүй, бид гуйлгачлахгүй. Бурхан, тэнгэрийн элчис, гэгээрэгсэд өөрсдийнхөө ажлын хэсгийг аль хэдийнээ хийсээр байгаа. Тэд ажлаа дуусч байгаа. Одоо бид тэдний мөрөөр явж тэдний ажлыг ч бас хийнэ, үргэлж түр зуурын энэ амьдралынхаа төлөө гуйлга гуйж, өөрийнхөө төлөө залбираад байж болохгүй. Зайлшгүй шаардлага гарвал бид залбирч болно. Бид оюун ухааны амьдралаараа зөвхөн тэр саадыг давж гарч чадна. Гэвч оюун ухааны хаант улсад үүрд битгий гуйлгачин байгаарай.

"Аулак Ижий"

2010-10-13T04:39:00.000-07:00

Хязгааргүй тэнгис гүн далайн усанд
Одон мичид багтан тусах юмаа
Үлэмжийн саруул гэгээн оюун ухаандаа
Оломгүй сэтгэлийг тольдон ариусан сууна уу.
Өмөрсөн модонд нялх ногоо соёолон байна ээжээ
Өөдөсхөн биеийг минь та өнгийн гэрлээр хучаа юу
Ургасан модонд үнэт чулуу гэрэлтэхийг харлаа би
Ухаан далайн сүүдрийг угаагаа юу даа та.
Шуугин урсах мөрөн голын усанд
Саран наран багтан тусах юмаа
Тунаран тодрох, саруул гэгээн ухаандаа
Дундуур сэтгэлийг тольдон ариусган сууна уу.
Нугас цуглах нуур цөөрмийн усанд
Нутгийн уулс багтан тусах юмаа
Болор тунгалаг цэцэн оюун ухаандаа
Болох болохгүй бүхнийг тольдон ариусгаж сууна уу.

авшигтан Б.Даваасүрэн

"Loving Hut" -с мэдээлж байна.

2010-10-05T07:28:00.000-07:00

Амьтны гаралтай орц болон хольцноос зайлсхийхүй:

-Animal-Derived additives -Амьтны гаралтай хүнсний нэмэлтүүд

Е120-Cochineal /Cochineal гэдэг нь шавьж юм. Энэхүү шавьжнаас улаан өнгийн будгийг гаргаж авдаг./
E441- Gelatin- Царцмаг буюу цэлцэгнүүлэгч /Желатин/-ийг амьтны арьс, тагалцаг зэрэг дайвар бүтээгдэхүүнээс гарган авдаг. Эдгээрийг тараг, төрөл бүрийн чихэр, желе болон бусад амттануудад хийдэг байна.
E542 – Edible Bone Phosphate –Амьтны яснаас гаргаж авдаг. Хаталтаас сэргийлэх бодис.
E631 –Sodium5 – Inosinate –Амт сайжруулагч, зөвхөн амьтан болон загасны махнаас гаргаж авдаг.
E901 –Beeswax –Өнгөлөгч бодис. Зөгийнөөс гаралтай.
E904 –Shellac-Хүнсний бүтээгдэхүүний гадаргууг хатуу болгогч. Энэ нь Coccidae нэртэй шавьжнаас ялгардаг /давирхай/ бодис юм.
E920 – L –cysteine hydrochloride, calcium mesoinositol, hexaphosphate, sperm oil/spermaceti –амьтны үс, ноос, өдөөр хийсэн.

-Animal Milk Derivatives & dairy products - Малын гаралтай сүү, сүүн бүтээгдэхүүн болон нэмэлт дайвар бүтээгдэхүүн

Cow milk-үхрийн сүү
Goat milk- ямааны сүү
Casein /including sodium caseinate/- сүүний уураг
Lactate -Сүүний хүчлийн давс
Lactic acid -Сүүний хүчил
Lactose-Сүүний сахар
Whey -Шар сүү
Butter -Цөцгий
Butterfat -Цөцгийн тос
Cheese - Бяслаг
Yogurt -Тараг
Milk solids -Сүүний хатуулаг
-Eggs-Өндөг

Egg White /albumin/- өндөгний цагаан
Egg yolk /lecithin/ - өндөгний шар
Egg shell – өндөгний хальс
Е1105 – Lysozyme -өндөгнөөс гаргаж авдаг

Та илүү ихийг мэдэхийг хүсвэл: доорхи утасруу холбоо барих болон емэйл хаягруу захиа бичээрэй.
УБ хот, Хан-Уул дүүрэг, Чингисийн өргөн чөлөө
Монгол нэхмэл ХК-ний байр 2-р давхар.
Утас:/976-11/ 341548, 99774277, 88558833
Имэйл:khairiinurguu@yahoo.com

Мөн цагаан хоолны бүх газруудаар дээрхи орц найрлагийн тухай бичсэн

"Танин мэдэхүйн өврийн дэвтэр"-ийг худалдаалж байна.

Эх Дэлхийгээ Аврахын тулд Ногоон хоолтон болж, Байгал орчноо хамгаалъя.

2010-10-03T06:41:00.000-07:00

Улаанбаатар хотод зохион байгуулагдсан Буддистуудын олон улсын нэгдсэн конференцийн үеэр хуралд оролцсон зочид төлөөлөгчид Монголд байгаа цагаан хоолны рестораны нэг болох "Luna Blanka" -д зочилон нэг өдрийн хоолыг идэцгээлээ.
Дашрамд дурдахад уг рестораны бүх хоол нь цэвэр ургамлын гаралтай бөгөөд хүн ардынхаа эрүүл мэндийн төлөө болон эх дэлхийгээ аврахад чухал үүрэг гүйцэтгэж байгаа билээ.

Их Багш үлгэр ярьж байна

2010-09-26T06:01:00.000-07:00

ГЭГЭЭРСЭН ШИДЭТ ДАГИНАС

Энэ бол Энэтхэг үлгэр юм. Хятадад үүнтэй адил үлгэр байдаг шиг санагдаж байна. Нэг өдөр Тамын Хаан томоохон үдэшлэг зохиож түүндээ сүнс сүгнүүд, бурхад, олон шидэт дагинасыг хамтдаа хооллоё гэж урьжээ. Тамын Хаан бол их марзан. /түүний зан чанар нь угийн ийм юм/ Тэр зориудаар маш олон амттан нарийн хоолоо ширээнийхээ голд нь байрлуулаад сандлуудаа ширээнээсээ хол байлгаж маш урт хоолны халбага тавьжээ. Бүх л төрлийн амтат хоолыг уулнаас, далайгаас сонгон авчирч бурханы орны тоор, усан үзмийн вино гэх мэт та нарын бодож чадах бүх юм тэнд байв. Энэ нь үнэхээр гайхалтай сэтгэл сэргэм гоё сайхан байсан ба хүн бүрийн арааны шүлсийг гойжуулмаар хамгийн сайн ширээ зассан байлаа.
Хэдий тийм боловч Тамын Хаан хүн бүрт: юм идэх үедээ тохойгоо нугалахгүй байх болзол тавьжээ. Ердийн үед хүн юм идэх үедээ тохойгоо нугалах ёстой. Ийм урт халбага, ширээ их хол, тохойгоо нугалж болохгүй атал тэд бүх юмыг идэх ёстой байв. Тэдгээр сүнс сүгнүүд, астрал төрөлтөнүүд, тамын хааныг зэмлэн гомдол гаргацгаан болзлыг зөвшөөрөлгүй бүгд орхин явцгаав. Зөвхөн шидэт дагинас үлдээд ямар арга байгааг бодож олцгоожээ. Даруй тэд ойлголоо. Тэд нэг нь нөгөөгөө хүүхэд хооллож байгаа юм шиг хооллож эхлэв. Ийм маягаар тэд үүнийг хийхдээ зөрчил гаргалгүй, тохойгоо нуглалгүйгээр идэж чадлаа. Сүнс сүгнүүд болон гэгээрсэн шидэт дагинасын хоорондох ялгаа нь энэ л юм.

***

Их Багшийн тайлбар:
Бидний жирийн хүмүүсийн хувьд бид идэж чадахгүй бол бидэнд сүйрэл болсон шиг сэтгэгдэл төрж бусад хүмүүс ч бас идэж чадахгүй болно. Үүний үр дүнд хоёул аль аль нь идэж чадахгүй байх юм. Энэ бол Маяагийн онцлог чанар нь. Хэдийгээр бид түүний биетэй боловч бидний зарим нь Маяа юм. Хэрэв бидний үйл хэрэг Маяагийнх шиг бол бид Маяа гэсэн үг. Бусдад өөрийгөө зориулах сэтгэл байхгүй бол бид юу ч олж авч чадахгүй, бусад хүмүүс ч бас адилхан харин зөвхөн сүйрэл тэнд байна. Яг л тэр сүнс сүгнүүдийн, бусдад дарамт үзүүлчхээд хэн нэгнийг халамжлах тухай ярилтгүй байгаа шиг л байх болно.
Бид бусдад анхаарал тавьсан цагт Бурхан бидэнд анхаарал тавина. Би үүнийг баталж чадна. Бясалгал хийж байхдаа ажлаа алдана гэж айх хэрэггүй. Тэдгээр шидэт дагинасаас та нар суралцах хэрэгтэй. Тэр урт халбагаар бие биенээ хооллох нь маш хялбар төдийгүй их хөгжилтэй юм. Тэд баяр хөөртэй тоглоцгоосон байж таарна. Хүн бүр л инээж байсан. Гэтэл тэдгээр сүнс сүгнүүд юу ч идэж чадалгүй их ууртай, хоосон ходоодтой буцацгаажээ.
Гэгээрсэн хүмүүс маш тайван амгалан амьдардаг, яагаад гэвэл бид юмсыг саруул ухаанаар харах чадвартай байдаг. Хэрэв бид гэгээрээгүй бол бидний сэтгэл “Би их чухал хүн” гэж бодсоор байх ба энэ нь илүү их гай зовлон болдог. Энэ дэлхий дээр хэн ч байхгүй зөвхөн “Би” ганцаараа байдаг гэж бодохоороо бид зөвхөн бэрхшээлийг өөрөө эдлэх болдог, мөн аз жаргал ч гэсэн ийм зарчимтай байдаг. Эндээс үзэхэд энэ би үзэл нь утгагүй хэрэггүй зүйл болж байгаа биз!.